मुलिचेला टोॽवा 13:28 - आठपहरिया

²⁸ हिट्‌नुङ् येसु सेप्‍मा डोक् कोन्‍डाना रिङ् पाक्‍चा उटुबुवाट्‌टुन् नुङ् हिट्‌नागाँ ‘उन् सेप्‍मा डोक् कोन्‌युक्’ पिक्‍सा पिलातास ओलोडुए॥

मुलिचेला टोॽवा 13:28 ပူးပေါင်းရင်းမြစ်များ

मात्‌ति 27:19

पिलातास न्‍याए चोक्‍माना बैठाक्‌ङि युङेसाना बेला ओपाङ्‌डाङ्‌माङा उन् नाड्‌डे पिक्‍सा खाबोर हाक्‍टुए, “हिट्‌ना फाट्‌टुर मालेना याप्‌मि पाक्‍चा मेट्‌टुन्, पोङ्‌भोने हाट्‌ले युसा उन्‍ङाना बारेङि सेम्‍माङ् माक्‍टुङ्‌नाँ आङा आड्‌डिक् दुखे टोगुएसुङे॥”

युहान्‍ना 18:38

पिलातासङा सिलाप्‍टुए, “छेम्‍बाना रिङ् पाइना?” नाट्‌टेप्‍मा रिङ् सिलाप्‍मा हिडुङ् पिलातास भारा होन्‍डाउङ् याहुदिचि लोडुचे, “साजाए पिमा लोङ्‌सा ना याप्‌मिङि आङा पाक्‍चा फाट्‌टुर टुब्‍नेट्‌निङ्॥

युहान्‍ना 19:4

पिलातासङा फेरि भारा होन्‍डाउङ् याप्‌मिचिगा खिमेयाङ्‌मे लोडुचे, “पुयानुम्, आङा ना याप्‌मि खानि सोरि भारा आप्‍टुङ्‌गेट्‌टुङ्, हिट्‌नुङ् ना याप्‌मि फाट्‌टुर ठेम्‍माना रिङ् आङा पाक्‍चा टुब्‍नेट्‌निङ्‌ना रिङ् खानिङा ठाहा टोगानुम् नुङ् खानि लोनाँनि॥”