२ कोरिन्‌थि 11:31 - आठपहरिया

³¹ टाङ्‌बा येसु खिरिस्‍टङाना पाबा माङ्‌हाङ्‌लाउङ्‌सा आङा छेम्‍बाना रिङ् माट्‌टुङ्‌टुङ्, माङ्‌जो चेक्‌निङ्‌ना नुङ् ठाहा युङ्‌ग्‍वा॥ हिट्‌नुङ् उन्‍ङाना सोरोक् पोए-पोए उलियाक्॥

२ कोरिन्‌थि 11:31 ပူးပေါင်းရင်းမြစ်များ

युहान्‍ना 10:30

माङ्‌हाङ् पाबा लोक् आङा ठिक् एना॥”

युहान्‍ना 20:17

येसुङा हिट्‌ना लोडुए, “आङा याङ्‌खोट्‌नेन्, पोङ्‌भोने ना बेला सोम्‍मा आङा माङ्‌हाङ् पाबा सोरि खाट्‌निङ्‌गेट्‌निङ्‌ना॥ टरो भुम्‍भु-झान्‍झाचिङि खाडाउङ् हिट्‌नागा लोडुचि, ‘आप्‍पा लोक् खानि पाबा, आङाना माङ्‌हाङ् हिट्‌नुङ् खानि माङ्‌हाङ्‌ङि आङा खाट्‌नागेट्‌नाँ॥’”

रोमि 1:25

हिट्‌नागाँ माङ्‌हाङ्‌ङाना बारेङि छेम्‍बाना रिङ् बिस्‍वास चोक्‍मा ओनाडुङ् माङ्‌जोना रिङ्‌ङि बिस्‍वास ओचोगुए॥ हिट्‌नागाँ सोब्‍बे थोक् काचोक् माङ्‌हाङ् माङ्‌ध्‍यान् चोक्‍मा ओनाडुङ् उन्‍ङा चोगुगा थोक्‌चि साम्‍माङ् हिट्‌नुङ् सेवा ओचोगुए॥ माङ्‌हाङ् उनिङ् सोरोक् टो-टो चोगुम्॥ आमेन्॥

रोमि 1:9

आङा आनिङ्‌ग्‍वालाम्‍मा डोक् माङ्‌हाङ् छाङाना बारेङि नुना खाबोर पारचार चोगुङ् उन्‍ङाना सेवा चोगुङ्‌टुङ्, हिट्‌नुङ् आङा बिन्‌टि चोगुङ्‌नाँ खानि सोरोक् मिट्‌नानिगा रिङ् उन्‍ङा डोक् निसुटु॥

रोमि 15:6

नाड्‌डेउङ् खानि ख्‍वाप्‍पाङा ठिक्‍ए निङ्‌ग्‍वाङि ठिक्‍ए सोरा चोक्‍सा आनि टाङ्‌बा येसु खिरिस्‍टङाना माङ्‌हाङ् पाबा उनिङ् चोन्‍मा आहिडुम्‍टुम्॥

रोमि 9:1

आङा माप्‍मा कोलुङ्‌ना रिङ् छेम्‍बाना॥ आङा खिरिस्‍टङाना ओयाप्‌मि हिट्‌नुङ् माङ्‌जो चेक्‌निङ्‌ना॥ सेङ्‌सेङ्‌ना हाङ्‌साङा आङाना मिप्‍माना बोल् आधिन् चोगुटु, हिट्‌नुङ् आङा माङ्‌जो चोक्‌निङ्‌ना नुङ् आङाना मिप्‍माना बोल्‍ङा याङ्‌लोयुक्॥

रोमि 9:5

हिट्‌नागा याप्‌मिचि आनि टुबाठेबाचि आब्‍राहाम, इसाहाक, हिट्‌नुङ् याकुबङागा छालेट्‌चि ए॥ खिरिस्‍ट आप्‍पे चा हिट्‌नागा इस्‍राइलि छोङ्‌बाचिङि डोक् पोङ्‌से॥ उन् डोक् सोब्‍बे नुङ्‌ना माङ्‌ठेना माङ्‌हाङ् ए, उन्‍ङाना डोक् उनिङ् सोरोक् टो-टो चोन्‍डुम्॥ आमेन्॥

२ कोरिन्‌थि 1:23

आनिङ्‌ग्‍वा कानिबा माङ्‌हाङ् साँचि युङ्‌सुङुङ् आङा आप्‍पे लोनाँनि, खानिलोङ्‌सा खेमा लाप्‍मा ओकोन्‌नि चा नुङ् डोक् आङा कोरिन्‌थिङि फेरि आब्‍नेएट्‌निङ्॥

२ कोरिन्‌थि 1:3

आनि टाङ्‌बा येसु खिरिस्‍टङाना माङ्‌हाङ् पाबाङाना उनिङ् टो-टो चोन्‍डुम्॥ माङ्‌हाङ् आनि दाया काचोक् पाबा ए, हिट्‌नुङ् उन्‍ङा सोरोक् आनि आँट् आपियुक्॥

२ कोरिन्‌थि 11:11

खानि आङा माया चोक्‍नेनिन्‍गा, पोङ्‌भोने खानिलाम्‍मा ओफाबा लाट्‌नेएट्‌निङ् नुङ् पाक् खानि आमिट्‌टिटिगि? हिट्‌डे माखाक्, आङा खानि आम्‍टेप्‍मा औधि माया चोक्‍नानि हिट्‌ना रिङ् माङ्‌हाङ्‌ङा ठाहा टोगुटु॥

गालाति 1:20

आङा खानिलाउङ्‌सा छेप्‍टुङ्‌ना रिङ् माङ्‌जोना माखाक् नुङ् माङ्‌हाङ्‌ङा ठाहा टोगुटु॥

एफिसि 1:3

आनि टाङ्‌बा येसु खिरिस्‍टङाना माङ्‌हाङ् पाबालाउङ्‌सा पोए-पोए उलियाक्॥ उन्‍ङा येसु खिरिस्‍टलाम्‍मा आनिलाउङ्‌सा टोनालोक्‌ङिना ख्‍वाप्‍पा आत्‌मिक् आसिक् आपिडेसे॥

एफिसि 3:14

माङ्‌हाङ्‌ङा चोगुगा नागा सोब्‍बे रिङ् मिट्‌टुङुङ् आनि माङ्‌हाङ् पाबा सोरि आटुम्‍बुट् येप्‍टुङुङ् बिन्‌टि चोगुङ्‌टुङ्॥

कालास्‌सि 1:3

आन्‍याँ खानिलोङ्‌सा बिन्‌टि चोगिङानाँ आनि टाङ्‌बा येसु खिरिस्‍टङाना पाबा माङ्‌हाङ्‌लाउङ्‌सा सोरोक् पोए-पोए ठाङ्‌सुम्‍टुम्‍मा॥

१ थेसालोनिकि 2:5

खानिङा नुलोक् ठाहा आटोगुएसुम्‍मे, आन्‍याँ खानिलोक् लेगालाप्‍माना रिङ्‌पान् चा चोक्‍नेट्‌निम्‍मा, हिट्‌नुङ् सोगोप् पालोवालो टोक्‍माना आसाङि पाक्‍चा चोग्‍नेएट्‌निम्‍मा॥ ना रिङ्‌ङाना साँचि माङ्‌हाङ् वाहेट्॥

१ तिमोथि 1:11

ना छेम्‍बाना हिसिक्‍मा आसिक् कापिबा माङ्‌हाङ्‌ङाना माहिमित नुना खाबोर गाड्‌डे युङ्‌ग्‍वा॥ माङ्‌हाङ्‌ङा बिस्‍वास याङ्‌चोगाउङ् ना नुना खाबोर आङा याङ्‌पिडे॥

१ तिमोथि 1:17

हाट्‌ले सोरोक् सासान् काचोक्‍बा हाङ्‌बा, खोना बेला चा सिनिना हिट्‌नुङ् निमा हिनिम्‍ना ठिबाङ् माङ्‌हाङ्‌लोङ्‌सा सोरोक् आदार लोक् माहिमा उलियुयाक्‌याक्॥ आमेन्॥

१ तिमोथि 6:16

उन् एडोक् खोना बेला चा सिनिना हिट्‌नुङ् उन् व्‍हाङ्‌ङि युङ्‌ना, उन् सोरि साक्‍चा खाप्‍मा उहिनिना॥ उन् साङा चा खोना बेला चा उनिसुन्‍गेट्‌टुन्‍ना हिट्‌नुङ् निमा चा उहिडुन्‍ना॥ उनिङ् टो-टो उलियाक् हिट्‌नुङ् उन्‍ङाना बोल् सोरोक् उलियाक्॥ आमेन्॥

१ पाटरुस 1:3

आनि टाङ्‌बा येसु खिरिस्‍टङाना माङ्‌हाङ् पाबाङाना उनिङ् टो-टो चोन्‍डुम्॥ माङ्‌हाङ्‌ङा आनि आड्‌डिक् लुक्‍मा आटुक्‍टानाँ ओछोङ्‌ग्‍वाट् चोला आपिडे, पोङ्‌भोने उन्‍ङा येसु खिरिस्‍ट सियानालाम्‍मा उहिङ्‌ग्‍वाट् चोगुए॥ हिड्‌नाड्‌डेउङ् आनि ठेना आसा चोगुमुङ् हिङिटि,