मुलिचेला टोॽवा 12:25 - आठपहरिया

²⁵ बारनाबास हिट्‌नुङ् सावालङा चोक्‍माना टोॽवा पुरो चोगाचुङ् यरुसलेमलाम्‍मा एन्‌टिओखिया खालाङ्‌गाङि नोक्‍टा आबाचे॥ उन्‌चिलोक् मारकुस ओलोडुना युहान्‍ना चा नोक्‍टा आप्‍टाचुए॥

मुलिचेला टोॽवा 12:25 ပူးပေါင်းရင်းမြစ်များ

मुलिचेला टोॽवा 12:12

ना रिङ् पाटरुसङा ठाहा टोगुङ्, उन् मारकुस ओलोडुना युहान्‍ना उमा मारियाम ओपाङ्‌ङि खाडे॥ मारियाम ओपाङ्‌ङि जोम् बिस्‍वासिचि उछुमाउङ् बिन्‌टि ओचोगेट्‌टागा॥

मुलिचेला टोॽवा 15:35

पावाल लोक् बारनाबासम्‍बाक् एन्‌टिओखियाङि युङाचे॥ हिट्‌नागाचि हिट्‌नुङ् आरु जोम् याप्‌मिचिङा टाङ्‌बाङाना रिङ् हिट्‌नि याप्‌मिचि उहिसिक्‍टुचे हिट्‌नुङ् पारचार ओचोगुए॥

मुलिचेला टोॽवा 15:37

बारनाबासङा मारकुस ओलोडुना युहान्‍ना उन्‌चिलोक् खाप्‍माना निङ्‌ग्‍वा चोगुए॥

मुलिचेला टोॽवा 4:36

ठिक् खेप् योसेफ उनिङ् ओलोडुना लेबि पुङ्‌लाङिना साइपारस युङ्‌ना याप्‌मिङा चा ठिक् ओखान्‍डा बेङ्‌सि छोङ्‌सुङ् ओफाबा मुलिचेलाचिङि आप्‍टुए॥ मुलिचेलाचिङा हिट्‌ना बारनाबास चा ओलोडुए (नाङाना उटुप् आरु आँट् कापिबा लियुक्)॥

कालास्‌सि 4:10

आरिस्‍ताखारसलाम्‍मा बाबा बो ए॥ उन् आङालोक् नाहि खाम्‍बाङ्‌ङि युङ्‌ग्‍वा॥ बारनाबासङाना ओनाक्‍पा मारकुसलाम्‍मा चा बाबा बो ए॥ मारकुसङाना बारेङि खानिङा पाइले डोक् आखेम्‍सुएसुम्‍मे, उन् खानि सोरि आबे भोने, ओचेट्‌नुलोक् स्‍वागाट् चोगानुम्॥

२ तिमोथि 4:11

आङालोक् लुका एडोक् युङ्‌ग्‍वा॥ खान् आआब्‍नाँ मारकुस कोलुङ् खान्‌लोक् एक्‍केउ आब्‍टु, पोङ्‌भोने आङाना सेवाङि हिट्‌नाङा घुवार फामा हिङा॥

फिलेमोन 1:24

हिट्‌नुङ् आङालोक् एक्‍केउ टोॽवा काचोक् मारकुस, आरिस्‍ताखारस, डेमास लोक् लुकाङाना चा बाबा बो ए॥

१ पाटरुस 5:13

खानि गाड्‌डे डोक् माङ्‌हाङ्‌ङा सेगुचिगा बेबिलोन्‌ङिना माङ्‌पाङ्‌ङिगा बिस्‍वासिचिङा खानि बाबा माहाक्‍टेएसिए॥ आङा घुवार काफाबा ठाङ्‌बेन् मारकुसङा चा खानि बाबा मालोडेएसिए॥