२ कोरिन्‌थि 9:10 - आठपहरिया

¹⁰ माङ्‌हाङ्‌ङा टोॽवालासि काचोक् हिमाउङ्‌सा लालिक् हिट्‌नुङ् चामाउङ्‌सा चामागा थोक् पिडुटु॥ हिट्‌नाड्‌डे डोक् उन्‍ङा खानिलाउङ्‌सा चाहाब् लिना ख्‍वाप्‍पा थोक् मापिडिटि हिट्‌नुङ् जोम् जोम् माचोगिबिडिटि, हिट्‌नुङ् खानिङा आचोगुम्‍ना ओचेट्‌नुना टोॽवा आड्‌डिक् खुल्‍ला निङ्‌ग्‍वालाम्‍मा जोम् मापोइबिडिटि॥

२ कोरिन्‌थि 9:10 ပူးပေါင်းရင်းမြစ်များ

मात्‌ति 6:1

येसुङा आझै माट्‌सा खाट्‌टुए, “ओछेक्‍छेक् चोक्‍सा युङानि, याप्‌मिचि निमेट्‌मा लोङ्‌सा धारमाकारमा चोक्‍नेनिन्॥ नाड्‌डे आचोगिए भोने टोनालोग्‌ङि युङ्‌ना खानि पाबालाम्‍मा पाक्‍चा इनाम् आटोग्‌निम्‍ना॥

२ कोरिन्‌थि 9:12

खानिङा आछुम्‍सुम्‍ना भेटिङा माङ्‌हाङ् ओयाप्‌मिचिगा आभोर युमा एडोक् माखाक्, टरो ना सेवालाम्‍मा जोम् याप्‌मिचिङा माङ्‌हाङ्‌ङि आड्‌डिक् पोए-पोए ओठाङ्‌सुटु॥

२ कोरिन्‌थि 9:6

टरो ना रिङ् खानिङा मुन्‍नेनुम्, “जुन्‍ङा खाट्‌टिप्‍मा एडोक् लालिक् हिसुटु, हिट्‌नाँ खाट्‌टिप्‍मा एरोक् चासोङ् छुम्‍सुटु, हिट्‌नुङ् जुन्‍ङा जोम् लालिक् हिसुटु, उन्‍ङा याप्‍मा डोक् चासोङ् छुम्‍सुटु॥”

गालाति 3:5

माङ्‌हाङ्‌ङा खानि सेङ्‌सेङ्‌ना हाङ्‌सा मापिडिटि हिट्‌नुङ् खानि माझाङि डोङ् ठोङ्‌डिना टोॽवा चोगुटु॥ पाक् खानिङा धारमाबिधि पालान् आचोगुमुङ् इ टे? माखाक्॥ नाउम्‍टे खानिङा खिरिस्‍टङाना बारेङि आखेम्‍सुम्‍ना खाबोरङि बिस्‍वास आचोगुमुङ् लिसाना ए॥

एफिसि 5:9

हिट्‌ना पारा खानि आवासिटि भोने, खोना रिङ्‌ङा टाङ्‌बा खुसि चोगुटुना हिट्‌ना रिङ् खानिङा ठाहा आटोगुम्‍टुम्, हिट्‌नुङ् हिट्‌ना पारा डोक् वासानि॥ हिट्‌नुङ् हिट्‌ना व्‍हाङ्‌ङाना फलङा ओचेट्‌नुना रिङ् चोक्‍मा, धारमोति लिमा हिट्‌नुङ् माहामाना टोॽवा चोक्‍मा खानि मामेट्‌टिटि॥

फिलिप्‌पि 1:11

हिट्‌नुङ् येसु खिरिस्‍टङाना बोल्‌लाम्‍मा खानि चोलाङि धारमिक्‍ताङाना टोॽवा चोगानुम्, ना ओचेट्‌नुना टोॽवा याप्‌मिचिङा उनिसुङ् माङ्‌हाङ् मान् उपिडुटु हिट्‌नुङ् उनिङ् ओचोन्‍डुटु॥

फिलिप्‌पि 4:17

आङा खानिलाम्‍मा भेटि एडोक् टोक्‍माउङ्‌सा माट्‌टुङ्‌ना माखाक्, टरो खानिङा घुवार याङ्आफाडिनाँ माङ्‌हाङ्‌ङा आसिक् मापिडेयाक् नुङ् आङा निङ्‌ग्‍वा चोगुङ्‌टुङ्॥

१ थेसालोनिकि 3:12

हिट्‌नुङ् आन्‍याँ खानि माया चोक्‍नानि गाड्‌डे डोक् टाङ्‌बाङा खानि चा आप्‍पे आप्‍पेङि हिट्‌नुङ् सोब्‍बे याप्‌मिचिङि जोम् माया काचोक् लिमा घुवार माफाड्‌याक्॥

१ थेसालोनिकि 4:10

छेम्‍बा डोक्, खानिङा माकेडोनिया छेट्‌राङिगा ख्‍वाप्‍पा बिस्‍वासि भुम्‍भु-झान्‍झा हिट्‌नुङ् नाना-झान्‍झाचिलाउङ्‌सा माया आचोगुएसुम्‌चिम्‍मे॥ हिट्‌नुङ् भुम्‍भु-झान्‍झा हिट्‌नुङ् नाना-झान्‍झाचि हाट्‌ले चा जोम् माया चोगानुम्‌चिम् नुङ् खानि आनुरोध चोक्‍नानि॥