मुलिचेला टोॽवा 16:18 - आठपहरिया

¹⁸ हिट्‌ना याप्‍मा लेम्‍बा सोम्‍मा हिट्‌डे पिक्‍सा राट्‌टायाक्‍टे॥ हिट्‌नुङ् पावालङाना आसाक्‍का उनिङ्‌ग्‍वा टुगाउङ् हिट्‌नालेङ् नोक्‍टाउङ् टोम्‍गाचिगा रिमेट् लोडुए, “येसु खिरिस्‍टङाना उनिङ्‌ङि हिट्‌ना मेच्‍छेमालाम्‍मा खान् टोम्‍गाचिगा खाडालेट्‌टा पिक्‍सा आग्‍याँ पिनाँ॥” पावालङा हिट्‌नाडे लोडुनामे हिट्‌ना होन्‍डाउङ् खाडालेट्‌टे॥

मुलिचेला टोॽवा 16:18 ပူးပေါင်းရင်းမြစ်များ

मात्‌ति 14:24

हिट्‌ना बेला सोम्‍मा नाउम्‍बाक् तालङाना ओफेरोलाम्‍मा याप्‍मा लाप्‍माङ् टामा हिडुएसुना॥ हिट्‌नुङ् ठेना हिॽवा नाउङाना ओटोकानालाम्‍मा फेन्‍डानाँ हिट्‌नुङ् चुवाङाना ओभेट्‌लेॽवाङा नाउ वान्‍डुनाँ हिट्‌नागा आगाडि खाप्‍मा उहिनेट्‌नि॥

मारकुस 1:34

येसुङा पारिक् पारिक्‍ङागा रोगाङा उटुगागा याप्‍मा याप्‌मिचि नुमानिङ् चोगुचे, हिट्‌नुङ् जोम् याप्‌मिचिलाम्‍मा ओचाफेन्‍ना रिमेट्‌चि होट्‌टुचे॥ येसुङा हिट्‌नागा टोंडेबाचि चेग्‍मा पिडुवाट्‌टुन्‌चिन्, पोङ्‌भोने हिट्‌नागाँ येसु मिसेन् उनिसुएसुना॥

मारकुस 16:17

हिट्‌नुङ् बिस्‍वास काचोक्‍बाचिङा नाड्‌डेगा टोॽवा चोक्‍मा उहिडुटु, आनिङ्‌ङि हिट्‌नागाँ ओचाफेन्‍गा रिमेट्‌चि ओहोट्‌टुडिसुचिचि, हिट्‌नागा आरु रिङ्‌ङि चा ओचेक्‌युक्,

लुका 9:1

ठिक् लेम्‍बा येसुङा बारो जाना ओचेलाचि एक्‍केउ छेम्‍डुचे॥ हिट्‌नुङ् हिट्‌नागा ओचाफेन्‍गा रिमेट्‌चि होप्‍माना हिट्‌नुङ् उटुग्‍गा याप्‌मिचि नुमानिङ् चोक्‍माना बोल् हिट्‌नुङ् आधिकार पिडुचे॥

मुलिचेला टोॽवा 3:6

पाटरुसङा लोडुए, “आङालोक् साम्‍मेङ् रुपाक् वाइना, टरो आङालोक् जे युङ्‌ग्‍वा हिट्‌ना डोक् पिनाँ॥ नासारातङिना येसु खिरिस्‍टङा उनिङ्‌ङि कोबाउङ् लाम्‌टिया॥”

मुलिचेला टोॽवा 9:34

पाटरुसङा हिट्‌ना लोडुए, “हाउ एनियास येसु खिरिस्‍टङा खान् नुमानिङ् माचोक्‌युक्, कोबा हिट्‌नुङ् काडोलेन्‍चा फोगु॥” हिट्‌ना बेला डोक् हिट्‌ना नुयाउङ् कोबे॥

कालास्‌सि 2:15

हिट्‌नुङ् खिरिस्‍टङा हिट्‌नागा निनिम्‍गा ओभेन्‍गा रिमेट्‌चिगा बोल् लोक् आधिकारचि मेट्‌टुचिउङ् खाप्‍चेङि डोक् सोब्‍बेङा ठाहा ओटोगुलोक् मोम्‍मासिमा मेट्‌टुचिउङ् हिट्‌नागालाम्‍मा हिट्‌ना बोल् नाप्‍टुए॥