२ कोरिन्थि 7:11 - आठपहरिया11 हाट्ले माङ्हाङ् उनिङ्ग्वा गाड्डे आचोगुम्ना सानिङ्ग्वाङा खानिङि पाक् लिसेसेना मिट्टानुम्॥ ना रिङ्ङा खानि छेम्बाना टोॽवा चोक्मा जोस् मापिडिसे, पाक्चा बिराम् वाइना नुङ् पारमान् कापिबा माचोगिसे, पाप ओचोगुगालोक् खानि रेक् कालेड् माचोगिसे, माङ्हाङ् मान् काचोक्बा, आङा टुब्माना निङ्ग्वा, भाक्टि चोक्माना निङ्ग्वा, गाल्ति काचोक्बा साजाए पिमाना निङ्ग्वा मापिडिसे॥ हिट्नुङ् नागा सोब्बे रिङ्ङि खानि आप्पेलाउङ्सा फाट्टुर मालेना नुङ् पारमान् आपिडुम्मे॥ အခန်းကိုကြည့်ပါ။ |
२ कोरिन्थि 7:11
54 ပူးပေါင်းရင်းမြစ်များ
टरो आनिना ओचाफेन्ना चाट्लाङा माङ्हाङ्म्बाक् धारमि नुङ् आझै याप्मिचि पारचिन्दा ठेट्लोक् चोगुटु भोने, हाट्ले आन्याँ पाक् माट्टुम्माना टे? आनि याप्मि लिसिनाँ याप्मिङा निङ्ग्वा चोगु गाड्डे माङ्हाङ्ङा आनि साजाए पिमाम्बाक् उन्ङा नुना चोग्वाट्टुन् नुङ् माप्मा हिडुम्टुम्॥ टरो पाक् आनि हिड्डे माप्मा हिडुम्टुम्नि टे?
हिट्नुङ् उन् आबानाँ एडोक् माखाक्, टरो खानिङा उन् आँट् आपिडुम्ना रिङ् खेम्सुङुङ् आङा चा आँट् टोगुङे॥ आङालोक् टुब्माना खानिङा आड्डिक् निङ्ग्वा आचोगेसुम्मे नुङ् उन्ङा आन्याँ याप्मि खेम्मेट्टे॥ हाट्ले पाइले खानिङा आचोगुम्ना रिङ्ङा खानि निङ्ग्वा टुगेसे, हिट्नुङ् खानि आङालेङ् आकेङिगा रिङ् उन्ङा याङ्लोडे, ना रिङ् खेम्सुङ् आङा आड्डिक् हारका लोसाङे॥
हाट्ले आङा खानि निङ्ग्वा टुगाउङ् आचाप् टायाना माखाक्, टरो खानि निङ्ग्वा टुगाना रिङ्ङा काएल्-काबु आलिसिउङ् खानि निङ्ग्वा फेराँ आचोगुम्ना रिङ्ङि हारका लिसाङ्ना, पोङ्भोने खानिङा माङ्हाङ् आमिट्टुम्मुङ् सानिङ्ग्वा आलोसिए॥ हिट्नाड्डेउङ् आन्याँलाम्मा खानिलोङ्सा पाक्चा जाखाम् लिनेट्नि॥
पोङ्भोने खानिङा आड्डिक् घुवार फामाना निङ्ग्वा आचोगुम्ना रिङ् आङा ठाहा टोगुङ्टुङ्॥ हिट्नुङ् खानि आखैयाङि आलिसिगा नाम्निङ् नुङ्ना डोक् घुवार फामाउङ्सा टेयार आलिसिगा रिङ् माकेडोनियाङि उलिसागा याप्मिचि आनाभुक् ठेलोक् चोक्सा लोडुङ्चिङे॥ हाट्ले खानिङा पिमाना निङ्ग्वा आचोगुम्नाँ हिट्नागाँ चा घुवार फामाना निङ्ग्वा ओचोगेसे॥
नाड्डेउङ् मायालु आम्भु-आन्झाचि, आङा खानिलोक् लिसाङ्नाँ खानिङा सोरोक् आरिङ् पालान् आचोगुम्मे, हाट्ले आङा खानिलाम्मा लाप्माङ् लिङा चा खानिङा आरिङ् झान् याप्मा टेम्मा कोन्युक्॥ हिट्नुङ् खानिङा आटोगुम्ना मुक्टिङाना रिङ् पारकाट् चोक्मा आड्डिक् मिहिनेत चोगानुम्, हिट्नुङ् आड्डिक् मान् हिट्नुङ् किट्सा माङ्हाङ् पालान् चोगानुमुङ् हिड्डे चोगानि॥
ကြော်ငြာတွေ