मुलिचेला टोॽवा 16:31 - आठपहरिया

³¹ हिट्‌नुङ् हिट्‌नागाचिङा लोडाचुए, “टाङ्‌बा येसुङि बिस्‍वास चोगु, हिट्‌नुङ् खान् लोक् कापाङ्‌ठाङ्‌ङिगा याप्‌मिचिङा मुक्‌टि ओटोगुटु॥”

मुलिचेला टोॽवा 16:31 ပူးပေါင်းရင်းမြစ်များ

मारकुस 16:16

हिट्‌नुङ् जुन्‍ङा बिस्‍वास चोगुटु हिट्‌नुङ् बाप्‌टिस्‍मा लाडुटु हिट्‌नागा लोङ्‌सा माङ्‌हाङ्‌ङा हिङुचिचि॥ टरो बिस्‍वास ओचोगुन्‍गा लाउङ्‌सा माङ्‌हाङ्‌ङा साजाए पिडुचिचि॥

युहान्‍ना 1:12

टरो आम्‍टेप्‍माङा उन् ओलाडुए, हिट्‌नुङ् उनिङ्‌ङि बिस्‍वास ओचोगुए, उन्‍ङा हिट्‌नागा माङ्‌हाङ्‌ङाना छालेट्‌चि लिमाना आधिकार पिडुचे॥

युहान्‍ना 20:31

टरो येसुम्‍बाक् खिरिस्‍ट, माङ्‌हाङ् छा नुङ् बिस्‍वास चोगानुम्, हिट्‌नुङ् बिस्‍वासलाम्‍मा उन्‌ङि खानिङा चोला टोगानुम् नुङ् ना छाप्‍लाङि छेप्‍टेसे॥

युहान्‍ना 3:36

जुन्‍ङा छाङि बिस्‍वास चोगुटु, हिट्‌नालोक् खोना बेला चा लाट्‌निना चोला लियुक्॥ जुन्‍ङा छाङि बिस्‍वास चोगुन्‍ना, हिट्‌नाङा खोना बेला चा लाट्‌निना चोला टोगुन्‍ना, टरो माङ्‌हाङ्‌ङाना साजाए हिट्‌ना उठुङ्‌ङि लियुयाक्‌युक्॥

युहान्‍ना 6:40

पोङ्‌भोने आङाना पाबाङाना उनिङ्‌ग्‍वाम्‍बाक् छा मिसेन् कानिबा हिट्‌नुङ् उन्‌ङि बिस्‍वास काचोक्‍बा ख्‍वाप्‍पाङा खोना बेला चा लाट्‌निना चोला ओटोगुवाक् नुङ् ए॥ हिट्‌नुङ् आङा हिट्‌नागा आखेरि लेम्‍बाङि उहिङ्‌ग्‍वाट् चोगुङ्‌चिङ्‌चिङ्॥”

युहान्‍ना 6:47

“छेम्‍बा डोक्, आङा खानि लोनाँनि, जुन्‍ङा बिस्‍वास चोगुटु हिट्‌नालोक् खोना बेला चा लाट्‌निना चोला युङ्‌ग्‍वा॥

मुलिचेला टोॽवा 15:11

हिट्‌नाडे चोगिन्‍चा, हिट्‌नागा गाड्‌डे डोक् आनि चा येसु डाङ्‌बाङाना दायाङा हिङिना रिङ्‌ङि आनि बिस्‍वास चोगुम्‍ना॥”

मुलिचेला टोॽवा 16:15

हिट्‌नुङ् उन्‌लोक् ओपाङ्‌ङिगा ख्‍वाप्‍पाङा बाप्‌टिस्‍मा ओलाडुए॥ हिट्‌नुङ् हिट्‌नाँ ओपाङ्‌ङि युङ्‌मा आन्‍याँ स्‍या मेट्‌सा याप्‌मिलोडे, “खानिङा आङा छेम्‍बा डोक् बिस्‍वासि झान्‍झा आलोडिटिङा भोने, आपाङ्‌ङि आबानिउङ् युङानि॥” हिट्‌नुङ् हिट्‌नाँ आन्‍याँ ओपाङ्‌ङि खाप्‍मा डोक् याप्‌मि मेट्‌टे॥

मुलिचेला टोॽवा 16:32

हिट्‌नुङ् पावाल लोक् सिलासङा टाङ्‌बाङाना रिङ् उन्‌लोक् हिट्‌नुङ् ओपाङ्‌ङि उलिसागा ख्‍वाप्‍पा याप्‌मिचि लोङ्‌सा पारचार चोगाचुए॥

मुलिचेला टोॽवा 18:8

याहुदि छुम्‍मापाङ्‌ङिना ओठेडोङ् किरिस्‍पास हिट्‌नुङ् ओपाङ्‌ङिगा सोब्‍बे याप्‌मिचिङा टाङ्‌बाङि बिस्‍वास ओचोगुए हिट्‌नुङ् कोरिन्‌थिङिगा जोम् याप्‌मिचिङा पावालङा पारचार चोगुना नुना खाबोर ओखेम्‍सुङ् बिस्‍वास ओचोगुए, हिट्‌नुङ् बाप्‌टिस्‍मा ओलाडुए॥

मुलिचेला टोॽवा 4:12

“येसु खिरिस्‍टलाम्‍मा एडोक् याप्‌मिचिङा मुक्‌टि ओटोगुटु॥ पोङ्‌भोने ना नाराङि याप्‌मिङा मुक्‌टि टोक्‍मा लोङ्‌सा खोना चा आरु निङ् वाइना॥”

मुलिचेला टोॽवा 8:36

हिट्‌नुङ् हिट्‌नागाचि हिट्‌ना लाम्‍बो लिसा खाडाचिनाँ चुवा लिसाना डेन्‌ङि टासाचुए॥ हिट्‌नुङ् हिट्‌ना नापुङ्‌साकङा लोडुए, “पुयुटे, नाहि चुवा युङ्‌ग्‍वा, पाक् आङा बाप्‌टिस्‍मा लिमा हिनिङ्‌नै टे?”

रोमि 11:16

आनि चालेपा उमा चालाँ चोगुम्‍ना पिठोङाना पाइलेना भागा सेङ्‌सेङ्‌ना भोने, माङ्‌हाङ्‌लाउङ्‌सा ठाङ्‌सुम्‍ना आरु सोब्‍बे भागा चा सेङ्‌सेङ्‌ना लियुक्॥ हिट्‌नाडे डोक् सिङ् उभुङ्‌माङाना ओजारा सेङ्‌सेङ्‌ना भोने ख्‍वाप्‍पा ओहागेप्‍पाचि चा सेङ्‌सेङ्‌गा उलियुक्॥

गालाति 3:14

माङ्‌हाङ्‌ङा आब्‍राहामलाउङ्‌सा चोगुना चामारसिङाना आसिक् पानिछोङ्‌बाचिङा चा ओटोगुवाक् नुङ् उन्‍ङा आनि छुट्‌कारा आपिडे, हिट्‌नुङ् माङ्‌हाङ्‌ङा चोगुना सेङ्‌सेङ्‌ना हाङ्‌साङाना चामारसिङाम्‍बाक् बिस्‍वासलाम्‍मा आनि सोब्‍बेङा खिरिस्‍ट येसुङि टोगुम्‍टुम्॥

गालाति 3:22

टरो धारमाछाप्‍लाङा आनि सोब्‍बे पापङाना आधिन्‌ङि लिसेइसिए नुङ् माट्‌टुटु, हिट्‌डेउङ् येसु खिरिस्‍टङि बिस्‍वास चोगुमुङ् एडोक् माङ्‌हाङ्‌ङा चोगुना चामारसिङा आनि टोगुम्‍टुम्॥

गालाति 3:26

हाट्‌ले खानि सोब्‍बे बिस्‍वासलाम्‍मा डोक् खिरिस्‍ट येसुङि माङ्‌हाङ्‌ङाना ओछालेट्‌चि आलिसिएसिए॥