मुलिचेला टोॽवा 18:23 - आठपहरिया

²³ हिट्‌नुङ् हिट्‌नि होप्‍मो लेम्‍बा सोम्‍मा युङे॥ हिट्‌नुङ्‌ना उन् गालातिया लोक् फिरगिया छेट्‌रा टेप् लाम्‌टियाउङ् हिट्‌निगा सोब्‍बे बिस्‍वासिचि बिस्‍वासङि बोल्‍लेउ लिसानि पिक्‍सा आँट् पिडुचे॥

मुलिचेला टोॽवा 18:23 ပူးပေါင်းရင်းမြစ်များ

लुका 1:3

हिट्‌नुङ् आङा चा नागा सोब्‍बे रिङ्‌चि उटुम्‌लाम्‍मा कोलुङे हिट्‌नुङ् ना जोम् याप्‌मिचिङा उमाट्‌टुना हिट्‌नुङ् खान्‍ङा आखेम्‍सुना ना छेम्‍बाना रिङ् ए पिक्‍सा खान्‍ङा चा ठाहा टोगु नुङ् सोब्‍बे रिङ्‌चि ओछेक्‍छेक् चोक्‍सा खान्‌लाउङ्‌सा छेप्‍टुएसुङे॥

लुका 22:32

टरो खान् आङि बिस्‍वासि लिसा नुङ् खान् लोङ्‌सा माङ्‌हाङ्‌ङा घुवार माफायाक् नुङ् आङा बिन्‌टि चोगुएसुङे॥ हिट्‌नुङ् जब खान् काएल्-काबु आलियुङ् आङालेङ् आनोक्‌युक्, टब काटाक्‌चि चा बिस्‍वास्‌ङि बोल्‍लेउ लिमा लोङ्‌सा घुवार फाडुचि॥”

लुका 22:43

[हिट्‌नुङ् टोनालोग्‌लाम्‍मा टोनालोग् रिङ् काउग्‍बा उङ्‌साउङ् येसु घुवार फाडुए॥]

मुलिचेला टोॽवा 14:22

हिट्‌नागाचिङा येसु डाङ्‌बाङि बिस्‍वास काचोक्‍बाचि बिस्‍वासङि बोलियो लिसानि पिक्‍सा आँट् पिडाचुए, हिट्‌नुङ् “माङ्‌हाङ् उमुलुक्‌ङि खाप्‍मा नुङ्‌ना उटुम्‌ङि आनि याङ्‌छामा, निङ्‌गुवा सागु हिट्‌नुङ् खेदो आङ्‌मा डोक् कोन्‌युक्” पिक्‍सा हिट्‌नागा लोडाचुचे॥

मुलिचेला टोॽवा 15:32

याहुदा हिट्‌नुङ् सिलास चा माङ्‌काटा ए, हिट्‌डेउङ् नागाचिङा येसु डाङ्‌बाङि बिस्‍वास काचोक् भुम्‍बु-झान्‍झाचि छोम्‍बोक् चोक्‍सा हिट्‌नुङ् बिस्‍वासङि बोल्‍लेउ चोक्‍मा लोङ्‌सा जोम् रिङ् माट्‌टाचुए॥

मुलिचेला टोॽवा 15:41

हिट्‌नागाचि सिरिया हिट्‌नुङ् किलिकिया छेट्‌रा लिसा खाडाचिनाँ हिट्‌निगा माङ्‌पाङ्‌ङिगा बिस्‍वासङि बोल्‍लेउ चोक्‍सा खाडाचे॥

मुलिचेला टोॽवा 16:40

हिट्‌नुङ् हिट्‌नागाचि खाम्‍बाङ्‌लाम्‍मा होन्‍डाचिउङ् लिडिया ओपाङ्‌ङि खाडाचे॥ हिट्‌नुङ् हिट्‌नि बिस्‍वासिचिलोक् उटुबे हिट्‌नुङ् हिट्‌नागा आँट् पिडाचुचिउङ् हिट्‌नालाम्‍मा लाम्‌टियाचे॥

मुलिचेला टोॽवा 16:6

पावाल हिट्‌नुङ् ओसाइबाचि फिरगिया लोक् गालातिया छेट्‌रा उलिसाउङ् ओखाडे, पोङ्‌भोने हिट्‌नागा सेङ्‌सेङ्‌ना हाङ्‌साङा एसिया छेट्‌राङि पारचार चोक्‍मा छाक्‍टुचे॥

मुलिचेला टोॽवा 19:1

आपोल्‍लोस कोरिन्‌थि खालाङ्‌गाङि लिसाना बेला पावाल हिट्‌ना एसिया छेट्‌राङाना भिट्‌राङिना लाम्‍बो लिसाउङ् एफिसास खालाङ्‌गाङि होन्‍डाडाए॥ हिट्‌नि पावालङा इम्‍टेप्‍मा बिस्‍वासिचि टुबुचे॥

मुलिचेला टोॽवा 2:10

फिरगिया, पामफिलिया, मिस्‍रा, कुरेनि नेहेट्‌टाङ्‌ङिना लिबिया, हिट्‌नुङ् रोमलाम्‍मा आबिगा,

१ कोरिन्‌थि 16:1

हाट्‌ले यरुसलेमङिगा माङ्‌हाङ् ओयाप्‌मिचि लाउङ्‌सा छुम्‍सुम्‍ना ओफाबा बारेङि आङा खानि लोनाँनि॥ गालातियाङिगा माङ्‌पाङ्‌ङिगा लाउङ्‌सा आङा लोडुङ्‌चिङ्‌गा गाड्‌डे डोक् खानिङा चा चोगानुम्॥

गालाति 1:2

आङा पावाल हिट्‌नुङ् आङालोक् उलिसागा सोब्‍बे भुम्‍बु-झान्‍झाचिलाम्‍मा गालातियाङिगा माङ्‌पाङ्‌ङिगा याप्‌मिचिलाउङ्‌सा हाक्‍बालाक् ना चिट्‌ठि ए॥

गालाति 1:9

आन्‍याँ पाइले खानि लोनानिगा रिङ् फेरि चा आङा लोनाँनि, कोइङा खानिङा बिस्‍वास आचोगुम्‍ना नुना खाबोर माले आरको नुना खाबोर पारचार चोगुटु भोने, हिट्‌नाङा साजाए टोगुटु॥

गालाति 4:14

हिट्‌ना बेला आङाना आयेम् टुगाउङ् खानिलाउङ्‌सा याङ्‌छामा लिसा चा खानिङा आङा चिम्‍मा याङ्आफुट्‌टेट्‌टिन्‍ना॥ हिट्‌ना ओसाट्‌टोङि खानिङा माङ्‌हाङ् रिङ् काउग्‍बा हिट्‌नुङ् खिरिस्‍ट येसु गाड्‌डे डोक् आङा नुलोक् याङ्आचोगिङे॥

१ थेसालोनिकि 3:2

हिट्‌नुङ् आनि झान्‍झा तिमोथिम्‍बाक् आनिलोक् एक्‍केउ टोॽवा चोक्‍ना खिरिस्‍टङाना नुना खाबोर पारचार काचोक्‍बा माङ्‌हाङ्‌ङाना सेवाक ए॥ खानि बिस्‍वासङि दोरो चोक्‍मा हिट्‌नुङ् बिस्‍वासङि आँट् पिमालाउङ्‌सा खानिङि उन् डोक् पाङ्‌सुम्‍मे॥

१ थेसालोनिकि 4:18

नाड्‌डेउङ् नागा रिङ्‌लाम्‍मा ठिबाङ्‌ङा आरको आँट् पिडानुम्‌चिम्॥

१ थेसालोनिकि 5:14

भुम्‍भु-झान्‍झाचि हिट्‌नुङ् आनो-आन्‍झाचि, स्‍वाकायु याप्‌मिचि ओछेक्‍छेक् चोगानुम्‌चिम्, उकिट्‌टागा लाउङ्‌सा आँट् पिडानुम्‌चिम्, निम्‍छारोचि घुवार फाडानुम्‌चिम्, हिट्‌नुङ् सोब्‍बे याप्‌मिचि आङ्‌डानुम्‌चिम् पिक्‍सा आरति पिनाँनि॥