मुलिचेला टोॽवा 13:38 - आठपहरिया

³⁸ “हिट्‌डेउङ् भुम्‍बु-झान्‍झाचि, खेम्‍सानुम्, ना येसुलाम्‍मा डोक् माङ्‌हाङ्‌ङा आनि पापचि माफ आपियुक् नुङ् ना खाबोर आन्‍याँ खानि लोङ्‌सा पारचार चोगुम्‍टुम्‍मा॥

मुलिचेला टोॽवा 13:38 ပူးပေါင်းရင်းမြစ်များ

मात्‌ति 1:21

उन्‍ङा ठिबाङ् ओओ पोङ्‌सुटु हिट्‌नुङ् हिट्‌नाङा ओयाप्‌मिचि उन्‌चि पापलाम्‍मा हिङुचिचि, हिट्‌नुङ् हिट्‌ना ओओङाना उनिङ् खान्‍ङा येसु युङ्‌सु॥”

लुका 24:47

धारमाछाप्‍लाङि नाड्‌डे चा छेप्‍टेसे, पापलाम्‍मा काएल्-काबु लिमाउङ् माङ्‌हाङ्‌लाम्‍मा पापङाना छेमा टोगुम्‍ना नुना खाबोर खिरिस्‍टङा उनिङ्‌ङि यरुसलेम खालाङ्‌गालाम्‍मा उटुम् लियुङ् ख्‍वाप्‍पा छोङ्‌चिङि पारचार चोक्‍मा कोन्‌युक्॥

युहान्‍ना 1:29

हान्‍डेङ्‌लेङ् युहान्‍नाङा येसु उन्‌लेङ् आबागेट्‌टाना निसुङ् लोडुचे, “पुयानुम्, नाराङिगा याप्‌मिचिगा पाप काटुक्‍बा माङ्‌हाङ्‌ङाना थुमा!

मुलिचेला टोॽवा 10:43

ख्‍वाप्‍पा माङ्‌काटाचिङा ओबारेङि नाड्‌डे ओमाट्‌टुए, ‘येसुङि बिस्‍वास काचोक्‍बा सोब्‍बेङा उनिङ्‌लाम्‍मा पापङाना माफ ओटोगुटु’॥”

मुलिचेला टोॽवा 2:14

टरो पाटरुसङा एघार मुलिचेलाचिलोक् येबाउङ् ठेना साब्‍दाङि ख्‍वाप्‍पाङा ओखेम्‍सुलोक् लोडुचे, “याहुदि टाक्‌चि हिट्‌नुङ् यरुसलेमङिगा याप्‌मिचि, ना पाक् लिसाना नुङ् आङा माट्‌टुङ्‌टुङ्, आरिङ् खेम्‍सानुम्,

मुलिचेला टोॽवा 2:38

हिट्‌नुङ् पाटरुसङा हिट्‌नागा लोडुचे, “खानि पापलाम्‍मा छेमा टोक्‍मा लोङ्‌सा काएल्-काबु लिसानिउङ् येसु खिरिस्‍टङाना उनिङ्‌ङि बाप्‌टिस्‍मा चोगानि॥ हिट्‌नुङ् सेङ्‌सेङ्‌ना हाङ्‌साङाना बारदान आटोगुम्‍टुम्॥

मुलिचेला टोॽवा 28:28

“हिट्‌डेउङ् हाट्‌ले खानिङा ठाहा टोगानुम्, माङ्‌हाङ्‌ङाना ना मुक्‌टिङाना खाबोर पानिछोङ्‌बाचि लोङ्‌सा पाङ्‌सुएसुए, हिट्‌नुङ् हिट्‌नागाँ ओखेम्‍सुटु॥”

मुलिचेला टोॽवा 4:10

हाट्‌ले खानि हिट्‌नुङ् इस्‍राएलि ख्‍वाप्‍पा याप्‌मिचिङा ना रिङ् ठाहा टोगानुम्, ना याप्‌मि नासारातङिना येसु खिरिस्‍टङाना बोल्‍ङा नुयाउङ् खानि सोरि येबाइसे॥ खानिङा येसु खाप्‍चेङि आछुडुमुङ् आसेडुमे, टरो माङ्‌हाङ्‌ङा उन् सियानालाम्‍मा उहिङ्‌ग्‍वाट् चोगुए॥

मुलिचेला टोॽवा 5:31

इस्‍राएलि याप्‌मिचि पापलाम्‍मा काएल्-काबु लिमा हिट्‌नुङ् पाप छेमा टोक्‍माउङ्‌सा माङ्‌हाङ्‌ङा उन् हाङ्‌बा हिट्‌नुङ् काहिङ्‌मेप्‍बा डाङ्‌बा चोगुउङ् उछुप्‍टाङ् उमुक्‌लेङ् युङ्‌सुए॥

एफिसि 1:7

माङ्‌हाङ्‌ङा आनि आड्‌डिक् लुक्‍मा आटुक्‍टाना रिङ् आनिमेट्‌टाउङ् खिरिस्‍टङाना ओहेलिक्‌लाम्‍मा आनि छुट्‌कारा आचोगेसे हिट्‌नुङ् आनि पाप छेमा आपिडेसे॥

एफिसि 4:32

हिट्‌नुङ् ठिबाङ्‌ङा आरको नुलोक् चोग्‍गा चोक् चोगानि हिट्‌नुङ् माया चोग्‍गा चोक् चोगानि॥ माङ्‌हाङ्‌ङा खिरिस्‍टलाम्‍मा खानि छेमा मापिडि गाड्‌डे खानिङा चा ठिबाङ्‌ङा आरको छेमा पिडानुम्‌चिम्॥

कालास्‌सि 1:14

उइछाङा आनि छुट्‌कारा आपिडाइसे हिट्‌नुङ् आनि पाप माफ आचोगाबिडाइसे॥

हिब्‍रु 8:6

टरो हाट्‌ले येसुङा टोगुना सेवा हिट्‌नागा पाइलेगा पुजारिचिगा टोॽवा नुङ्‌ना चा माङ्‌ठेना॥ हिट्‌नाडेउङ् माङ्‌हाङ् लोक् याप्‌मिचि माझाङि उन्‍ङा चोगुना सेङ्‌सेङ्‌ना माङ्‌हुप् पाइलेना नुङ्‌ना चा ओचेट्‌नुना, पोङ्‌भोने ना ओछोङ्‌ग्‍वाट् माङ्‌हुप् आड्‌डिक् ओचेट्‌नुना चामारसिङालाम्‍मा उटुम् लियुक्॥

हिब्‍रु 9:22

छेम्‍बा डोक्, धारमाबिधिङा माट्‌टु गाड्‌डे भोक् ठाङ्‌बालाक् हेलिक्‍ङा कारिब् कारिब् सोब्‍बे थोक् चोख्‍याँ चोगुटु, हिट्‌नुङ् हेलिक्‌ङाना भोक् मिठाङ्‌ङे पाप छेमा लिमा हिनिना॥

१ युहान्‍ना 2:12

खानि आइछाचि गाड्‌डेगा, खानि लाउङ्‌सा आङा छेप्‍टुएट्‌टुङ्, पोङ्‌भोने उन्‍ङाना उनिङ्‌ङि खानि पाप छेमा लिसाइसे॥