ना रिङ् ओखेम्सुङ् याहुदि ओठेडोङ्चि उन्चि उन्चि उपिगे, “ना याप्मि खोनि खाप्मा इट्टुएना, हिट्नुङ् खानिङा आङा याङ्आटुबिन्नागा पिक्युक्ना? पाक् ना याप्मि गिरिक् याप्मिचिगा छेट्राङि चेम्बेलेङ् उलिसाउङ् उयुङागा आनि याहुदिचिङि खाट्युङ् हिट्नागा गिरिक् याप्मिचि हिसिक्मा निङ्ग्वा चोगुएनि पाइना?
मुलिचेला टोॽवा 17:4 - आठपहरिया4 हिट्डेउङ् आम्टेप्मा याहुदिचिङा उन्चि रिङ् ओलाडुङ् टाङ्बाङि बिस्वास ओचोगुए हिट्नुङ् पावाल हिट्नुङ् सिलासलोक् ओकेङे॥ माङ्हाङ्ङाना माङ्ध्यान् काचोक्चि जोम् गिरिक् याप्मिचि हिट्नुङ् आम्टेप्मा उन्चि निङ्ला मुक्टागा मेन्झेमाचि चा पावाल हिट्नुङ् सिलासलोक् ओकेङे॥ အခန်းကိုကြည့်ပါ။ |
मुलिचेला टोॽवा 17:4
31 ပူးပေါင်းရင်းမြစ်များ
एन्टिओखिया खालाङ्गा गाड्डे डोक् आइकोनियान खालाङ्गाङि चा पावाल लोक् बारनाबास साडे गाड्डे याहुदिचिगा छुम्मापाङ्ङि खाडाचे॥ हिट्नागाचि छुम्मापाङ्ङि लिगाचिउङ् आड्डिक् निङ्ग्वा डोक् खोट्टुलोक् चेक्टाचे हिट्नुङ् हिट्नि उलिसागा जोम् याहुदिचि हिट्नुङ् गिरिक् याप्मिचिङा चा टाङ्बा येसु खिरिस्टङि बिस्वास ओचोगुए॥
हिट्नुङ्ना मुलिचेलाचि, ओठेडोङ्चि हिट्नुङ् माङ्पाङ्ङिगा सोब्बे बिस्वासिचिलोक् ओटोङाउङ् आम्टेप्मा याप्मिचि ओसेगुचिउङ् एन्टिओखिया खालाङ्गाङि पावाल हिट्नुङ् बारनाबासलोक् पाङ्सुम्चिम् नुङ् निङ्ग्वा ओचोगे॥ हिट्नागाँ याहुदा ओलोडुना बारसाबास हिट्नुङ् सिलास ओसेगुचे, नागाचि बिस्वासि भुम्भु-झान्झाचिङि ओठेडोङ् डाचिगा॥
हिट्नागा टाराङ्-टाराङ् राट्सा नाड्डे उपिगे, “इस्राइलि याप्मिचि, आबानि हिट्नुङ् घुवार याप्मि फाडा॥ आनि छोङ्बाचि बिरुद्दाङि, आनि धारमाबिधि बिरुद्दाङि हिट्नुङ् ना माङ्ठाना बिरुद्दाङि टोम्बो योम्बो वासा याप्मिचि काहिसिक्बा याप्मि ना डोक् ए॥ नाट्टेप्मा एडोक् माखाक्, नाङा पानिछोङ्बाचि चा माङ्ठानाङि लिगुचिउङ् ना सेङ्सेङ्ना डेन् आसुद्दो चोगुए॥”
ကြော်ငြာတွေ