२ कोरिन्थि 11:22 - आठपहरिया22 पाक् हिट्नागा हिब्रु याप्मिचि इ? आङा चा हिब्रु याप्मि डोक्॥ पाक् हिट्नागा इस्राइलि याप्मिचि इ? आङा चा इस्राइलि याप्मि डोक् ए॥ पाक् हिट्नागा आब्राहाम उपुङ्लाङिगा इ? आङा आब्राहामङाना उपुङ्लाङिना डोक् ए॥ အခန်းကိုကြည့်ပါ။ |
२ कोरिन्थि 11:22
17 ပူးပေါင်းရင်းမြစ်များ
पावालङा हिट्नागा लोडुचे, “आङा किलिकिया छेट्राङिना टारसास खालाङ्गाङि पोङ्साङ्ना ठिबाङ् याहुदि याप्मि, टरो आङा नेहि यरुसलेम खालाङ्गाङि पोयाङे हिट्नुङ् काहिसिक्बा गामालिएलङाना ओचेला लिसाङे॥ हिट्नुङ् आनि टुबाठेबाचिङा मानाँ चोक्सा ओटाडुना धारमाछाप्लाङिना हिसिक्मा ओचेट्नुलोक् सिकाँ लिसाङे॥ हाट्ले खानि गाड्डे डोक् आङा चा आड्डिक् डोक् माङ्हाङ्ङाना सेवा चोक्मा निङ्ग्वा पिडुङे॥
हिट्ना बेला जोम् याप्मिचि बिस्वासि उलिसे॥ सोरोक् बिस्वासिचि पोसा ओखाडाना बेला गिरिक् रिङ् ओचेग्गा याहुदिचि हिट्नुङ् हिब्रु रिङ् ओचेग्गा याहुदिचि माझाङि खेमाबुङ्मा कोबे॥ पोङ्भोने गिरिक् रिङ् काचेक्बाचिङा “लेम्बासेम्बाङाना चामा-ठुङ्मागा हिब्रु रिङ् काचेक्बाचिङा ओहान्डुनाँ आनि लाङ्लेप्माचि नुलोक् उपिडुन्चिन्गा” पिक्सा हिट्नागाँ ओमाट्टुए॥
हिट्नागा इस्राइलि याप्मिचि ए॥ हिट्नुङ् माङ्हाङ्ङा आप्पे ओछालेट्चि चोक्मा सेगुचे, हिट्नुङ् हिट्नागा उन्ङाना माहिमा निमेट्टुचे॥ हिट्नागालोक् माङ्हाङ्ङा माङ्हुप् चोगुए हिट्नुङ् धारमाबिधि चा पिडुचे॥ हिट्नुङ् माङ्हाङ्ङा हिट्नागा खोड्डे पारिक् उन्ङाना सेवा चोक्माना हिट्ना हिसिक्टुचे, हिट्नुङ् हिट्नागा लाउङ्सा जोम् थोक्चि चोक्माबिमाचिगा उन्ङा बाचा चोगुए॥
हिट्नाडेडोक् माङ्हाङ्ङा आब्राहाम हिट्नुङ् उपुङ्ला माङ्हुप् चोगुए॥ नाहि धारमाछाप्लाङा “उपुङ्लाचि” नुङ् माट्टुन्ना, ना मानेम्बाक् याप्मा याप्मिचि उलियुक्॥ टरो धारमाछाप्लाङा “कापुङ्ला” एडोक् माट्टुटु, ना मानेम्बाक् ठिबाङ् याप्मि नुङ् लियुक्॥ ठिबाङ् एडोक् याप्मि नुङ्नाम्बाक् खिरिस्ट ए॥
ကြော်ငြာတွေ