२ कोरिन्थि 5:14 - आठपहरिया14 आन्याँ जे चोगुम्टुम्मा हिट्नाउम्टे खिरिस्टङा आन्याँ माया याप्मि चोगानाँ चोगुम्टुम्मा, पोङ्भोने छेम्बा डोक् आन्याँ ना रिङ् ठाहा टोगुम्टुम्मा सोब्बे याप्मिचि लाउङ्सा ठिबाङ् सिए, हिट्नाड्डेउङ् सोब्बे याप्मिचि उसियागा रिङ् आन्याँ बिस्वास चोगुम्टुम्मा॥ အခန်းကိုကြည့်ပါ။ |
२ कोरिन्थि 5:14
43 ပူးပေါင်းရင်းမြစ်များ
टरो माङ्हाङ्ङा आनि आपिडाना मायादायाङाना बारदान आदामङाना पाप गाड्डेना माखाक्॥ पोङ्भोने ठिबाङ् याप्मि आदामङा चोगुना पापङा जोम् याप्मिचि उसिए॥ टरो माङ्हाङ्ङा आनि आपिडाना मायादायाङाना बारदानम्बाक् हिट्ना आदामङाना पाप नुङ्ना चा आड्डिक् ठेना ए, हिट्नाम्बाक् ठिबाङ् याप्मि येसु खिरिस्टलाम् सोब्बे याप्मिचिङा ओटोगुएसुए॥
खानि येम्ङिना खोना चा आङ्गाचि पाप चोक्मा हिट्नुङ् ओभेन्गा टोॽवा चोक्मा पिनेनुम्॥ टरो खानि आप्पेलाउङ्सा माङ्हाङ्ङि पिडानुम्, पोङ्भोने खानि आसिइगा याप्मिचि गाड्डेगा डोक् आवासेट्टिगा टरो हाट्ले खानिङा ओछोङ्ग्वाट् चोला आटोगुएसुम्मे॥ हिट्डेउङ् खानि आङ्गाचि ओचेट्नुना टोॽवा चोक्माउङ्सा माङ्हाङ् पिडानुम्॥
जुन् याप्मिलोक् सेङ्सेङ्ना हाङ्सा लिनिना, हिट्नाङा माङ्हाङ्ङाना ओहाङ्साङा सिकाँ चोगुना रिङ् लाडुन्ना, पोङ्भोने ना रिङ् हिट्ना लाउङ्सा बिथाँना रिङ् लियुक्॥ हिट्नुङ् हिट्नाङा नागा रिङ् बुजा चोग्मा हिडुन्ना, पोङ्भोने ठिबाङ् याप्मिङा नागा रिङ् सेङ्सेङ्ना हाङ्साङा घुवार फाडुङ् एडोक् बुजा चोक्मा हिडुटु॥
ठिक् बेला आनि आप्पे चा डोम्डोम्गा, रिङ् खेम्निम्गा हिट्नुङ् ठागाँ लिसिगा याप्मि लिसिएसिगा॥ आनि जोम् ओचाफेन्ना निङ्ग्वा लोक् ओचाफेन्लोक् मोज्मोज्जाङाना कामारा लिसेइसिगा॥ आनि चोला ख्वाप्पा दुस्टा हिट्नुङ् रेक् काप्मा रिङ्ङा इप्टुएसुना, हिट्नुङ् याप्मिचिङा चिम्मा आफुट्टागा हिट्नुङ् याप्मिचि चिम्मा फुट्टुम्चिम्गा याप्मिचि वासेट्टिगा॥
ကြော်ငြာတွေ