मुलिचेला टोॽवा 1:11 - आठपहरिया

¹¹ हिट्‌नुङ् माट्‌टाचुए, “हाउ गालिलि याप्‌मिचि, पोङ् खानि टाङ्‌साङ्‌लेङ् पुसा नाहि आयेबेसिएगा? येसु खानिलाम्‍मा टोनालोग्‌लेङ् खाप्‍माहिडे, येसु टोनालोग्‌ङि फोगा खाडि गाड्‌डे डोक् उन् ठिक् लेम्‍बा फेरि नोक्‌यु उङ्‌युग्॥”

मुलिचेला टोॽवा 1:11 ပူးပေါင်းရင်းမြစ်များ

मात्‌ति 16:27

पोङ्‌भोने याप्‌मि छा उन्‍ङाना माङ्‌हाङ् रिङ् काउग्‍बाचिलोक् ओमाङ्‌हाङ् पाबाङाना माहिमाङि उङ्‌युक्, हिट्‌नुङ् हिट्‌ना बेला सोब्‍बे याप्‌मिचि उन्‌चिङा ओचोगुना टोॽवाङाना पारतिफल उन्‍ङा पिडुचिचि॥

मात्‌ति 16:28

छेम्‍बा डोक् आङा खानि लोनाँनि, नेहि ओयेब्‍गा याप्‌मिचि माड्‌डे आम्‍टेप्‍माङा याप्‌मि छा हाङ्‌बा लियुङ् सासान् चोगुना मिने सोम्‍मा उसिनिगा॥”

मात्‌ति 24:30

“हिट्‌नुङ्‌ना याप्‌मि छा उङ्‌ना चिन्‍ना टाङ्‌साङ्‌ङि ठेट्‌युक्, हिट्‌नुङ् नाराङिगा सोब्‍बे छोङ्‌चि सानिङ्‌ग्‍वा ओलोयुक्॥ हिट्‌नुङ् हिट्‌नागाँ याप्‌मि छा टाङ्‌साङ्‌लाम्‍मा खिमेमाङि साक्‌ति हिट्‌नुङ् ठेना माहिमालोक् उङ्‌युगेट्‌ना उनिसुटु॥

मात्‌ति 25:31

“याप्‌मि छा ख्‍वाप्‍पा माङ्‌हाङ् रिङ् काउग्‍बाचिलोक् उन्‍ङाना माहिमाङि उङ्‌युक्, हिट्‌नुङ् उन् हाङ्‌बा युङ्‌ना सिङासान्‌ङि युङ्‌युक्॥

मारकुस 13:26

हिट्‌नुङ् हिट्‌ना बेला याप्‌मि छा माङ्‌ठेना साक्‌ति लोक् माहिमाङि खिमेमाङि उङ्‌युगेट्‌ना याप्‌मिचिङा उनिसुटु॥

मारकुस 14:70

टरो पाटरुसङा फेरि “आङाउम्‍टे माखाक् हाउ” पिक्‍सा माट्‌टुए॥ टरो होप्‍मो बेला एङ्‌स्‍वा हिट्‌नि ओयेबागा याप्‌मिचिङा फेरि पाटरुस ओलोडुए, “छेम्‍बा डोक्, ना याप्‌मिउम् हिट्‌नागा माड्‌डे ठिबाङ् याप्‌मि डोक्, पोङ्‌भोने खान् चा गालिलि छेट्‌रालाम्‍मा आबाना याप्‌मि डोक् टे॥”

मारकुस 16:19

येसु ओचेलाचिलोक् चेक्‍मा हिडाउङ् टाङ्‌बा येसु टोनालोग्‌लेङ् फोगाडे, हिट्‌नुङ् माङ्‌हाङ्‌ङाना उछुप्‍टाङ्‌लेङ् युङे॥

लुका 21:27

हिट्‌नुङ्‌ना याप्‌मि छा खिमेमाङि साक्‌ति हिट्‌नुङ् माङ्‌ठेना माहिमाङि उङ्‌युगेट्‌ना याप्‌मिचिङा उनिसुटु॥

लुका 24:5

हिट्‌नागा मेन्‍झेमाचि पिलिम् पिलिम् ओयोक्‍टाउङ् हाम्‍बोम्‍फोप् ओचोगे, हिट्‌नागाचि इप्‍पाङ् याप्‌मिचिङा हिट्‌नागा लोडाचुए, “खानिङा पोङ् उहिङ्‌ग्‍वाट् लिसाना याप्‌मि उसियागा याप्‌मिचिगा उहुम्‍पाङि आकोलुएट्‌टुम्‍ना?

युहान्‍ना 14:3

हिट्‌नुङ् आङा खाट्‌नाउङ् खानि लोङ्‌सा ठोङ् टेयार चोगुङ् आङा फेरि नोक्‍ङा उङ्‌ङा, हिट्‌नुङ् खानि आङालोक् खाट्‌नाँनि, हिट्‌डेउङ् आङा खोनि युङ्‌ङा, हिट्‌नि खानि चा आलिसिटि॥

मुलिचेला टोॽवा 1:22

ना याप्‌मि बाप्‌टिस्‍मा कापिबा युहान्‍नाङा बाप्‌टिस पिमा उटुम् चोगुना बेलालाम्‍मा आनिलाम्‍मा येसु डाङ्‌बा टोनालोग्‌लेङ् खाडाना बेला सोम्‍मा ठाहा टोगुना हिट्‌नुङ् हिट्‌नाङा येसु डाङ्‌बा सियाउङ् उहिङ्‌ग्‍वाट् लिसाना रिङ् आनिलोक् डोक् कामाप्‍बा लिमा कोन्‌युक्॥”

मुलिचेला टोॽवा 1:9

येसुङा हिट्‌नाडे माप्‍मा हिडुङ् उन् हिट्‌नागाँ उपुयुगेट्‌टुलोक् टो-टो खिमेमाङि कोबाडे हिट्‌नुङ् हिट्‌नागाँ उनिस्‍वाट्‌टुन्॥

मुलिचेला टोॽवा 13:31

हिट्‌नुङ् उन्‌लोक् गालिल छेट्‌रालाम्‍मा यरुसलेमङि ओआबागा सोरि याप्‍मा लेम्‍बा सोम्‍मा उन् ठेट्‌टायाक्‍टे॥ हाट्‌ले हिट्‌नागा डोक् इस्‍राएलि याप्‌मिचिलोङ्‌सा साँचि कापिबा ओवाहेट्॥

मुलिचेला टोॽवा 2:7

हिट्‌नुङ् हिट्‌नागा आसाक्‍का डोङ् ओठोङ्‌डाउङ् उपिगे, “माखाक् हाउ, पाक् नागा ख्‍वाप्‍पा ओचेक्‌येट्‌गा गालिलि याप्‌मिचि माहि टे?

मुलिचेला टोॽवा 3:12

हिट्‌नुङ् पाटरुसङा याप्‌मिचि निसुचिउङ् हिट्‌नागा लोडुचे, “इस्‍राइलि याप्‌मिचि, खानि पोङ् ना रिङ्‌ङि डोङ् आठोङ्‌डिटिगा टे? पाक् ना याप्‌मि आन्‍च्‍याँ बोल् हिट्‌नुङ् भाक्‌टिलाम्‍मा नुयाना नुङ् खानि आमिट्‌टिटिगि?

मुलिचेला टोॽवा 3:21

टरो माङ्‌हाङ्‌ङा आच्‍छो बेलालाम्‍मा डोक् उन्‍ङाना सेङ्‌सेङ्‌ना माङ्‌काटाचिलोक् चोगुना माङ्‌हुप् गाड्‌डे ख्‍वाप्‍पा रिङ् फेरि ओछोङ्‌ग्‍वाट् चोक्‍माना बेला मिटाए सोम्‍मा येसु खिरिस्‍ट टोनालोग्‌ङि डोक् लिमा कोन्‌युक्॥

१ थेसालोनिकि 1:10

हिट्‌नुङ् खानिङा टोनालोग्‌लाम्‍मा उङ्‌ना उन्‍ङाना छाङाना लाम्‍बो आपुयुएट्‌टुम् बो नुङ् ओमाट्‌टुए॥ हिट्‌ना येसु डोक् उन्‍ङा सियानालाम्‍मा उहिङ्‌ग्‍वाट् चोगुए, हिट्‌नुङ् उन्‍ङा डोक् टायुगेट्‌ना माङ्‌हाङ्‌ङाना उकुन्‌जिरिॽवालाम्‍मा आनि छुट्‌कारा आपियुक्॥

१ थेसालोनिकि 4:16

पोङ्‌भोने टाङ्‌बा आप्‍पे ठेना आग्‍याँङाना ओसोराङि, मुलि माङ्‌हाङ् रिङ् काउग्‍बाङाना ओसोरा हिट्‌नुङ् माङ्‌हाङ्‌ङाना धुटुरिबा ओटेनुना बेला टोनालोग्‌लाम्‍मा उङ्‌युग्, हिट्‌नुङ् खिरिस्‍टङि बिस्‍वास ओचोगुङ् उसियागाउम्‍बाक् सोब्‍बे नुङ्‌ना पाइले उहिङ्‌ग्‍वाट् उलियुङ् ओकोप्‌युक्॥

हिब्‍रु 9:28

हिट्‌नाडेडोक् सोब्‍बे याप्‌मिचिगा पाप टुग्‍माउङ्‌सा खिरिस्‍ट आप्‍पे ठिक्‍ए खेप् भोक् लिसे॥ हिट्‌नुङ् जब खिरिस्‍ट दोस्‍रो खेप् उङ्‌युक्, हिट्‌ना बेला याप्‌मिचिगा पाप टुग्‍मा माखाक्, टरो ओलाम्‍भो उपुयुङ् उयुङेसागा याप्‌मिचि बाचाँ चोक्‍माउङ्‌सा उङ्‌युक्॥

पारकास 1:7

ओछेक्‍छेक् लिसानिउङ् पुयानुम्, येसु खिमेमाङि उङ्‌युगेट्, हिट्‌नुङ् सोब्‍बे याप्‌मिचिङा उन् उनिसुटु॥ उन् ओरोक्‍टुना याप्‌मिचिङा चा उनिसुटु॥ हिट्‌नुङ् नाराङिगा ख्‍वाप्‍पा याप्‌मिचि उन् उनिसुङ् निङ्‌ग्‍वाङि दुखेसो ओचोक्‌युक्॥ छेम्‍बा नाड्‌डे लियुक्॥ आमेन्॥