२ कोरिन्थि 11:13 - आठपहरिया13 पोङ्भोने हिट्नागा याप्मिचि माङ्जोगा मुलिचेलाचि हिट्नुङ् कासुप्बा टोॽवा काचोक्चि ए, हिट्नुङ् हिट्नागा खिरिस्टङाना मुलिचेलाचि गाड्डे लिमा एडोक् ओकोन्गा, टरो हिट्नागा माखाक्॥ အခန်းကိုကြည့်ပါ။ |
२ कोरिन्थि 11:13
36 ပူးပေါင်းရင်းမြစ်များ
पोङ्भोने माङ्हाङ्ङाना खाबोर ओफाबा टोक्मा लाउङ्सा एडोक् पारचार काचोक् आरु याप्मिचि गाड्डेगा आन्याँ माखाक्॥ कोइङा माङ्हाङ्ङाना खाबोर बेपार गाड्डे डोक् ओचोगुएसुए॥ टरो आन्याँ माङ्हाङ्ङाना रिङ् इमान्जामान्ङि हिट्नुङ् खिरिस्टङाना आधिकारलोक् माङ्हाङ् ओटोकानाङि पारचार चोगुम्टुम्मा पोङ्भोने माङ्हाङ्ङा आन्याँ याप्मि पाङ्साना ए॥
हिट्ना ओसाट्टोङि आन्याँउम्टे याप्मिचिङा ठोब्सा ओचोगुगा मोन्डिसिइना टोॽवा चोक्मा नाडेएसुम्मे॥ आन्याँ माङ्जो चा माट्निम्मागा, हिट्नुङ् माङ्हाङ् रिङ् चा फेराँ चोक्निम्मागा॥ टरो आन्याँ भोरोसायोगे नुङ् सोब्बे याप्मिचिङा बिस्वास याप्मिओचोक्याक् नुङ् आन्याँ छेम्बाना रिङ् पारचिन्दा माट्टुम्टुम्मा, हिट्नुङ् नाङाना साँचिम्बाक् माङ्हाङ् वाहेट्॥
आङा ना रिङ् माट्टुङ्टुङ् पोङ्भोने कोइ-कोइ याप्मिचि खानि माझाङि सोगोप् उलिगाइसे, हिट्नागाँ माङ्हाङ् डोक् मान् ओचोगुन्ना॥ हाट्ले माङ्हाङ्ङा आनि लुक्मा आटुक्टानाँ सोब्बे ओभेन्गा टोॽवा चोक्मा आनि आपिडाइसे नुङ् हिट्नागा उपिग्गा, हिट्नुङ् आनिना ठिबाङ् एना डाङ्बा हिट्नुङ् टाङ्बा येसु खिरिस्ट इन्कार ओचोगुना॥ याप्मा बारखा पाइले नागा याप्मिचि फाट्टुर ओलाबुचिगा रिङ् धारमाछाप्लाङि छेप्टेसे॥
हिट्नुङ् हिट्ना जिवाट् हिट्नुङ् हिट्ना उनिङ्ङि डोङ् ठोङ्डिना टोॽवा काचोक् माङ्जोना माङ्काटा टाङ्राङ्बाङि ठाङानाङा कैद चोगुए॥ हिट्ना माङ्जोना माङ्काटाङा डोङ् ठोङ्डिगा टोॽवा चोगुङ् हिट्ना जिवाट्ङाना छाप् ओलाडुगा लोक् हिट्नाङाना मुरति साम्माङ् काचोक्चि मुसिक्पा चाट्टुएसुचिगा डागा॥ हिट्नुङ् टाङ्राङ्बाङि ठाङानाङा हिट्नागाचि इप्पाङ् उहिङ्ग्वाट् डोक् गान्धकङा हाट्टेट्टाना मिङाना उभुङ्रोङि लेप्टुचे॥
खानिङा आचोगुम्ना सोब्बे थोक् आङा ठाहा टोगुङ्टुङ्॥ खानिङा आचोगुम्ना टुक्लोक् टोॽवा हिट्नुङ् खानिगा आङ्मा हिमाना बोल् आङा निसुङ्टुङ्॥ हिट्नुङ् खानिङा ओभेन्ना रिङ् काचोक्बा याप्मिचि चिम्मा आफुट्टुम्चिगा आङा ठाहा टोगुङ्टुङ्, हिट्नुङ् खानिङा हिट्नागा मुलिचेलाचि नुङ् उपिग्गा याप्मिचिगा बिस्वास जाँच आचोगुम्मे, हिट्नुङ् हिट्नागा माङ्जो उपिग्येट्गा रैछो नुङ् ठाहा आटोगुम्मे॥
टरो आङालोक् खानि बिरुद्दाङि माट्माना ठिक् रिङ् युङ्ग्वा, खानिङा हिट्ना इजेबेल ओलोडुना मेच्छेमा उन्ङा निङ्ग्वा चोगुना रिङ् चोक्मा आपिडुम्मे॥ हिट्ना मेच्छेमाङा आप्पेलाउङ्सा माङ्काटा नुङ् माट्टुना, टरो हिट्नाङा आङाना सेवा काचोक्चि इम्मेट्माजामा टोॽवा चोक्मा हिट्नुङ् साम्माङ् ठानाङि ठाङ्बालाक् थोक् चामा हिसिक्टुचिउङ् ढाँट फोक्टुएसुचे॥
“खानिङा याङ्छामा आङ्डुएट्टुम् हिट्नुङ् खानिलोक् पाक्चा वाइना नुङ् आङा ठाहा टोगुङ्टुङ्, टरो माङ्हाङ् ओनाजारङि खानि वागाठागा याप्मिचि नुङ्म्बाक् छेम्बा डोक् ए॥ आप्पेलाउङ्सा याहुदि नुङ् उपिग्गा याप्मिचिङा खानि बिरुद्दाङि ओचाफेन्गा रिङ् ओचेक्टागा आङा ठाहा टोगुङ्टुङ्, टरो हिट्नागा याहुदिचि माखाक्॥ हिट्नागा सैतानङाना छुम्माङिगा याप्मिचि ए॥
ကြော်ငြာတွေ