मुलिचेला टोॽवा 13:6 - आठपहरिया

⁶ हिट्‌नागाचि ख्‍वाप्‍पा साइपारस टापु टेप् वासाचिउङ् पाफोस ओलोडुना खालाङ्‌गाङि होन्‍डा टायाचे॥ हिट्‌नि हिट्‌नागाचिङा ठिबाङ् बार-येसु ओलोडुना याहुदि चाटाके टुबाचुए॥ हिट्‌नाङा “आङा माङ्‌काटा” पिक्‍सा माट्‌टुना डाना॥

मुलिचेला टोॽवा 13:6 ပူးပေါင်းရင်းမြစ်များ

मात्‌ति 16:17

येसुङा हिट्‌ना लोडुए, “हाउ योनाङाना उइछा सिमोन, खान् आड्‌डिक् आसिक् आटोगुना याप्‌मि, पोङ्‌भोने ना रिङ् खान्‍ङा याप्‌मिलाम्‍मा आखेम्‍सुङ् आमाट्‌टुना माखाक्, टरो ना रिङ्उम्‍बाक् टोनालोग्‌ङि युङ्‌ना आङाना पाबाङा डोक् खान् ठाहा मापिडाना॥

मात्‌ति 24:24

पोङ्‌भोने नाड्‌डेगा माङ्‌जोगा खिरिस्‍ट लोक् माङ्‌जोगा माङ्‌काटाचि ओठेट्‌युक्॥ हिट्‌नागाँ उहिडुलोक् सोम्‍मा माङ्‌हाङ्‌ङा सेगुचिगा याप्‌मिचि चा माङ् ठे-ठेगा चिन्‍ना लोक् डोङ् ठोङ्‌डिगा टोॽवा ओचोगुङ् ओबान्‍डुचिचि॥

मात्‌ति 7:15

“माङ्‌जोगा माङ्‌काटाचिलाम्‍मा ओछेक्‍छेक् लिसानिउङ् युङानि, हिट्‌नागा टे भाराउम् सोजो ठुँबा गाड्‌डे उनिङ्‌युङ् खानि सोरि ओटायुक्, टरो हिट्‌नागाउम्‍टे ब्‍वाँसो गाड्‌डेगा डोक् उलियुक्॥

मारकुस 10:46

येसु ओचेलाचिलोक् यारिहो ओलोडुना खालाङ्‌गा होन्‍डा टाए॥ जोम् याप्‌मिचिगा खिमेयाङ्‌मे यारिहो खालाङ्‌गालाम्‍मा खाडागेट्‌टाना बेला हिट्‌नि तिमै ओलोडुना याप्‌मिङाना उइछा याङ्‌कानिनिबा बारतिमै ओलोडुना याङ्‌कानाक् याप्‌मि लाम्‍बो सोरि युङासाना॥

मुलिचेला टोॽवा 13:13

हिट्‌नुङ्‌ना पावाल हिट्‌नुङ् ओसाइबाचि पाफोस खालाङ्‌गालाम्‍मा चुवाखोङ्‌डाङ्‌ङि ओठाङाउङ् पामफिलिया छेट्‌राङिना पारगा खालाङ्‌गाङि ओटासुए॥ हिट्‌नुङ् मारकुस ओलोडुना युहान्‍नाङा पावाल लोक् बारनाबास नाडुढोचिउङ् यरुसलेमलेङ् नोक्‍टे॥

मुलिचेला टोॽवा 13:8

टरो हिट्‌ना चाटाके एलुमासङा (गिरिक् रिङ्‌ङि एलुमासङा उटुप् चाटाके लियुक्) बारनाबास लोक् सावाल बान्‍डुचे, हिट्‌नुङ् सारगियास पौलुस बिस्‍वास चोक्‍मालाम्‍मा छाक्‍मा कोलुए॥

२ कोरिन्‌थि 11:13

पोङ्‌भोने हिट्‌नागा याप्‌मिचि माङ्‌जोगा मुलिचेलाचि हिट्‌नुङ् कासुप्‍बा टोॽवा काचोक्‌चि ए, हिट्‌नुङ् हिट्‌नागा खिरिस्‍टङाना मुलिचेलाचि गाड्‌डे लिमा एडोक् ओकोन्‍गा, टरो हिट्‌नागा माखाक्॥

२ तिमोथि 3:8

यान्‍नेस लोक् याम्‍बेरसङा मोसाङाना बिरोध चोगाचु गाड्‌डे डोक्, नागा याप्‌मिचिङा चा छेम्‍बाना रिङ् बिरोध ओचोगुगा॥ नागाँगा ठोना डोक् जाखाम् लिसाइसे हिट्‌नुङ् हिट्‌नागागाँ बिस्‍वास डोक् छेम्‍बाना माखाक्॥

१ युहान्‍ना 4:1

मायालु आसाइबाचि, आङा सेङ्‌सेङ्‌ना हाङ्‌सालाम्‍मा चेक्‍ङाना नुङ् उपिग्‍गा सोब्‍बे बिस्‍वास चोक्‍नेनुम्‌चिम्, टरो हिट्‌नागालोक् लिसाना हाङ्‌सा माङ्‌हाङ्‌ङाना इ माखाक् इ नुङ् नुलोक् कोलानुमुङ् पुयानुम्, पोङ्‌भोने ना नाराङि जोम् माङ्‌जोगा माङ्‌काटाचि ओवाहेट्॥

पारकास 19:20

हिट्‌नुङ् हिट्‌ना जिवाट् हिट्‌नुङ् हिट्‌ना उनिङ्‌ङि डोङ् ठोङ्‌डिना टोॽवा काचोक् माङ्‌जोना माङ्‌काटा टाङ्‌राङ्‌बाङि ठाङानाङा कैद चोगुए॥ हिट्‌ना माङ्‌जोना माङ्‌काटाङा डोङ् ठोङ्‌डिगा टोॽवा चोगुङ् हिट्‌ना जिवाट्‌ङाना छाप् ओलाडुगा लोक् हिट्‌नाङाना मुरति साम्‍माङ् काचोक्‌चि मुसिक्‍पा चाट्‌टुएसुचिगा डागा॥ हिट्‌नुङ् टाङ्‌राङ्‌बाङि ठाङानाङा हिट्‌नागाचि इप्‍पाङ् उहिङ्‌ग्‍वाट् डोक् गान्‍धकङा हाट्‌टेट्‌टाना मिङाना उभुङ्‌रोङि लेप्‍टुचे॥