२ कोरिन्‌थि 4:10 - आठपहरिया

¹⁰ येसुङाना ओचोला आन्‍याँ येम्‌ङि चा पारकाट् उलियाक् नुङ् उन्‍ङा याङ्‌छामा आङ्‌डु गाड्‌डे हिट्‌नुङ् उसिमा लेन्‍सेन् आन्‍याँना येम्‌ङि आङ्‌डेट्‌टुम्‍मा॥

२ कोरिन्‌थि 4:10 ပူးပေါင်းရင်းမြစ်များ

युहान्‍ना 14:19

छोप्‍मोङ्‌लाम्‍मा नाराङिगा याप्‌मिचिङा आङा उनिनिङ्‌गा, टरो खानिङाउम्‍बाक् आङा आनिसिटिङा॥ आङा उहिङ्‌ग्‍वाट् लिसाङ्‌नाँ खानि चा उहिङ्‌ग्‍वाट् आलिसिटि॥

रोमि 6:5

पोङ्‌भोने आनि चा खिरिस्‍ट सिया गाड्‌डे सिइउङ् उन्‌लोक् एक्‍के लिसेसिए भोने, उन् उहिङ्‌ग्‍वाट् लिसा गाड्‌डे आनि चा उहिङ्‌ग्‍वाट् लिसिटि॥

रोमि 6:8

हाट्‌ले आनि खिरिस्‍टलोक् सिइए भोनेम्‍टे उन्‌लोक् उहिङ्‌ग्‍वाट् चा लिसिटि नुङ् आनि बिस्‍वास चोगुम्‍टुम्॥

रोमि 8:36

आनिलाउङ्‌सा याङ्‌छामा लियुक् नुङ् धारमाछाप्‍लाङि नाड्‌डे चा छेप्‍टेसे, “आन्‍याँ खान्‌ङि बिस्‍वास चोगुम्‍मानाँ याप्‌मिचिङा सोरोक् याप्‌मिसेप्‍मा ओकोन्‌येट्, हिट्‌नुङ् हिट्‌नागाँ सेप्‍मा टेयार ओचोगुचिगा ठुँबाचि गाड्‌डे डोक् आन्‍याँ याप्‌मिओमेट्‌गा॥”

२ कोरिन्‌थि 1:5

पोङ्‌भोने खिरिस्‍टङा याङ्‌छामा आङ्‌डु गाड्‌डे आनि चा जोम् याङ्‌छामा आङ्‌डेट्‌टुम्, हिट्‌डेउङ् खिरिस्‍टलाम्‍मा जोम् आँट् टोगुम्‍टुम्॥

२ कोरिन्‌थि 1:9

हाउ हाट्‌लेम्‍टे आन्‍याँ सिइङे नुङ् मिट्‌टेसुम्‍माना॥ टरो नाड्‌डे लिमाम्‍बाक् आन्‍याँना आप्‍पेङिना बोल्‌ङि भोर चोक्‍मा माखाक्, टरो उसियागा उहिङ्‌ग्‍वाट् काचोक्‍बा माङ्‌हाङ्‌ङि एडोक् भोरोसा चोक्‍मा कोन्‌युक् नुङ् आन्‍याँङि नाड्‌डे लिसाना॥

२ कोरिन्‌थि 13:4

छेम्‍बा डोक्, याप्‌मिचिङा खिरिस्‍ट खाप्‍चेङि उछुडुनाँ फेटुलो डाना, टरो चा माङ्‌हाङ् ओबोल्‍ङा उन् उहिङ्‌ग्‍वाट् चोगुए॥ हिट्‌नुङ् आनि चा उन् गाड्‌डे डोक् फेटुलो लिसेसिए, टरो माङ्‌हाङ् ओबोललाम्‍मा खानि माझाङि आन्‍याँ टोॽवाङि उन्‌लोक् हिङिटिङा॥

२ कोरिन्‌थि 4:11

पोङ्‌भोने आनिना ना सियुएट्‌ना येम्‌ङि चा येसुङाना चोला ओठेट्‌याक् नुङ् डोक् आनि सोरोक् येसु लोङ्‌सा सिइ गाड्‌डे डोक् लिसेसे॥

गालाति 6:17

हाट्‌ले नुङ् हिट्‌नागा माङ्‌जोगा हिसिक्‍मा आखेम्‍सुमुङ् आङा याङ्‌छामा याङ्‌चाट्‌नेनिङ्, पोङ्‌भोने आङा येसुङाना नोकार नुङ् निमेट्‌माना खेसिक्‌ङाना ओडाम् आयेम्‌ङि खुयुएसुङे॥

कालास्‌सि 1:24

ना बेला आङा खानि ओचेट्‌नुना लाउङ्‌सा याङ्‌छामा आङ्‌मा हारका लिसाइसाङे॥ हिट्‌नुङ् खिरिस्‍टङा याङ्‌छामा आङ्‌डु गाड्‌डे डोक् खिरिस्‍टङाना ओयेम् लाउङ्‌सा उन्‍ङा आङ्‌मा बाँकि उलिसागा याङ्‌छामा आयेम्‌ङि आङ्‌डुङ्‌टुङ्, हिट्‌नाम्‍बाक् माङ्‌पाङ् ए॥

२ तिमोथि 2:11

नाड्‌डे माप्‍बालाक् रिङ् छेम्‍बा डोक्, आनि उन्‌लोक् सियिए भोने, आनि चा उन्‌लोक् डोक् हिङिटि॥

१ पाटरुस 4:13

टरो खिरिस्‍टङाना याङ्‌छामाङि खानि चा साहाभागि आलिसिना रिङ्‌ङि हारका लिसानि, हिट्‌डेउङ् उन्‍ङाना ठेना माहिमा पारकाट् लिनाँ खानि चा आड्‌डिक् आनान्‌दित आलिसिटि॥

१ पाटरुस 4:14

खानिङा खिरिस्‍टङि बिस्‍वास आचोगुम्‍नाँ याप्‌मिचिङा मालोडिजाए भोने खानि हारका लिसानि, पोङ्‌भोने माङ्‌हाङ्‌ङाना माहिमित ओहाङ्‌सा खानिलोक् लियुक्॥

पारकास 1:17

आङा उन् निसुङ्‌नामे आचेट्‌बिचेट् लिसि गाड्‌डे ओटोकानाङि कोसाङे॥ हिट्‌नुङ् छुप्‍टाङ् उमुक् आङि युङ्‌सुङ् उन्‍ङा नाड्‌डे याङ्‌लोडे, “किट्‌नेन्, उटुम् हिट्‌नुङ् आन्‍ते आङा डोक्॥