२ पाटरुस 1:7 - आठपहरिया

⁷ हिट्‌नुङ् भाक्‌टि चोक्‍सा भुम्‍बु-झान्‍झाचि दाया चोगानुम्‌चिम्, भुम्‍बु-झान्‍झाचि दाया चोक्‍सा मायाङि पोसा खाडानि॥

२ पाटरुस 1:7 ပူးပေါင်းရင်းမြစ်များ

रोमि 12:10

ठिबाङ्‌ङा आरको ठिक्‍ए पाङ्‌ङिगा भुम्‍भु-झान्‍झाचि हिट्‌नुङ् नाना-झान्‍झाचि गाड्‌डे माया चोग्‍गा चोग् चोगानि॥ आप्‍पे नुङ्‌ना याप्‍मा आरु मान् चोगानुम्‌चिम्॥

गालाति 6:10

हिड्‌नाडेउङ् आनि मौका टोगुम्‍नामे सोब्‍बे याप्‌मिचिलाउङ्‌सा ओचेट्‌नुलोक् चोक्‍मा कोन्‌युक्॥ मुलिगारि खिरिस्‍टङि बिस्‍वास ओचोगुगा याप्‌मिचि लाउङ्‌सा ओचेट्‌नु चोक्‍मा कोन्‌युक्॥

कालास्‌सि 3:14

नागा टोगा सोब्‍बे रिङ् नुङ्‌ना याप्‍मा मुलि रिङ्उम्‍बाक् खानिङा ठिबाङ्‌ङा आरको माया चोक्‍मा कोन्‌युक्, पोङ्‌भोने मायाङा डोक् आनि ख्‍वाप्‍पा आटोङ्‌युङ् ठिक्‍ए आचोक्‌युक्॥

१ थेसालोनिकि 3:12

हिट्‌नुङ् आन्‍याँ खानि माया चोक्‍नानि गाड्‌डे डोक् टाङ्‌बाङा खानि चा आप्‍पे आप्‍पेङि हिट्‌नुङ् सोब्‍बे याप्‌मिचिङि जोम् माया काचोक् लिमा घुवार माफाड्‌याक्॥

१ थेसालोनिकि 5:15

ना रिङ् मिट्‌टानुम्, साङा चा ओचाफेम्‍मा चोक्‍माना ओसाट्‌टोङि ओचाफेम्‍मा ओचोगुन्‍चा, टरो ठिबाङ्‌ङा आरको हिट्‌नुङ् सोब्‍बे याप्‌मिचिलोक् सोरोक् ओचेट्‌नुलोक् चोक्‍माना निङ्‌ग्‍वा चोगानुम्॥

हिब्‍रु 13:1

खानि बिस्‍वासि भुम्‍भु-झान्‍झाचि हिट्‌नुङ् नाना-झान्‍झाचि आलिसिनाँ ठिबाङ्‌ङा आरको माया चोग्‍गा चोक् चोगायाक्‍टानि॥

१ पाटरुस 1:22

हाट्‌ले खानिङा छेम्‍बाना रिङ् मानाँ आचोगुमुङ् खानि निङ्‌ग्‍वा सेङ्‌सेङ् आचोगुम्‍नाँ खानि भुम्‍भु-झान्‍झाचि हिट्‌नुङ् नाना-झान्‍झाचि छेम्‍बाना माया चोगानुम्‌चिम्, हिट्‌नुङ् निङ्‌ग्‍वालाम्‍मा डोक् ठिबाङ्‌ङा आरको माया चोग्‍गा चोग् चोगानि॥

१ पाटरुस 2:17

सोब्‍बे याप्‌मिचि मान् चोगानुम्‌चिम्॥ हिट्‌नुङ् बिस्‍वासि भुम्‍भु-झान्‍झाचि माया चोगानुम्‌चिम्॥ माङ्‌हाङ्‌लोक् किट्‌टानि हिट्‌नुङ् हाङ्‌बाङाना मान् चोगानुम्॥

१ पाटरुस 3:8

आखेरिङि लोनाँनि, खानि ख्‍वाप्‍पाङाना निङ्‌ग्‍वा ठिक्‍ए लिमा कोन्‌युक्॥ ठिबाङ्‌ङा आरकोङाना निङ्‌ग्‍वाङिना रिङ् बुजा चोक्‍मा कोन्‌युक्॥ भुम्‍भु-झान्‍झाचि हिट्‌नुङ् नाना-झान्‍झाचि गाड्‌डे ठिबाङ्‌ङा आरको माया चोग्‍गा चोक् चोगानि॥ हिट्‌नुङ् लुक्‍मा काटुक् लोक् मेयोक् लिसानि॥

१ युहान्‍ना 3:14

आनिउम्‍टे जाइले टाइले सियाना याप्‌मि गाड्‌डे लिसिन्‍गा हिट्‌नुङ् हाट्‌ले चोला आनि टोगुएसुम्‍मे नुङ् आनिलाउङ्‌सा ठाहा युङ्‌ग्‍वा, पोङ्‌भोने आनिउम्‍टे आनि बिस्‍वासि भुम्‍भु-झान्‍झाचि आथाबा नाना-झान्‍झाचि माया चोगुम्‌चिम्‍गा॥ माया चोक्‌निना याप्‌मिम्‍बाक् हाट्‌ले चा सियाना याप्‌मि गाड्‌डे डोक् लियुक्॥

१ युहान्‍ना 3:16

हाट्‌ले येसु खिरिस्‍टङा आनि लोङ्‌सा ओसोक्‍मा लेडुङ् छेम्‍बाना माया खोड्‌डेना नुङ् आन्‍याँ बुजा चोगुएसुम्‍मे॥ आनि चा आप्‍पे आनि बिस्‍वासि भुम्‍भु-झान्‍झाचि आथाबा नाना-झान्‍झाचि लोङ्‌सा आनि सोक्‍मा पिमा कोन्‌युक्॥

१ युहान्‍ना 4:21

हिट्‌नुङ् उन्‍ङा आनि ना आग्‍याँ आपिडाइसे, जुन्‍ङा माङ्‌हाङ् माया चोगुटु, हिट्‌नाङा बिस्‍वासि भुम्‍भु-झान्‍झाचि आथाबा नाना-झान्‍झाचि चा माया चोक्‍माचि कोन्‌युक्॥