मुलिचेला टोॽवा 10:42 - आठपहरिया

⁴² हिट्‌नुङ् ख्‍वाप्‍पा याप्‌मिचि पारचार चोक्‍मा, हिट्‌नुङ् उन् उहिङ्‌ग्‍वाट् हिट्‌नुङ् उसियागा न्‍याए काचोक्‍बा लिमालोङ्‌सा माङ्‌हाङ्‌ङा सेगुना याप्‌मि नुङ् माप्‍मा लोङ्‌सा आन्‍याँ आग्‍याँ याप्‌मिपिडे॥

मुलिचेला टोॽवा 10:42 ပူးပေါင်းရင်းမြစ်များ

लुका 16:28

हिट्‌नि आङाना लेम्‍बोक् आम्‍भु-आन्‍झाचि उयुङ्‌ग्‍वा॥ हिट्‌नागा ओछेक्‍छेक् ओचोगुच्‍याक्, हिट्‌डेउङ् हिट्‌नागा ना याङ्‌छामा टोगुम्‍ना डेन्‌ङि ओकाट्‌निचा॥’

लुका 22:22

हाट्‌ले याप्‌मि छा माङ्‌हाङ्‌ङा निङ्‌ग्‍वा चोगुना गाड्‌डे सिमा खाप्‍मा डोक् कोन्‌युक्, टरो धोका कापिबा लोङ्‌सा माङ्‌हाङ्‌ङा टुक्‍लोक् साजाए पिडुटु॥”

मुलिचेला टोॽवा 1:8

टरो सेङ्‌सेङ्‌ना हाङ्‌सा खानिङि टायुक् हिट्‌नुङ् खानिङा बोल् आटोगुम्‍टुम् हिट्‌नुङ् खानि यरुसलेमङि, याहुदिया छेट्‌राङि, सामारिया छेट्‌राङि, हिट्‌नुङ् ख्‍वाप्‍पा नाराङि आङाना बारेङि कामाप्‍बा आलिसिटि॥”

मुलिचेला टोॽवा 17:31

पोङ्‌भोने नाराङिगा ख्‍वाप्‍पा याप्‌मिचि न्‍याए चोक्‍माना लेम्‍बा माङ्‌हाङ्‌ङा सेक्‍मा हिडुएसुए हिट्‌नुङ् हिट्‌ना लेम्‍बा उन्‍ङा आप्‍पेङा सेगुनाँ ठिबाङ् याप्‌मिलाम्‍मा न्‍याए चोगुटु॥ हिट्‌ना याप्‌मि सियानालाम्‍मा उहिङ्‌ग्‍वाट् चोगुना सोब्‍बे याप्‌मिचि उन्‍ङा पारचिन्‍दा निमेट्‌टुचे॥”

मुलिचेला टोॽवा 24:25

पावालङा “माङ्‌हाङ्‌ङाना धारमिक्‍ता, निङ्‌ग्‍वा मुक्‍ठुङ्‌ङि युङ्‌माना रिङ् हिट्‌नुङ् माङ्‌हाङ्‌ङा न्‍याए चोक्‍माना लेम्‍बा टायुगेट्‌ना” रिङ् माट्‌टुना खेम्‍सुङ् फेलिक्‍स किट्‌टे हिट्‌नुङ् लोडुए, “हाट्‌ले याक्‍टुए, हाट्‌ले खान् खाडा॥ हान्‍डेङ् छिङ्‌डेन् आङा भ्‍याप् चोगुङे भोने खान् छेम्‍नाँ॥”

मुलिचेला टोॽवा 5:20

“माङ्‌ठानाङि खानि खाडानि हिट्‌नुङ् लाट्‌निना चोलाङाना खाबोर ख्‍वाप्‍पा याप्‌मिचि लोडानुम्‌चिम्॥”

रोमि 2:16

हिट्‌ना लेम्‍बा टायुगेट् जाबो माङ्‌हाङ्‌ङा खिरिस्‍ट येसु याप्‌मिचिगा उन्‌चि निङ्‌ग्‍वाङि ठोबागा रिङ्‌ङाना न्‍याए काचोक्‍बा चोगुटु॥ ना रिङ् डोक् आङा नुना खाबोर पारचार चोगुङ्‌नाँ माट्‌टुङ्‌टुङ्॥

२ कोरिन्‌थि 5:10

पोङ्‌भोने आनि सोब्‍बे ठिक् लेम्‍बा न्‍याए लोङ्‌सा खिरिस्‍टङाना ओटोकानाङि एप्‍मा कोन्‌युक्॥ हिट्‌डेउङ् आनि सोब्‍बेङा ना येम्‌ङि लिसिनाँ चोगुम्‍ना ओचेट्‌नुना टोॽवा आथाबा ओचाफेन्‍ना टोॽवाङाना इनाम टोगुम्‍टुम्॥

२ तिमोथि 4:1

माङ्‌हाङ् जामानि युङ्‌सुङ् हिट्‌नुङ् उसियागा हिट्‌नुङ् उहिङागा याप्‌मिचिगा न्‍याए काचोक्‍बा खिरिस्‍ट येसु जामानि युङ्‌सुङ्, हिट्‌नुङ् उन् उङ्‌ना हिट्‌नुङ् हाङ्‌बा लियुङ् सासान् चोगुना रिङ् बिचार चोक्‍सा खान् नाड्‌डेना आग्‍याँ पिनाँ,

२ तिमोथि 4:8

हाट्‌लेउम् आङालोङ्‌सा धारमिक्‍ताङाना मुकुट् युङ्‌गुवा, हिट्‌ना मुकुट् नुलोक् न्‍याए काचोक्‍बा टाङ्‌बाङा हिट्‌ना बेला आङा याङ्‌पियुक्, हिट्‌नुङ् आङा एडोक् माखाक्, टरो उन् टाना ओलाम्‍बो उपुयुगा सोब्‍बेलोङ्‌सा पिडुचिचि॥

१ पाटरुस 4:5

टरो उहिङ्‌ग्‍वाट् लोक् उसियागा याप्‌मिचिगा न्‍याए काचोक् माङ्‌हाङ्‌लाउङ्‌सा ना बारेङि हिट्‌नागाँ हिसाब पिमा कोन्‌युक्॥

पारकास 1:7

ओछेक्‍छेक् लिसानिउङ् पुयानुम्, येसु खिमेमाङि उङ्‌युगेट्, हिट्‌नुङ् सोब्‍बे याप्‌मिचिङा उन् उनिसुटु॥ उन् ओरोक्‍टुना याप्‌मिचिङा चा उनिसुटु॥ हिट्‌नुङ् नाराङिगा ख्‍वाप्‍पा याप्‌मिचि उन् उनिसुङ् निङ्‌ग्‍वाङि दुखेसो ओचोक्‌युक्॥ छेम्‍बा नाड्‌डे लियुक्॥ आमेन्॥

पारकास 22:12

येसुङा माट्‌टुटु, “खेम्‍सानुम्, आङा एला डोक् उङ्‌ङागेट्‌ङा॥ हिट्‌नुङ् सोब्‍बे याप्‌मिचि उन्‌चिङा ओचोगुना टोॽवाङाना इनाम् लोक् साजाए आङा पिडुङ्‌चिङ्‌चिङ्॥