२ कोरिन्‌थि 13:4 - आठपहरिया

⁴ छेम्‍बा डोक्, याप्‌मिचिङा खिरिस्‍ट खाप्‍चेङि उछुडुनाँ फेटुलो डाना, टरो चा माङ्‌हाङ् ओबोल्‍ङा उन् उहिङ्‌ग्‍वाट् चोगुए॥ हिट्‌नुङ् आनि चा उन् गाड्‌डे डोक् फेटुलो लिसेसिए, टरो माङ्‌हाङ् ओबोललाम्‍मा खानि माझाङि आन्‍याँ टोॽवाङि उन्‌लोक् हिङिटिङा॥

२ कोरिन्‌थि 13:4 ပူးပေါင်းရင်းမြစ်များ

युहान्‍ना 10:18

खोनाङा चा आङाना आचोला सेप्‍मा उहिडुन्‍ना, टरो आप्‍पे आनिङ्‌ग्‍वालाम्‍मा पिडुङ्‌टुङ्॥ आङालोक् आसोक्‍मा पिमाना आधिकार चा युङ्‌ग्‍वा, हिट्‌नुङ् फेरि नोक्‍माना आधिकार चा आङालोक् युङ्‌ग्‍वा॥ आङाना पाबाङा आङा याङ्‌पिडाना आग्‍याँ चा ना डोक्॥”

मुलिचेला टोॽवा 2:36

“हिड्‌डेउङ् ख्‍वाप्‍पा इस्‍राएलि याप्‌मिचि खानिङा खाप्‍चेङि आछुडुमुङ् आसेडुम्‍ना येसु डोक् माङ्‌हाङ्‌ङा डाङ्‌बा हिट्‌नुङ् काहिङ्‌ग्‍मेप्‍बा खिरिस्‍ट चोगुना रिङ् ठाहा टोगानुम्॥”

मुलिचेला टोॽवा 3:16

हिट्‌नुङ् ना खानिङा मिसेन् आनिसुम्‍ना याप्‌मि येसु उनिङ्‌ङि बिस्‍वास चोगुना हिट्‌नुङ् उनिङ्‌ङि डोक् बोल्‍लेउ लिसाना खानिङा आनिसुम्‍मे॥ ना याप्‌मिङा येसु उनिङ्‌ङि बिस्‍वास चोगुनाँ नाहि खानि टोकानाङि डोक् नुए॥

रोमि 1:4

हिट्‌नुङ् सेङ्‌सेङ्‌ना हाङ्‌सालाम्‍मा येसु माङ्‌हाङ्‌ङाना सोब्‍बे नुङ्‌ना माङ्‌बोल्‍लेउ छा नुङ् पारकाट् चोगुए, पोङ्‌भोने उन् माङ्‌हाङ्‌ङा सियानालाम्‍मा उहिङ्‌ग्‍वाट् चोगुए॥ उन् आनि टाङ्‌बा येसु खिरिस्‍ट ए॥

रोमि 14:9

नाड्‌डे लिसाउङ् खिरिस्‍ट उसियागा हिट्‌नुङ् उहिङागा सोब्‍बे सासान् चोक्‍मा लाउङ्‌सा उन् सिए हिट्‌नुङ् फेरि उहिङ्‌ग्‍वाट् लिसाउङ् कोबा काडे॥

रोमि 6:4

हिट्‌नाडेउङ् जब आनि बाप्‌टिस्‍मा लाडुमे, आनि सिइए हिट्‌नुङ् खिरिस्‍टलोक् डोक् हुमिए॥ हिट्‌नुङ् माङ्‌हाङ् पाबाङा उन्‍ङाना माहिमाङाना ओबोल्‍ङा खिरिस्‍ट सियानालाम्‍मा उहिङ्‌ग्‍वाट् चोगु गाड्‌डे डोक् आनि चा ओछोङ्‌ग्‍वाट् चोला टोगुम्‍मे॥

१ कोरिन्‌थि 1:25

पोङ्‌भोने माङ्‌हाङ्‌ङाना मुरखाता याप्‌मिङाना ठोना नुङ् चा माङ्‌ठेना, हिट्‌नुङ् माङ्‌हाङ्‌ङाना निम्‍छारो याप्‌मिङाना बोल् नुङ्‌ना चा माङ्‌बोल्‍लेउ ए॥

१ कोरिन्‌थि 15:43

सियाना याप्‌मिङाना ओयेम् ओचाफेन्‍ना हिट्‌नुङ् बोल् बारगाट् मालेना लियुक्, टरो फेरि उहिङ्‌ग्‍वाट् लियुङ् कोब्‌युकाट्‌नाँ पुयुम्‍नाँ ओचेट्‌नुना हिट्‌नुङ् बोल् बारगाट्‌लोक्‍ना लियुक्॥

१ कोरिन्‌थि 2:3

आङा खानि सोरि आबाङ्‌नाँ निम्‍छारो वासेट्‌टाङ्‌ना हिट्‌नुङ् किप्‍माङा पिलिम् पिलिम् योग्‍सा युङाङे॥

१ कोरिन्‌थि 6:14

माङ्‌हाङ् ओबोल्‍ङा टाङ्‌बा सियानालाम्‍मा उहिङ्‌ग्‍वाट् चोगुए, हिट्‌नुङ् उन्‍ङाना ओबोल्‍ङा डोक् आनि चा उहिङ्‌ग्‍वाट् आचोक्‌युक्॥

२ कोरिन्‌थि 10:10

कोइङा नाड्‌डे ओमाट्‌टुगा, “हिट्‌नाङाना चिट्‌ठि आड्‌डिक् लुम्‍भोक् लोना हिट्‌नुङ् साक्‌तिसालि लिना, टरो हिट्‌ना आप्‍पे खानिलोक् लिनाम्‍बाक् निम्‍छारो लिना, हिट्‌नुङ् हिट्‌नाङा चेक्‍मा पारा डोक् टाडुन्‍ना॥”

२ कोरिन्‌थि 12:10

हिट्‌डेउङ् खिरिस्‍ट लोङ्‌सा आङा फेतुलो लिङानाँ, चिम्‍मा याङ्उफुट्‌नाँ, आप्‍ठेरो बेला, खेदो याङ्ओचोक्‍नाँ हिट्‌नुङ् याङ्‌छामा आङ्‌डुङ्‌नाँ आङा हारका लिङा॥ पोङ्‌भोने जब आङा फेतुलो लिङा, टब आङा खिरिस्‍टङि बोल्‍लेउ लिङा॥

२ कोरिन्‌थि 13:9

हिट्‌नुङ् आन्‍याँ पाक्‍चा चोक्‍मा काहिनिबा लिसिङा चा खानिम्‍बाक् बोलियो आलिसिनाँ आन्‍याँ चाप् टायुक्॥ हिट्‌नुङ् बिस्‍वासङि खानि पारगाति उलियाक् नुङ् बिन्‌टि चोगुम्‍टुम्‍मा॥

फिलिप्‌पि 3:10

आङाना उदेसेम्‍बाक् खिरिस्‍ट मिसेन् निमा हिट्‌नुङ् माङ्‌हाङ्‌ङा येसु सियानालाम्‍मा उहिङ्‌ग्‍वाट् चोगुना बोल् ठाहा टोग्‍मा ए॥ हिट्‌नुङ् उन्‍ङा आङ्‌डुना याङ्‌छामा आङा चा आङ्‌डुङ्‌टुङ् हिट्‌नुङ् उसिमा सोम्‍मा उन् गाड्‌डे डोक् लिमा उहिङा नुङ् मिट्‌टुङ्‌टुङ्॥

हिब्‍रु 5:7

येसु ना नाराङि येम्‌ङि वासानाँ उन् सिइनालाम्‍मा बाचाँ चोक्‍मा काहिबा माङ्‌हाङ्‌ङि आड्‌डिक् राट्‌टाउङ् हाप्‍सा मिॽवा ठेन्‍डुङ् बिन्‌टि ठाङ्‌सुए॥ पोङ्‌भोने उन्‍ङा उनिङ्‌ग्‍वालाम्‍मा डोक् माङ्‌हाङ् माङ्‌ध्‍यान् चोगुए, हिट्‌नुङ् माङ्‌हाङ्‌ङा उन्‍ङाना बिन्‌टि खेम्‍सुए॥

१ पाटरुस 3:18

पोङ्‌भोने खिरिस्‍ट आनि पाप लोङ्‌सा एक्‍के खेप् सिए॥ ठिबाङ् नुना याप्‌मि कायाङ्‌छाबा याप्‌मिचि लाउङ्‌सा सिए॥ खिरिस्‍टङा आनि माङ्‌हाङ् सोरि खाप्‍माउङ्‌सा हिड्‌डे चोगुए॥ उन् याप्‌मिचिगा गाड्‌डे येम्‌ङि लिसानाँ सिए, टरो माङ्‌हाङ्‌ङाना ओहाङ्‌साङा उन् फेरि उहिङ्‌ग्‍वाट् चोगुए॥

१ पाटरुस 3:22

उन् उहिङ्‌ग्‍वाट् लिसाउङ् टोनालोग् खाडे हिट्‌नुङ् माङ्‌हाङ्‌ङाना उछुप्‍टाङ्‌लेङ् युङैसे, हिट्‌नुङ् ख्‍वाप्‍पा माङ्‌हाङ् रिङ् काउग्‍बाचि, टोनालोग्‌ङिना आधिकार हिट्‌नुङ् बोल् उन्‍ङाना आधिन्‌ङि उयुङ्‌ग्‍वा॥