२ थेसालोनिकि 2:14 - आठपहरिया

¹⁴ ना रिङ् लोङ्‌सा डोक् आन्‍याँ लोनानिगा नुना खाबोरलाम्‍मा आनि टाङ्‌बा येसु खिरिस्‍टङाना साम्‍मान्‌ङाना ओभागा खानिङा चा टोक्‍मा माङ्‌हाङ्‌ङा खानि माछेम्‌डिए॥

२ थेसालोनिकि 2:14 ပူးပေါင်းရင်းမြစ်များ

मात्‌ति 25:21

“ओडाङ्‌बाङा हिट्‌ना लोडुए, ‘होहोबास्, आङाना ओचेट्‌नुना हिट्‌नुङ् बिस्‍वासिलो चाकार! खान् खाट्‌टिप्‍मा रिङ्‌ङि बिस्‍वासिलो आलिसे, हाट्‌ले आङा खान् जोम् रिङ्‌ङाना जिम्‍मा पिनाँ॥ खान् चा आङालोक् हारका लिसा॥’

युहान्‍ना 17:22

आन्‌चि ठिक्‍ए लिसाचि गाड्‌डे डोक् हिट्‌नागा चा ठिक्‍ए उलियाक् नुङ् खान्‍ङा आङा जुन् माहिमा याङ्आपिडाइसाङे, हिट्‌ना माहिमा डोक् आङा चा हिट्‌नागा पिडुएसुङ्‌चिङे॥

युहान्‍ना 17:24

“हाउ आप्‍पो, खान्‍ङा आङा याङ्‌आपिडाङ्‌ना याप्‌मिचि आङालोक् डोक् उलियाक् नुङ् आनिङ्‌ग्‍वा युङ्‌ग्‍वा॥ हिट्‌नुङ् खान्‍ङा आङा याङ्‌आपिडाङ्‌ना माहिमा हिट्‌नागाँ उनिसुवाक्, हिट्‌ना माहिमा नारा चोक्‍मा पाइलेलाम्‍मा डोक् आङा माया याङ्आचोगाङ्‌नाँ खान्‍ङा आङा याङ्‌आपिडाङ्‌ना डाना॥

रोमि 16:25

आनि सोब्‍बेङा माङ्‌हाङ् उनिङ् चोन्‍डुम्॥ माङ्‌हाङ्‌ङा खानि बिस्‍वास बोल्‍लेउ चोक्‍मा हिडुटु॥ जुन् आङा पारचार चोगुएट्‌टुङ्‌ना येसु खिरिस्‍ट बारेङाना नुना खाबोरङा हिड्‌डे डोक् माट्‌टुटु॥ हिट्‌नुङ् ना नुना खाबोर माङ्‌हाङ्‌ङा याप्‍मा बारखालाम्‍मा ठोबुएसुना॥

रोमि 2:16

हिट्‌ना लेम्‍बा टायुगेट् जाबो माङ्‌हाङ्‌ङा खिरिस्‍ट येसु याप्‌मिचिगा उन्‌चि निङ्‌ग्‍वाङि ठोबागा रिङ्‌ङाना न्‍याए काचोक्‍बा चोगुटु॥ ना रिङ् डोक् आङा नुना खाबोर पारचार चोगुङ्‌नाँ माट्‌टुङ्‌टुङ्॥

रोमि 8:17

पोङ्‌भोने आनि माङ्‌हाङ् ओछालेट्‌चि ए, हिट्‌नुङ् ओछालेट्‌चि लाउङ्‌सा उन्‍ङा पिमा युङ्‌सुना आसिक् चा आनि टोगुम्‍टुम्, हिट्‌नुङ् हिट्‌ना आसिक् खिरिस्‍टलोक् एक्‍केउ आनि चा टोगुम्‍टुम्॥ टरो खिरिस्‍टङा मान् टोगु गाड्‌डे डोक् आनि चा मान् टोगुम्‍टुम् भोने, खिरिस्‍टङा याङ्‌छामा आङ्‌डु गाड्‌डे डोक् आनि चा याङ्‌छामा आङ्‌मा कोन्‌युक्॥

एफिसि 1:18

आनि खिरिस्‍टङि युङ्‌सुम्‍ना आसा खानिङा बुजा चोक्‍मा माङ्‌हाङ्‌ङा घुवार माफाडियाक् नुङ् आङा बिन्‌टि चोगुङ्‌टुङ्, हिट्‌नुङ्‌ना माङ्‌हाङ्‌ङा सेगुचिगा ओयाप्‌मिचि चामारसिङा चोगुना ओचेट्‌नुना रिङ्‌ङाना उटुप् खानिङा बुजा आचोगुम्‍टुम्, हिट्‌नुङ् उन्‍ङा सेगुचिगा याप्‌मिचिङा ओचोगुनाँ माङ्‌हाङ्‌ङा ठेना मान् टोगुटु॥

१ थेसालोनिकि 1:5

पोङ्‌भोने आन्‍याँ खानि लोनानिगा नुना खाबोर रिङ्‌ङि एडोक् माखाक्, टरो साक्‌ति, सेङ्‌सेङ्‌ना हाङ्‌सा हिट्‌नुङ् साङ्‌का डोक् मालेना छेम्‍बाना रिङ् डाना॥ खानिलोक् आन्‍याँ वासिङानाँ खानिना ओचेट्‌नु लाउङ्‌सा आन्‍याँ खोड्‌डेना चाट्‌ला चोक्‍नानेना नुङ् खानिङा ठाहा आटोगुम्‍टुम्॥

१ थेसालोनिकि 2:12

हिट्‌नुङ् आन्‍याँ खानि आरति-उपादेस पिनाने, आँट् पिनाने, हिट्‌नुङ् आनुरोध चोक्‍नाने, हिट्‌डेउङ् खानि चाल चालान् माङ्‌हाङ्‌ङा निङ्‌ग्‍वा टासुना उलियाक्॥ हिट्‌नुङ् उन्‍ङा खानिलाउङ्‌सा उमुलुक्‌ङि हिट्‌नुङ् माहिमाङि माछेम्‌डिटि॥

२ तिमोथि 2:12

आनि उन् लोङ्‌सा सोरोक् याङ्‌छामा आङ्‌डुम्‍टुम् भोने, उन्‌लोक् डोक् सासान् चा चोगुम्‍टुम्, आनि उन् इन्‍कार चोगुम्‍मे भोने, उन्‍ङा चा आनि इन्‍कार आचोग्‌युक्॥

१ पाटरुस 5:10

हिट्‌नुङ् जोम् मायादाया लिसाना माङ्‌हाङ्‌ङा खिरिस्‍टङि उन्‍ङाना लाट्‌निना माहिमा लाउङ्‌सा खानि माछेम्‌डिइसे॥ हिट्‌डेउङ् खानिङा होप्‍मो बेला सोम्‍मा याङ्‌छामा आआङ्‌डुमुङ् उन्‍ङा डोक् खानि फेरि ओछोङ्‌ग्‍वाट् माचोगिटि हिट्‌नुङ् घुवार माफाडिउङ् बोल्‍लेउ माचोगिटि॥

२ पाटरुस 1:3

माङ्‌हाङ्‌ङाना ओबोल्‌लाम्‍मा सेङ्‌सेङ्‌ना चोलाङि हिट्‌नुङ् धारमोति चोलाङि हिङ्‌मा आनिलाउङ्‌सा चाहाबा लिना सोब्‍बे थोक् उन्‍ङा आपिडाइसे॥ पोङ्‌भोने उन्‍ङाना माहिमा लोक् भोलाइलाम्‍मा काछेम्‍बा माङ्‌हाङ् आनि मिसेन् निसुएसुम्‍मे॥

पारकास 21:23

हिट्‌ना खालाङ्‌गा व्‍हाङ् चोक्‍मा नाम्‍छेमा हिट्‌नुङ् लालिप्‍माङ् चाहाब् लिनिना, पोङ्‌भोने माङ्‌हाङ्‌ङाना माहिमाङा डोक् हिट्‌ना खालाङ्‌गा व्‍हाङ् चोगुटु, हिट्‌नुङ् थुमा डोक् हिट्‌निना कुपि ए॥

पारकास 3:21

जुन् याप्‌मिङा दुस्‍टा मेट्‌टुटु, हिट्‌ना आङा युङ्‌ङाना डेन्‌ङि आङा सोरि युङ्‌माना आधिकार पिडुङ्‌टुङ्, हिट्‌नुङ् हिट्‌नाङा आङालोक् सासान् चोगुटु, खोड्‌डेउङ् आङा चा दुस्‍टा मेट्‌टुङेना, हिट्‌नुङ् हाट्‌ले आङा आङाना माङ्‌हाङ् पाबालोक् उन् युङ्‌ना डेन्‌ङि युङैसाङे॥