टिउँबा घारिङि ओठायागा लालिक्उम्बाक् नाड्डे गाड्डेगा याप्मिचि उलियुक्॥ हिट्नागाँ माङ्हाङ्ङाना रिङ् ओखेम्सुटु, टरो ना नाराङि लिना जोम् थोक्ङि सुरटा ओचोगुटु हिट्नुङ् खोड्डे पारिक् माक्फेन्सुबेन् कामाँ चोक्माना रिङ्ङि ओबान्युक्, हिट्डेउङ् हिट्नागाँ ओखेम्सुना रिङ् ओमासुडेसुटु हिट्नुङ् पाक्चा टुल्फुल ओकेङुन्ना॥
२ कोरिन्थि 4:4 - आठपहरिया4 ना नाराङिना साम्माङ् ओलोडुना सैतानङा आबिस्वासिचिगा निङ्ग्वा डोम्-डोम् चोगुबिडुएसुचे॥ हिट्डेउङ् हिट्नागाँ खिरिस्टङाना बारेङि नुना खाबोर लोक् उन्ङाना माहिमा बुजा चोक्मा उहिडुन्ना॥ खिरिस्टउम् माङ्हाङ् गाड्डेना डोक्॥ အခန်းကိုကြည့်ပါ။ |
२ कोरिन्थि 4:4
42 ပူးပေါင်းရင်းမြစ်များ
खान्ङा हिट्नागा याप्मिचिगा मिक् ओङ्सुबिडुचि, हिट्नुङ् हिट्नागा डुम्बारिक् डुम्लाम्मा व्हाङ्ङि हिट्नुङ् सैतानङाना ओसाक्तिलाम्मा माङ्हाङ्ङि ओनोक्याक्॥ हिट्नुङ् माङ्हाङ्ङा हिट्नागाँगा पाप टुगुबिडुचिचि, हिट्नुङ् हिट्नागाँ माङ्हाङ्ङि बिस्वास ओचोगुनाँ उन्ङा सेगुचिगा ओयाप्मिचिलोक् साङ्गाटिङि युङ्मा ओटोगुटु॥’
नाड्डेउङ् ‘काहिङ्मेप्बा डाङ्बा खिरिस्टङा याङ्छामा आङ्मा कोन्युक्, हिट्नुङ् उन् उसियागालाम्मा उहिङ्ग्वाट् लियुङ् कोब्ना काट्ना सोब्बे नुङ्ना उटुम्ङिना लियुक्, हिट्नुङ् उन्ङा आप्पे याहुदि ओयाप्मिचि हिट्नुङ् पानिछोङ्बाचि लोङ्सा चा मुक्टि टोगुम्ना व्हाङ्ङाना बारेङि लोडुचिचि’ पिक्सा हिट्नागाँ ओमाट्टुएसुना॥”
हिट्ना बेला इस्राइलि याप्मिचिङा बुजा चोक्मा उहिडुवाट्टुन्, हिट्नागाँगा निङ्ग्वा घुम्टोङा टेप्टि गाड्डे डोक् डाना॥ हाट्ले सोम्मा चा पुरानो माङ्हुप् कोइङा पोढाँ ओचोगुङ् ओखेम्सुनाँ उन्चि निङ्ग्वा घुम्टोङा टेप्टि गाड्डे डोक् बुजा ओचोगुन्ना॥ हिट्नुङ् हिट्ना घुम्टो जब ठिबाङ् याप्मिङा खिरिस्टङि बिस्वास चोगुटु हिट्नुङ् एडोक् हाटाँ चोक्मा हिडुटु॥
पोङ्भोने आनिना खेमाबुङ्माम्बाक् याप्मिचिगा बिरुद्दाङि माखाक्, टरो आनिना खेमाबुङ्माम्बाक् ठेप्मा ठेट्निना साक्ति हिट्नुङ् आधिकारलोक्ना, हिट्नुङ् ना नाराङि सासान् काचोक् डुम्बारिक् डुम्ङिना साक्तिलोक्, हिट्नुङ् टाङ्साङि उलिगा पारिक् पारिक्गा टोम्गाचिगा हिट्नुङ् ओभेन्गा हाङ्साङागा साक्तिचिगा बिरुद्दाङि ए॥
माङ्हाङ्ङाना माहिमा उइछाङि ओम्युक् हिट्नुङ् माङ्हाङ् खोड्डेना नुङ् उन्ङि निसुम्टुम्॥ उन्ङा उन्ङाना साक्तिसालि रिङ्ङा डोक् टोनालोग्ङि हिट्नुङ् नाराङिगा ख्वाप्पा थोक् उठुङ्ङि सासान् चोगुटु॥ हिट्नुङ् उन्ङा याप्मिचिगा पाप माफ चोक्मा हिडुङ् उन् टोनालोक्ङि माङ्ठेना माङ्हाङ्ङाना छुप्टाङ् उमुक्लेङ् युङे॥
जुन् याप्मिङा पाइले डोक् सात्याताङाना व्हाङ् निसेसुए, हिट्नुङ् टोनालोग्ङिना बारदान हिट्नुङ् सेङ्सेङ्ना हाङ्सा चा टोगेसुए, हिट्नुङ् आड्डिक् नुना माङ्हाङ्ङाना उरिङ् हिट्नुङ् टायुगेट्ना जुगङाना साक्ति बारे ठाहा काटोक्चि बिस्वासलाम्मा ओनोक्टा ओखाडे भोने हिट्नागा फेरि काएल्-काबु लिमा हिट्नुङ् नोक्मा आप्मा साम्भाब् लिनिना, पोङ्भोने हिट्नागाँ ओचोगुना टोॽवाङा माङ्हाङ् छा आरको खेप् खाप्चेङि उछुडुटु हिट्नुङ् सोब्बे याप्मिचि टोकानाङि उन्ङाना ओचाफेम्मा ओचोगुटु॥
माङ्काटाचिङा ओछेप्टुना रिङ् आझै छेम्बाना डोक् नुङ् आन्याँ चा भोरोसा युङ्सुम्टुम्मा, हिट्नुङ् खानिङा नागा रिङ् निङ्ग्वा पिमाउङ् खेम्मा ओचेट्नु लियुक्, पोङ्भोने ना कुरिक्वारिक्ङाना व्हाङ् मिलिए सोम्मा हिट्नुङ् खानि निङ्ग्वाङि भ्यानिक्ङाना चोक्चिङ्गेङाना व्हाङ् मिओम्मे सोम्मा डुम्बारिक् डुम्ङि हाट्ना कुपि गाड्डे डोक् लियुक्॥
ကြော်ငြာတွေ