२ कोरिन्थि 13:11 - आठपहरिया11 आम्भु-आन्झाचि, हाट्ले नागा रिङ् छेप्टुङुङ् बाबा लोनाँनि, आनान्दा चोगानि, नुना रिङ् चोक्मा निङ्ग्वा पिडानुम्, आङा लोनानिगा रिङ् खेम्सानुम्, ठिक्ए निङ्ग्वा चोगानुम् हिट्नुङ् टोङानिउङ् युङानि॥ हिट्नुङ् माया लोक् हाङ्हाङ् आपिना माङ्हाङ् खानिलोक् लियुक्॥ အခန်းကိုကြည့်ပါ။ |
२ कोरिन्थि 13:11
51 ပူးပေါင်းရင်းမြစ်များ
मुलि रिङ्म्बाक् खिरिस्टङाना नुना खाबोर गाड्डेना खान्डुना खानि चाल चालान् लिमा कोन्युक्॥ हिट्नुङ् आङा खानि टुब्मा आप्मा चा, टुब्मा आप्निङ्चा खानिङा ठिक्ए निङ्ग्वा आचोगिउङ् ठिक्ए उदेसेङि जोम् याप्मिचिङा नुना खाबोर बिस्वास ओचोगुवाक् नुङ् टोॽवा आचोगुम्ना रिङ् खेम्मा ओटोगुङ् नुङ् निङ्ग्वा चोगुङ्टुङ्॥
हिट्नुङ् आङालाम्मा जे रिङ् खानिङा सिकाँ आलिसिए हिट्नुङ् आलाडुम्मे हिट्ना रिङ् चोगायाक्टानुम्, हिट्नुङ् आङा माट्टुङ्ना जे रिङ् खानिङा आखेम्सुम्मे हिट्नुङ् आङा चोगुङ्ना जे रिङ् आनिसुम्मे हिट्ना रिङ् चोगानुम्॥ हिट्नुङ् खानि हिड्डे आचोगिटि भोने, हाङ्हाङ् कापिबा माङ्हाङ् खानिलोक् लियुक्॥
हाट्ले सान्ति आपिना माङ्हाङ्ङा खानि चाहाब् आलिसिगा सोरोक् ओचेट्नुगा थोक् खानि मापिडिटि नुङ् आङा बिन्टि चोगुङ्टुङ्, हिट्नुङ् उन्ङा निङ्ग्वा चोगुना रिङ् खानिङा चोक्मा आहिडुम्टुम्॥ ठुँबाचिगा ठेना गोठाले आनि डाङ्बा येसुलाउङ्सा माङ्हाङ्ङा सियानालाम्मा उहिङ्ग्वाट् फोगुए॥ येसुङाना ओहेलिक्लाम्मा माङ्हाङ्ङा उन् हिट्नुङ् ओयाप्मिचि माझाङि सोरोक् लियुयाक्ना माङ्हुप् उटुम् चोगुए॥ माङ्हाङ् पाक् रिङ्ङा खुसि चोगुटुना हिट्ना रिङ् आनिङि येसु खिरिस्टलाम्मा उन्ङा चोगुटु नुङ् आङा बिन्टि ठाङ्सुङ्टुङ्, हिट्नुङ् खिरिस्टङाना माहिमा जुग-जुग उलियाक्॥ आमेन्॥
ကြော်ငြာတွေ