मुलिचेला टोॽवा 13:36 - आठपहरिया

³⁶ “ना रिङ् दाउदङा आप्‍पे उन्‍ङाना बारेङि माट्‌टुना माखाक्, पोङ्‌भोने उन्‍ङा ओटालाङि माङ्‌हाङ्‌ङाना टोॽवा चोगुए हिट्‌नुङ् उन् सिए हिट्‌नुङ् उटुबाठेबाचिलोक् उहुमुए हिट्‌नुङ् ओयेम् रोगाडे॥

मुलिचेला टोॽवा 13:36 ပူးပေါင်းရင်းမြစ်များ

मात्‌ति 25:16

हिट्‌नुङ् लेम्‍बोक् हाजार साम्‍याङ्‌ङाना राङ् टोगुनाङा हिट्‌ना बेला डोक् खाडाउङ् बेपारङि लाहाब् चोगुएट्‌टुए हिट्‌नुङ् हिट्‌नालाम्‍मा आरु लेम्‍बोक् हाजार साम्‍याङ्‌ङाना राङ् कामाँ चोगुए॥

युहान्‍ना 11:39

येसुङा हिट्‌नागा लोडुचे, “हिट्‌ना लिङ्‌गेॽवा सोन्‍डानुम्॥” सियाना लाजारसङाना उना मारथाङा उन् लोडुए, “आटाङ्‌बा, हिट्‌ना ओहुम्‍पाङि युङ्‌बालाक् हाट्‌ले टेम्‍बोक् लेम्‍बा लिमाइडे, ना बेला सोम्‍माउङ् नाम्‍माइडे होला॥”

मुलिचेला टोॽवा 13:22

हिट्‌नुङ् माङ्‌हाङ्‌ङा साउल हाङ्‌बालाम्‍मा होट्‌टुए हिट्‌नुङ् दाउद हाङ्‌बा चोगुए॥ हिट्‌नुङ् दाउदङाना बारेङि माङ्‌हाङ्‌ङा नाड्‌डे माट्‌टुए, ‘आङा यिसैङाना उइछा दाउद आनिङ्‌ग्‍वा गाड्‌डेना याप्‌मि टुबुङे, उन्‍ङा डोक् सोब्‍बे आनिङ्‌ग्‍वाङिना रिङ् युडुटु॥’

मुलिचेला टोॽवा 2:29

“हाउ आम्‍भु-आन्‍झाचि, आङा छेम्‍बा डोक् ना रिङ् माप्‍मा हिडुङ्‌टुङ्, आनि टुबाठेबा दाउद सियाउङ् चा याप्‌मिचिङा उहुमुए हिट्‌नुङ् उहुम्‍पा नागा बेला सोम्‍मा चा युङ्‌ग्‍वा॥

मुलिचेला टोॽवा 20:27

पोङ्‌भोने माङ्‌हाङ्‌ङा चोगुना ख्‍वाप्‍पा योजाना मिठोप्‍ङे आङा खानि लोनाने॥

मुलिचेला टोॽवा 7:60

हिट्‌नुङ् उन् उटुम्‍बुट्‌ङि युङाउङ् ठेना रिङ्‌ङि नाड्‌डे पिगे, “हाउ टाङ्‌बा, ना पापङाना साजाए नागा पिडुन्‌चिन्॥” नाड्‌डे माट्‌टुङ् ओसोक्‍मा खाडे॥

मुलिचेला टोॽवा 8:1

इस्‌तिफानास सेप्‍माउङ्‌सा सावालङा चा टाक् पिडुचे॥ हिट्‌ना लेम्‍बालाम्‍मा यरुसलेमङिना माङ्‌पाङ्‌ङि ठेना सातावाट् लिमा ठालाँ लिसे॥ हिट्‌नुङ् आरु ख्‍वाप्‍पा बिस्‍वासिचि याहुदिया हिट्‌नुङ् सामारिया छेट्‌रालेङ् उछिन्‍डे, टरो मुलिचेलाचिम्‍बाक् यरुसलेमङि डोक् उयुङे॥

१ कोरिन्‌थि 15:18

हिट्‌नुङ् खिरिस्‍ट सियाउङ् उहिङ्‌ग्‍वाट् लिनेट्‌निना भोने, खिरिस्‍टङि बिस्‍वास ओचोगुङ् उसियागा याप्‌मिचि सोब्‍बे जाखाम् उलियुक्॥

१ कोरिन्‌थि 15:6

हिट्‌नुङ्‌ना उन् बिस्‍वास काचोक्‌चि लेम्‍बोक् साए नुङ्‌ना चा याप्‍मा भुम्‍बु-झान्‍झाचि सोरि ठिक्‍ए खेप् ठेट्‌टे॥ हिट्‌नागा माड्‌डे आम्‍टेप्‍मा उसियाडे चा याप्‍माम्‍बाक् हाट्‌ले चा उहिङ्‌ग्‍वाट् उयुङ्‌ग्‍वा॥

१ थेसालोनिकि 4:13

हाट्‌ले भुम्‍भु-झान्‍झा हिट्‌नुङ् नाना-झान्‍झाचि, उसियागा याप्‌मिचि बारेङि पाक्‍चा ठाहा टोक्‍नेनुम् नुङ् आङा खानि लोनेनिन्‍गा, हिट्‌नुङ् खानि आरु आसा मालेगा याप्‌मिचि गाड्‌डे सानिङ्‌ग्‍वा लिनेनिन्॥