२ कोरिन्थि 6:8 - आठपहरिया8 याप्मिचिङा आन्याँ मान् याप्मि चोक्चा, चिम्मा याप्मि फुट्चा, ओचाफेन्लोक् याप्मि मेट्चा, आन्याँ निङ् टो-टो ओचोन्डु चा माङ्हाङ्ङाना सेवा आन्याँ चोगुम्टुम्मा॥ आन्याँ सोझो लिसिङा चा, हिट्नागाँ माङ्जो रिङ् ओमाट्टुगा नुङ् याप्मिओलोगा॥ အခန်းကိုကြည့်ပါ။ |
२ कोरिन्थि 6:8
32 ပူးပေါင်းရင်းမြစ်များ
हिट्नागाँ आप्पे उन्चि चेलाचि हेरोद छुम्माङिगा याप्मिचिलोक् उन् सोरि ओपाङ्सुचे॥ हिट्नागाँ ओलोडुए, “काहिसिक्बा, खान्उम् सात्ते नुङ् आन्याँ ठाहा टोगुएसुम्मे, हिट्नुङ् खान्ङा माङ्हाङ्ङाना लाम्बो माहामा डोक् आहिसिक्टुचिगा॥ याप्मिचिङा पाक् ओमाट्टुटुगा खान्ङा यान्दा आचोगुन्गा, पोङ्भोने खान्ङा याप्मिचिगा नाभाक् आपुयुङ् चाट्ला आमेट्टुन्चिन्गा॥
हिट्नागा याप्मिचि येसुङि ओखाडाउङ् ओलोडुए, “हाउ काहिसिक्बा, खान्ङाउम् छेम्बाना रिङ् आमाट्टुगा॥ हिट्नुङ् खान्ङा सोब्बे याप्मिचि ठिक्ए चाट्ला आमेट्टुचिगा खोनालेङ् चा आकेङ्निना, हिट्नुङ् खान्ङा माङ्हाङ्लाम्मा टोगुम्ना चोला बारेङि नुलोक् आहिसिक्टुचिगा नुङ् आन्याँ ठाहा टोगुएसुम्मे॥ हाट्ले आन्याँ याप्मिलोडा, रोमि कैसारलोङ्सा तिरो हुङ्मा कोन्युक् नि कोन्नि नै?”
हिट्नागाँ उन् ओलोडुए, “काप्तान कारनालियासङा आन्याँ याप्मि पाङ्साना॥ उन् धारमोति हिट्नुङ् माङ्हाङ्लोक् किट्ना हिट्नुङ् सोब्बे याहुदिचिङा आड्डिक् डोक् मान् ओचोगुना याप्मि ए॥ ठिबाङ् सेङ्सेङ्ना माङ्हाङ् रिङ् काउग्बा उन्ङि ठेट्टे हिट्नुङ् ओपाङ्ङि खान् खाप्मा हिट्नुङ् कारिङ् ओखेम्सुवाक् नुङ् उन् लोडुए॥”
कोइ ओचाफेन्गा याप्मिचिङा नाड्डे ओमाट्टुगा, “भेन्गा रिङ् चोगुमुङ् ओचेट्नुना रिङ् टाडुटु भोने, हाट्ले आनि ओभेन्ना रिङ् डोक् चोगुम्याक्टुम्॥” हिट्नुङ् कोइ-कोइङा आन्याँ नाड्डेगा रिङ् हिसिक्टुम्चिम्चिम्मा नुङ् फाट्टुर याप्मिलाबेसे, टरो हिट्ना रिङ् छेम्बाना माखाक्॥ हिट्डेगा रिङ् उपिग्गा याप्मिचि माङ्हाङ्ङा साजाए पिडुचिचि॥
हिट्ना ओसाट्टोङि आन्याँउम्टे याप्मिचिङा ठोब्सा ओचोगुगा मोन्डिसिइना टोॽवा चोक्मा नाडेएसुम्मे॥ आन्याँ माङ्जो चा माट्निम्मागा, हिट्नुङ् माङ्हाङ् रिङ् चा फेराँ चोक्निम्मागा॥ टरो आन्याँ भोरोसायोगे नुङ् सोब्बे याप्मिचिङा बिस्वास याप्मिओचोक्याक् नुङ् आन्याँ छेम्बाना रिङ् पारचिन्दा माट्टुम्टुम्मा, हिट्नुङ् नाङाना साँचिम्बाक् माङ्हाङ् वाहेट्॥
“हिट्नि खानि माड्डे इम्टेप्मा याहुदिचि सैतानङाना माङ्ध्यान् काचोक्चि ओवाहेट्॥ हिट्नागाँ आन्याँ माङ्हाङ् ओयाप्मिचि नुङ् उपिग्येट्, टरो हिट्नागा माङ्जो उपिग्येट्, पोङ्भोने हिट्ना रिङ् छेम्बाना माखाक्॥ आङा हिट्नागा याप्मिचि खानि सोरि आप्टुङ्चिङ्चिङ्, हिट्नुङ् हिट्नागा खानि स्या मेप्मा मेट्टुङ्चिङ्चिङ् हिट्नुङ् आङा खानि इम्टेप्मा माया चोक्नानिगा नुङ् हिट्नागाँ ठाहा ओटोगुटु॥
ကြော်ငြာတွေ