२ कोरिन्‌थि 5:21 - आठपहरिया

²¹ पोङ्‌भोने आनिउम्‍टे खिरिस्‍टलाम्‍मा माङ्‌हाङ् ओटोकानाङि धारमोति उलिसियाक् नुङ् पाप डोक् चोगुन्‍गेट्‌टुन्‍ना खिरिस्‍ट माङ्‌हाङ्‌ङा आनि पाप लाउङ्‌सा भोक् ठाङ्‌मा मेट्‌टुए॥

२ कोरिन्‌थि 5:21 ပူးပေါင်းရင်းမြစ်များ

लुका 1:35

हिट्‌नुङ् माङ्‌हाङ् रिङ् काउग्‍बाङा लोडुए, “खान् उठुङ्‌ङि माङ्‌हाङ्‌ङाना सेङ्‌सेङ्‌ना हाङ्‌सा ठायुउङ्‌युक् हिट्‌नुङ् सोब्‍बे नुङ्‌ना माङ्‌ठेना माङ्‌हाङ्‌ङाना साक्‌तिङा माटेप्‌युक्॥ हिट्‌नुङ् हिट्‌ना पोङ्‌साना सेङ्‌सेङ्‌ना ओओ माङ्‌हाङ् छा नुङ् ओलोडुटु॥

मुलिचेला टोॽवा 3:14

खानिङा सेङ्‌सेङ्‌ना हिट्‌नुङ् धारमोति याप्‌मिङाना ओसाट्‌टो याप्‌मि कासेट् ‘आन्‍याँलोङ्‌सा याप्‌मिलेडाबिडा’ पिक्‍सा आलोडुमे॥

रोमि 1:17

पोङ्‌भोने ना नुना खाबोरङा माङ्‌हाङ्‌ङा ओटोकानाङि आनि खोड्‌डेउङ् माहामाना आचोगेना नुङ् आनिमेट्‌युक्, हिट्‌नुङ् ना रिङ् बिस्‍वासलाम्‍मा उटुम् लियुङ् बिस्‍वासलाम्‍मा डोक् पुरो लियुक्॥ धारमाछाप्‍लाङि नाड्‌डे छेप्‍टेसे, “धारमोति याप्‌मिम्‍बाक् माङ्‌हाङ्‌ङि बिस्‍वास चोगुङ् डोक् हिङ्‌युक्॥”

रोमि 4:25

ना येसु डोक् आनि पाप लाउङ्‌सा माङ्‌हाङ्‌ङा सिमा पाङ्‌सुए हिट्‌नुङ् माङ्‌हाङ्‌ङा ओनाभाक्‌ङि आनि धारमोति चोक्‍माउङ्‌सा येसु सियानालाम्‍मा उहिङ्‌ग्‍वाट् चोगुए॥

रोमि 5:19

पोङ्‌भोने ठिबाङ् याप्‌मि आदामङा माङ्‌हाङ्‌ङाना आग्‍याँ पालान् चोग्‍वाट्‌टुन्‍नाँ जोम् याप्‌मिचि पापि उलिसे, हिट्‌नाडेडोक् ठिबाङ् याप्‌मिङा माङ्‌हाङ्‌ङाना आग्‍याँ पालान् चोगुनाँ जोम् याप्‌मिचि माङ्‌हाङ् ओटोकानाङि धारमोति उलियुक्॥

१ कोरिन्‌थि 1:30

माङ्‌हाङ्‌ङा आनि खिरिस्‍ट येसुलोक् ठिक्‍ए आचोगाइसे, हिट्‌नुङ् आनिना ओचेट्‌नु लाउङ्‌सा माङ्‌हाङ्‌ङा खिरिस्‍ट डोक् आनिना ठोना आचोगाबिडे॥ खिरिस्‍टङा आनि माङ्‌हाङ् ओटोकानाङि धारमोति आचोगाइसे, हिट्‌नुङ् आनि चोखो लोक् सेङ्‌सेङ् आचोगाइसे, हिट्‌नुङ् पापलाम्‍मा आनि छुट्‌कारा आचोगाइसे॥

२ कोरिन्‌थि 5:17

नाड्‌डेउङ् कोइ याप्‌मि खिरिस्‍टङि वाहेट् भोने, हिट्‌ना ओछोङ्‌ग्‍वाट् याप्‌मि लियुक्॥ पाइलेगा रिङ् मासाउङ् खाडे, पुयानुम्, हाट्‌ले सोब्‍बे रिङ् ओछोङ्‌ग्‍वाट् उलिसेसे॥

गालाति 3:13

टरो खिरिस्‍टङा धारमाबिधिङाना सारापलाम्‍मा आनि छुट्‌कारा आपिडे॥ उन् खाप्‍चेङि छुडानाँ, उन्‍ङा आप्‍पे आनिना फाट्‌टुर लाउङ्‌सा साराप खुयुए॥ पोङ्‌भोने धारमाछाप्‍लाङि छेप्‍टेसे, “जुन् खाप्‍चेङि छुडाउङ् सियुक्, हिट्‌नाँ साराप टोगुना लियुक्॥”

एफिसि 5:2

खिरिस्‍टङा आनि माया आचोगे हिट्‌नुङ् उन्‍ङा आप्‍पे ओचोला भोक् चोगुङ् आनि लाउङ्‌सा आपिडे हिट्‌नुङ् बुङ्‌बुङ् नाम्‍ना ढुपा गाड्‌डे डोक् माङ्‌हाङ्‌ङि ठाङ्‌सुए॥ हिट्‌डेडोक् खानिङा सोरोक् आरु याप्‌मिचि माया चोगानुम्‌चिम्॥

फिलिप्‌पि 3:9

हिट्‌नुङ् आङा उन्‍ङाना लिमा उहिङाक् नुङ् हिड्‌डे चोगुङ्‌टुङ्॥ धारमाबिधि पालान् चोगुङ् माङ्‌हाङ्‌ङाना ओटोकानाङि आङा धारमि लिमा हिनिङ्‌ना॥ टरो खिरिस्‍टङि बिस्‍वास चोगुङुङ् एडोक् माङ्‌हाङ्‌ङा आङा धारमोति नुङ् याङ्‌लोयुक्॥

हिब्‍रु 4:15

आनिना सानिङ्‌डाङ्‌बाङा आनिना काम्‍जोरि ठाहा टोगुटु, पोङ्‌भोने आनि गाड्‌डे डोक् उन् याप्‍मा रिङ्‌ङि वारिक्‌ङि ठाए, टरो उन्‍ङा पाप चोग्‍वाट्‌टुन्॥

हिब्‍रु 7:26

येसुम्‍बाक् आनि लाउङ्‌सा चाहाब् लिना सानिङ्‌डाङ्‌बा ए॥ उन् सेङ्‌सेङ्‌ना, फाट्‌टुर मालेना, चोखो ए, हिट्‌नुङ् उन्‍ङा पाप चोग्‍वाट्‌टुन्॥ माङ्‌हाङ्‌ङा उन् सोब्‍बे नुङ्‌ना टो टोनालोग्‌ङि युङ्‌सुए॥

१ पाटरुस 3:18

पोङ्‌भोने खिरिस्‍ट आनि पाप लोङ्‌सा एक्‍के खेप् सिए॥ ठिबाङ् नुना याप्‌मि कायाङ्‌छाबा याप्‌मिचि लाउङ्‌सा सिए॥ खिरिस्‍टङा आनि माङ्‌हाङ् सोरि खाप्‍माउङ्‌सा हिड्‌डे चोगुए॥ उन् याप्‌मिचिगा गाड्‌डे येम्‌ङि लिसानाँ सिए, टरो माङ्‌हाङ्‌ङाना ओहाङ्‌साङा उन् फेरि उहिङ्‌ग्‍वाट् चोगुए॥

१ युहान्‍ना 3:5

हिट्‌नुङ् याप्‌मिचिगा पाप टुग्‍मा लाउङ्‌सा खिरिस्‍ट पारकाट् लिसाना नुङ् खानिङा ठाहा आटोगुम्‍टुम्॥ हिट्‌नुङ् उन्‌ङि पाप डोक् वाइना॥