मुलिचेला टोॽवा 15:2 - आठपहरिया

² नाड्‌डे पारिक्‍ना हिसिक्‍मा पावाल लोक् बारनाबासङा खेम्‍साचुङ् हिट्‌ना रिङ्‌ङि टेन्‍च्‍याट्‌चिन् हिट्‌नुङ् हिट्‌नागालोक् खेमाबुङ्‌मा रिङ् चोगाचे॥ हिट्‌डेउङ् हिट्‌निगा भुम्‍भु-झान्‍झाचिङा ना रिङ् बारेङि मुलिचेलाचि हिट्‌नुङ् ओठेडोङ्‌चिलोक् रिङ्‌पान् चोक्‍मा लोङ्‌सा पावाल लोक् बारनाबास हिट्‌नुङ् आरु याप्‌मिचि चा यरुसलेमङि पाङ्‌सुम्‌चिम् नुङ् निङ्‌ग्‍वा ओचोगुए॥

मुलिचेला टोॽवा 15:2 ပူးပေါင်းရင်းမြစ်များ

मुलिचेला टोॽवा 10:23

ना रिङ् खेम्‍सुङ् पाटरुसङा हिट्‌नागा पाङ् भिट्‌रा छेम्‍डुचिउङ् स्‍वागाट् चोगुचे हिट्‌नुङ् हिट्‌ना युसा हिट्‌नागा हिट्‌नि डोक् उयुङे॥ हान्‍डेङ् भ्‍यानिक् पाटरुस टेयार लिसाउङ् हिट्‌नागालोक् खाडे, हिट्‌नुङ् योप्‍पाङिगा आम्‍टेप्‍मा भुम्‍भु-झान्‍झाचि चा उन्‌लोक् ओखाडे॥

मुलिचेला टोॽवा 11:12

पानिछोङ्‌बाचि उलि चा साङ्‌का मिचोक्‍ङे हिट्‌नागालोक् खाडा पिक्‍सा सेङ्‌सेङ्‌ना हाङ्‌साङा चा याङ्‌लोडे॥ आङालोक् ओवासेट्‌टागा ङा टेप्‍मा बिस्‍वासिचि चा एक्‍केउ कारनालियासङा ओपाङ्‌ङि आङालोक् ओखाडे॥

मुलिचेला टोॽवा 11:30

हिट्‌डेउङ् हिट्‌नागाँ आम्‍टेप्‍मा ओफाबा ओफोगुए, हिट्‌नुङ् बारनाबास लोक् सावाल उमुक्‌ङि हिट्‌ना भेटि यरुसलेमङिना माङ्‌पाङ्‌ङिगा ओठेडोङ्‌चिङि ओहाङ्‌सुए॥

मुलिचेला टोॽवा 15:25

हिड्‌नाड्‌डे लिसानाँ आन्‍याँ सोब्‍बे छुमिङाउङ् आन्‍याँ चोगुम्‍माना निरनाए खानि सोरि पाङ्‌मा लोङ्‌सा आम्‍टेप्‍मा याप्‌मिचि सेगुम्‌चिम्‍माउङ् आन्‍याँ साइबाचि बारनाबास हिट्‌नुङ् पावाललोक् पाङ्‌माचिगा निङ्‌ग्‍वा चोगुम्‍मे॥

मुलिचेला टोॽवा 15:27

हिड्‌डेउङ् याहुदा लोक् सिलास चा नागाचिलोक् खानिङि पाङ्‌सुएसुम्‌चिम्‍मे॥ आन्‍याँ छेप्‍टुम्‍माना रिङ् नागाचिङा चा उन्‌चि आप्‍पे यासिलाम्‍मा डोक् खानि मालोडिटि॥

मुलिचेला टोॽवा 15:4

जब हिट्‌नागा यरुसलेम खालाङ्‌गाङि ओटासुए, हिट्‌नुङ् माङ्‌पाङ्‌ङिगा बिस्‍वासिचिङा, मुलिचेलाचिङा हिट्‌नुङ् एल्‍डारचिङा हिट्‌नागा स्‍वागाट् ओचोगुचे॥ हिट्‌नुङुना हिट्‌नागाँ माङ्‌हाङ्‌ङा उन्‌चिलाम्‍मा चोगुना सोब्‍बे टोॽवाङाना बारेङि हिट्‌नागाँ हिट्‌नि ओखेम्‍मेट्‌टुचे॥

मुलिचेला टोॽवा 16:4

हिट्‌नुङ्‌ना हिट्‌नागाचिङा खालाङ्‌गा-खालाङ्‌गाङि लिन्‍डाचुए हिट्‌नुङ् सोब्‍बे डेन्‌ङि उलिसागा बिस्‍वासिचिलाउङ्‌सा यरुसलेमङिगा मुलिचेलाचिङा हिट्‌नुङ् ओठेडोङ्‌चिङा निरनाए ओचोगुना रिङ् पालान् चोगानुम् पिक्‍सा माट्‌टाचुए॥

मुलिचेला टोॽवा 21:18

हान्‍डेङ् आन्‍याँ एक्‍केउ पावाललोक् याकुब ओपाङ्‌ङि खाडिङे॥ हिट्‌नि सोब्‍बे ओठेडोङ्‌चि उछुमाउङ् उयुङासागा॥

१ कोरिन्‌थि 1:1

माङ्‌हाङ् उनिङ्‌ग्‍वालाम्‍मा खिरिस्‍ट येसुङाना मुलिचेला लिमा याङ्‌सेगाना आङा पावाल हिट्‌नुङ् आनि झान्‍झा सोस्‍थेनेसलाम्‍मा ना चिट्‌ठि छेप्‍टाचुङाना ए॥

२ कोरिन्‌थि 11:5

हिट्‌नागा ठेगा मुलिचेलाचि नुङ् उपिग्‍गा याप्‌मिचि नुङ्‌ना आङा खाट्‌टिप्‍मा चा खाट्‌टियुना नुङ् मिट्‌निङ्‌ना॥

गालाति 2:5

टरो नुना खाबोरङाना छेम्‍बाना रिङ् खानिलोक् उलियाक् नुङ् हिट्‌नागाँ ओहोट्‌टुना रिङ् छोप्‍मोङ् धारि चा आन्‍याँ खेम्‍नेएट्‌निम्‍मा॥

याहुदा 1:3

मायालु साइबाचि, आनि सोब्‍बेङा टोगुम्‍ना मुक्‌टिङाना बारेङि खानिलाउङ्‌सा छेप्‍मा औधि डोक् निङ्‌ग्‍वाङि मिट्‌टाङे, टरो माङ्‌हाङ्‌ङा ओयाप्‌मिचि सोरोक् लाउङ्‌सा पिडुचिगा बिस्‍वास नुलोक् कुप्‍टानुमुङ् युङ्‌सानुम् नुङ् ना रिङ् छेप्‍मा डोक् कोन्‌युक् नुङ् मिट्‌टाङे॥