२ कोरिन्‌थि 5:9 - आठपहरिया

⁹ हिड्‌डेउङ् आन्‍याँ ना येम्‌ङि लिसिङा चा, टाङ्‌बालोक् लिसिङा चा, आन्‍याँना निङ्‌ग्‍वाम्‍बाक् उन्‍ङाना ओचाप् टालोक् चोक्‍मा ए॥

२ कोरिन्‌थि 5:9 ပူးပေါင်းရင်းမြစ်များ

युहान्‍ना 6:27

जाखाम् लिना चामा-ठुङ्‌मागा टोग्‍मालोङ्‌सा टोॽवा चोक्‍नेनुम्, टरो खोना बेला चा लाट्‌निना चोला आपिना चामा-ठुङ्‌मागा टोग्‍मालोङ्‌सा टोॽवा चोगानुम्॥ ना खोना बेला चा लाट्‌निना चोला आपिना चालेप्‍पा याप्‌मि छाङा खानि मापिडिटि, पोङ्‌भोने ना रिङ् लोङ्‌सा डोक् माङ्‌हाङ् पाबाङा उन् आधिकार पिडुएसुए॥”

मुलिचेला टोॽवा 10:35

याप्‌मि जुन्‍सुके छोङ्‌बाङाना उलियाक्, माङ्‌हाङ् मान् काचोक्‍बा हिट्‌नुङ् ओचेट्‌नुना टोॽवा काचोक्‌चि उन्‍ङा लाडुचिगा रिङ् छेम्‍बा डोक् ए॥

रोमि 14:18

जुन् याप्‌मिङा खिरिस्‍टङाना नाड्‌डे पारा सेवा चोगुटु, हिट्‌नाङा माङ्‌हाङ् उचाप् टामामेट्‌टुटु, हिट्‌नुङ् आरुङा चा उन् मान् ओचोगुटु॥

रोमि 14:8

हिट्‌नुङ् आनि हिङि चा टाङ्‌बा लोङ्‌सा हिङिटि, हिट्‌नुङ् सिइ चा टाङ्‌बा लोङ्‌सा डोक् सिइटि॥ हिड्‌डेउङ् आनि सिइ चा, हिङि चा टाङ्‌बाङाना डोक् ए॥

रोमि 15:20

आङा आरु याप्‌मिचिङा ठालाँ ओचोगुना जाग्‌ङि पाङ् काचोक् गाड्‌डे आरुङा पारचार ओचोगुना ठोङ्‌ङि पारचार चोक्‌निङ्‌ना॥ टरो आङा आरुङा खिरिस्‍ट बारेङि ओखेम्‍सुन्‍गेट्‌टुन्‍ना नायाँ ठोङ्‌ङि एडोक् नुना खाबोर पारचार चोक्‍मा सोरोक् निङ्‌ग्‍वा चोगुङ्‌टुङ्॥

१ कोरिन्‌थि 15:58

हिड्‌नाड्‌डेउङ् आमायालु आम्‍भु-आन्‍झाचि हिट्‌नुङ् आनो-आन्‍झाचि, खानिङा आचोगुम्‍ना बिस्‍वासङि निङ्‌ग्‍वा मिरिङे बोलियो लिसानिउङ् युङायाक्‍टानि॥ टाङ्‌बाङाना ओटोॽवा सोरोक् निङ्‌ग्‍वा पिडानुमुङ् चोगानुम्, पोङ्‌भोने खानिङा आचोगुम्‍ना सोब्‍बे थोक् उन्‌ङि खेरो खाट्‌निना नुङ् खानिलाउङ्‌सा ठाहा युङ्‌ग्‍वा॥

२ कोरिन्‌थि 5:6

नाड्‌डेउङ् आन्‍याँ जाइले चा ढुक्‍का लिसिटिङा॥ हिट्‌नुङ् आन्‍याँ ना येम्‌ङि लिसिङालोक् टाङ्‌बा लिना ठोङ्‌ङि आन्‍याँ लिसिन्‍नागा नुङ् ठाहा युङ्‌ग्‍वा॥

२ कोरिन्‌थि 5:8

आन्‍याँ ढुक्‍का वासेट्‌टिङा नुङ् आङा फेरि माट्‌टुङ्‌टुङ्, हिट्‌नुङ् ना येम्‌ङि हिङ्‌मा नुङ्‌ना टाङ्‌बालोक् एक्‍केउ हिङ्‌माडोक् आन्‍याँ नुलोक् लोसिटिङा॥

एफिसि 1:6

नाड्‌डेउङ् माङ्‌हाङ्‌ङा उन्‍ङाना मायालु छालाम्‍मा उन्‍ङाना माहिमालोक्‍ना मायादाया आनि आपिडानाँ उन् लोङ्‌सा पोए-पोए ठाङ्‌सुम्॥

कालास्‌सि 1:10

खानिङा टाङ्‌बाङाना उनिङ्‌ग्‍वा टाना चोला गाड्‌डे चोगानिउङ् सोरोक् उन् हारका चोगानुम् नुङ् आन्‍याँ बिन्‌टि ठाङ्‌सुम्‍टुम्‍मा॥ हिट्‌नुङ् खानि चोलाङा सोब्‍बे नुगा टोॽवा हिट्‌नुङ् माङ्‌हाङ् आझै नुलोक् मिसेन् आनिसुम्‍टुम्॥

कालास्‌सि 1:29

हिट्‌नाड्‌डेउङ् खिरिस्‍टङा आनिङ्‌ग्‍वाङि याङ्‌पिडाना ठेना ओबोल्‌लाम्‍मा आङा ना टोॽवा आड्‌डिक् मिहिनेत चोगुङुङ् चोगुङ्‌टुङ्॥

१ थेसालोनिकि 4:1

हाट्‌ले भुम्‍भु-झान्‍झाचि हिट्‌नुङ् आनो-आन्‍झाचि, माङ्‌हाङ् खुसि मेप्‍मा खोड्‌डेना चाट्‌ला लिमा कोन्‌युक्‍ना हिट्‌ना बारेङि सिकाँ चोक्‍नैनाने, हिट्‌नुङ् हिट्‌ना पारा डोक् खानि आचोगेट्‌टि, हिट्‌नुङ् हाट्‌ले चा हिट्‌डे चोक्‍मा पोसा खाडानि नुङ् टाङ्‌बा येसुङि लोनाँनि, हिट्‌नुङ् बिन्‌टि चोगुम्‍टुम्‍मा॥

१ थेसालोनिकि 4:11

आन्‍याँ खानि पाइले लोनानि गाड्‌डे डोक् हाङ्‌हाङ्‌ङाना चोलाङि वामाउङ्‌सा निङ्‌ग्‍वा पिडानुम्॥ आप्‍पे खानि टोॽवाङि एरोक् ख्‍याल चोगानुम् हिट्‌नुङ् आप्‍पे डोक् टोॽवा चोगानुम्॥

१ तिमोथि 4:10

हिड्‌डेउङ् आन्‍याँ आसाम्‍बाक् उहिङ्‌ग्‍वाट् माङ्‌हाङ्‌ङि युङ्‌सुएसुम्‍मे हिट्‌नुङ् आनि आड्‌डिक् निङ्‌ग्‍वा पिडुमुङ् टोॽवा चोगुम्‍टुम्‍मा॥ उन् सोब्‍बे याप्‌मिचिगा काहिङ्‌मेप्‍बा डाङ्‌बा, हिट्‌नुङ् मुलि गारिम्‍बाक् उन्‌ङि बिस्‍वास काचोक्‍बाचिगा काहिङ्‌मेप्‍बा डाङ्‌बा ए॥

हिब्‍रु 12:28

हिट्‌नाडेउङ् वाम्‍मा हिनिम्‍ना मुलुक् टोगुम्‍ना माङ्‌हाङ् पोए-पोए ठाङ्‌सुम्, हिट्‌नुङ् माङ्‌हाङ् आड्‌डिक् मान् हिट्‌नुङ् किट्‌सा उन्‍ङा निङ्‌ग्‍वा चोगु गाड्‌डे डोक् उन्‍ङाना माङ्‌ध्‍यान् चोगुम्॥

हिब्‍रु 4:11

कोइङा माङ्‌हाङ्‌ङा लोडुना रिङ् खेम्‍सुन्‍ना भोने, हिट्‌ना माङ्‌हाङ्‌ङाना आराम चोक्‍मा ठोङ्‌ङि उलिग्‍नेट्‌निगा इस्‍राइलि याप्‌मिचि गाड्‌डे डोक् लियुक्, हिट्‌नाड्‌डेउङ् आनि हिट्‌ना युङ्‌माना डेन्‌ङि लिग्‍मा आड्‌डिक् निङ्‌ग्‍वा चोगुम्॥

२ पाटरुस 3:14

नाड्‌डेउङ् मायालु आसाइबाचि, खानि नागा रिङ् उलियुक् नुङ् आहाङ्‌सेट्‌टुम्‍नाँ, उन्‍ङाना ओटोकानाङि खानि सेङ्‌सेङ्, ओखायोप् माले हिट्‌नुङ् उन्‌लोक् हाङ्‌हाङ्‌ङि युङ्‌मा बोल् चोगानि॥