२ कोरिन्‌थि 11:9 - आठपहरिया

⁹ हिट्‌नुङ् खानिलोक् आङा वासाङ्‌नाँ आङा चाहाब् लिसाङ्‌ना बेला खानि खोना चा दुखे पिनेट्‌निन्, पोङ्‌भोने आङा लाउङ्‌सा चाहाब् लिसागा सोब्‍बे थोक् माकेडोनियालाम्‍मा ओआबागा बिस्‍वासिचिङा डोक् याङ्ओटोङ्‌साबिडे॥ नाड्‌डेउङ् आङा खानिलाउङ्‌सा याङ्‌छामा पिनेट्‌निन् हिट्‌नुङ् हान्‍डेङ् चा हिट्‌नाड्‌डे डोक् चोक्‍ङा॥

२ कोरिन्‌थि 11:9 ပူးပေါင်းရင်းမြစ်များ

मुलिचेला टोॽवा 18:3

पोङ्‌भोने पावालङा पाल चोक्‍माना टोॽवा चोगुगा डागा हिट्‌नुङ् हिट्‌नागाचिङा चा पाल चोक्‍माना टोॽवा डोक् चोगाचुगा डाचिगा॥ हिट्‌डेउङ् उन् हिट्‌नागाचिलोक् युङे हिट्‌नुङ् एक्‍केउ टोॽवा ओचोगे॥

मुलिचेला टोॽवा 18:5

सिलास लोक् तिमोथि माकेडोनिया छेट्‌रालाम्‍मा आबाचे, पावालङाम्‍बाक् येसुङाना बारेङि पारचार चोग्‍माना टोॽवा डोक् चोगुएट्‌टुना॥ हिट्‌नुङ् उन्‍ङा “येसु डोक् खिरिस्‍ट ए” पिक्‍सा याहुदिचि पारचिन्‍दा उलिलोक् लोडुचे॥

मुलिचेला टोॽवा 20:33

आङा खोना याप्‌मिचिगा साम्‍मेङ्, रुपा हिट्‌नुङ् लोट्‌लिङ्‌ङाना लोभा चोक्‍नेट्‌निङ्॥

१ कोरिन्‌थि 16:17

हिट्‌नुङ् इस्‌तिफानास, फोरटुनास हिट्‌नुङ् आखाइकास ओटायानाँ आङा आड्‌डिक् आचाप् टाए, पोङ्‌भोने खानि आवासेट्‌टिन्‍ना बेला हिट्‌नागा नाहि उलिसाउङ् आङा आँट् टोगुङे॥

२ कोरिन्‌थि 6:4

टरो सोब्‍बे रिङ्‌ङि आन्‍याँ माङ्‌हाङ्‌ङाना ओसेवाक् नुङ् याप्‌मिचि निमेट्‌टुम्‌चिम्‌चिम्‍मा॥ आन्‍याँ याङ्‌छामा टोगुम्‍मानाँ, आप्‍ठेरोङि ठाइङानाँ, हिट्‌नुङ् टुक्‍लोक् लिसिङाना सोब्‍बे रिङ् धैइरे लिसिङाउङ् आङ्‌डुम्‍टुम्‍मा॥

२ कोरिन्‌थि 9:12

खानिङा आछुम्‍सुम्‍ना भेटिङा माङ्‌हाङ् ओयाप्‌मिचिगा आभोर युमा एडोक् माखाक्, टरो ना सेवालाम्‍मा जोम् याप्‌मिचिङा माङ्‌हाङ्‌ङि आड्‌डिक् पोए-पोए ओठाङ्‌सुटु॥

फिलिप्‌पि 2:25

आनि झान्‍झा इपाफोरडिटास खानि सोरि फेरि पाङ्‌मा कोन्‌युक् नुङ् आनिङ्‌ग्‍वा लोसेसे॥ उन् खानिना खाबोर कालो हिट्‌नुङ् आङा आभोरङि लिसाङ्‌ना बेला घुवार याङ्ओफायाक् नुङ् आपाङ्‌सुम्‍ना॥ उन्‍ङा आङालोक् एक्‍केउ टोॽवा चोगुए, हिट्‌नुङ् नुना खाबोर सुरेक्‍छे चोक्‍माउङ्‌सा उन्‍ङा आङा घुवार याङ्‌फाडे॥

१ थेसालोनिकि 2:6

आन्‍याँ खिरिस्‍टङाना मुलिचेला लिसिङानाँ खानि उठुङ्‌ङि आधिकार बे चालाँ चोक्‍मा हिडुम्‍मे बे॥ हिड्‌डे लिसा चा आन्‍याँ याप्‌मिचिलाम्‍मा, खानिलाम्‍मा हिट्‌नुङ् आरु साक्‌लाम्‍मा चा मान् कोन्‍नेट्‌निम्‍मा॥

१ थेसालोनिकि 2:9

भुम्‍बु-झान्‍झाचि हिट्‌नुङ् आनो-आन्‍झाचि, आन्‍याँ टोगुम्‍माना याङ्‌छामा लोक् चोगुम्‍ना मिहिनेत खानिङा आमिट्‌टुएसुम्‍मे॥ खानि खोनालाउङ्‌सा चा दुखे उलिनि चा नुङ् लेम्‍बासेम्‍बा टोॽवा चोगिङाउङ् माङ्‌हाङ्‌ङाना नुना खाबोर खानि लोङ्‌सा आन्‍याँ पारचार चोगुम्‍मे॥

हिब्‍रु 11:37

हिट्‌नुङ् कोइम्‍बाक् लिङ्‌गेॽवाङा ओलेप्‍टुचिउङ् ओसेडुचे, कोइम्‍बाक् आराङा ओहेगुचिउङ् ओसेडुचे, हिट्‌नुङ् कोइम्‍बाक् चेप्‍साङा ओचेप्‍टु ओसेडुचे॥ हिट्‌नागा पाक्‍चा वानिगा उलिसे हिट्‌नुङ् ठुँबा लोक् मेरबाचि ओहोॽवा उरिगुङ् उन्‌चि येम् ओटेप्‍टुए, हिट्‌नुङ् याङ्‌छामा ओटोगुङ् योम्‍बो-टोम्‍बो ओलाम्‌टियागोन्‍डे॥