मुलिचेला टोॽवा 17:26 - आठपहरिया

²⁶ याप्‌मिचि नारा टेप् उयुङ्‌याक् नुङ् माङ्‌हाङ्‌ङा ठिबाङ् याप्‌मिलाम्‍मा ख्‍वाप्‍पा छोङ्‌बाचि चोगुचे, हिट्‌नुङ् खोना बेला सोम्‍मा हिङ्‌ग्‍माना हिट्‌नुङ् युङ्‌माडेन् चा उन्‍ङा पाइले डोक् टोङ्‌सुबिडुचे॥

मुलिचेला टोॽवा 17:26 ပူးပေါင်းရင်းမြစ်များ

मुलिचेला टोॽवा 14:17

टरो उन्‍ङा याप्‌मिचिङि ओचेट्‌नुना टोॽवा चोगुङ् उन् लिसाना रिङ् निमेट्‌टुचे॥ उन्‍ङा टाङ्‌साङ्‌लाम्‍मा व्‍हेट् ठेन्‍डुङ् ठिक्‍का बेलाङि डोक् चासोङ् आपियुक् हिट्‌नुङ् खानि औधि डोक् चामा-ठुङ्‌मागा थोक्‌चि मापिडिउङ् खानि निङ्‌ग्‍वा हारका माचोगिबिडिटि॥ नागा सोब्‍बे टोॽवाङा डोक् उन्‍ङाना साँचि पिडुटु॥”

मुलिचेला टोॽवा 15:18

नागा रिङ् उन्‍ङा याप्‍मा बारखा पाइले डोक् याप्‌मिचि लोडुएसुचिगा॥’”

१ कोरिन्‌थि 15:22

ख्‍वाप्‍पा याप्‌मिचि सिमा कोन्‌युक्, पोङ्‌भोने हिट्‌नागा आदामङाना उपुङ्‌लाचि ए, हिड्‌नाड्‌डे डोक् खिरिस्‍टङि उलिसागा सोब्‍बे हान्‍डेङ्‌म्‍बाक् उहिङ्‌ग्‍वाट् उलियुक्॥

१ कोरिन्‌थि 15:47

माङ्‌हाङ्‌ङा पाइलेना याप्‌मि आदाम नाराङिना खाम्‌लाम्‍मा चोगुए, टरो दोस्‍रो याप्‌मि खिरिस्‍टउम्‍बाक् टोनालोग्‌लाम्‍मा उङ्‌से॥

हिब्‍रु 2:3

नाड्‌डेउङ् नाटेप्‍मा औधि ठेना मुक्‌टि आनि इन्‍कार चोगुम्‍टुम् भोने, खोड्‌डेउङ् साजाए टोक्‍मालाम्‍मा आनि हिङिटिगा टे? ना मुक्‌टिङाना बारेङि टाङ्‌बा येसु आप्‍पेङा डोक् पाइले पारचार चोगुए, हिट्‌नुङ् ना रिङ् काखेम्‍बाचिङा ना छेम्‍बाना ए नुङ् आनिलाउङ्‌सा पारमान् याप्‌मि उपिडे॥