२ कोरिन्‌थि 10:3 - आठपहरिया

³ पोङ्‌भोने आनि नाराङि युङि चा नाराङिगा याप्‌मिचि खेमाबुङ्‌मा ओचोग्‍गा गाड्‌डेम्‍बाक् चोगिन्‍गा॥

२ कोरिन्‌थि 10:3 ပူးပေါင်းရင်းမြစ်များ

रोमि 7:5

पाइले आन्‍याँ येम्‌ङिना निङ्‌ग्‍वा गाड्‌डे चोगुमुङ् वासिङे, हिट्‌नुङ् धारमाबिधिङा ओचाफेन्‍गा रिङ् चोक्‍मा निङ्‌ग्‍वा पोसुए॥ हिट्‌डेउङ् आनिना नाड्‌डेना ओचाफेन्‍ना टोॽवाङा आनि सिमा कोन्‍ना लिसे हिट्‌नुङ् माङ्‌हाङ्‌लाम्‍मा लाप्‍माङ् लिसिए॥

रोमि 8:13

पोङ्‌भोने खानिङा पापलोक्‍ना निङ्‌ग्‍वाङा चोगु गाड्‌डे आचोगुम्‍टुम् भोने खानि आसिइटि॥ टरो सेङ्‌सेङ्‌ना हाङ्‌साङाना ओसाक्‌तिङा पापलोक्‍ना निङ्‌ग्‍वा आसेडुम्‍टुम् भोने, खानि उहिङ्‌ग्‍वाट् आलिसिटि॥

रोमि 8:4

हाट्‌ले धारमाबिधिङा माट्‌टुगा रिङ् सोब्‍बे चोक्‍मा उहिडुम् नुङ् माङ्‌हाङ्‌ङा हिट्‌डे चोगुए, पोङ्‌भोने हाट्‌ले आनि आनिना पापि निङ्‌ग्‍वा गाड्‌डे वासिन्‍गा, टरो सेङ्‌सेङ्‌ना हाङ्‌साङा निङ्‌ग्‍वा चोगु गाड्‌डे वासिटि॥

२ कोरिन्‌थि 1:17

पाक् आङा नुलोक् निङ्‌ग्‍वा मिचोक्‍ङे ना योजाना चोगुङे नुङ् खानि आमिट्‌टिटिगि? पाक् आङा नाराङिना याप्‌मिचि गाड्‌डे हिट्‌नागाँगा योजाना बारेङि छोप्‍मोङ् “लियुक्” हिट्‌नुङ् छोप्‍मोङ् “लिनिना” नुङ् पिग्‍ना आमिट्‌टिटिगि?

२ कोरिन्‌थि 10:4

आनि चालाँ चोगुम्‍गा हातियारम्‍बाक् नाराङिगा याप्‌मिचिङा चालाँ ओचोगुना हातियार माखाक्, टरो माङ्‌हाङ् बिरुद्‌दाङि ओकोब्‍गा माङ्‌जोगा रिङ् हिट्‌नुङ् साट्‌टुरचिगा बोल्‍लेउ ठोङ्‌चि जाखाम् चोक्‍माना माङ्‌हाङ् ओबोल्‌ङाना हातियारम्‍बाक् आनिलोक् युङ्‌ग्‍वा॥

गालाति 2:20

आङा खिरिस्‍टलोक् खाप्‍चेङि छुडाइसाङे, हिट्‌नुङ् हाट्‌लेलाम्‍मा आङा आप्‍पे हिङ्‌निङ्‌ना, टरो खिरिस्‍ट डोक् आङि हिङ्‌युक्॥ आझै आङा ना येम्‌ङि हिङ्‌ङा, टरो आङा माया काचोक् हिट्‌नुङ् ओचोला कापि माङ्‌हाङ् छाङि बिस्‍वास चोगुङुङ् आङा हिङ्‌ङा॥

१ तिमोथि 1:18

आइछा गाड्‌डेना तिमोथि, आङा खान् ना आग्‍याँ पिनाँ, खान्‍ङाना बारेङि पाइला डोक् माङ्‌हाङ् रिङ्‌लाम्‍मा माट्‌टि गाड्‌डे, हिट्‌नागा रिङ्‌लाम्‍मा आँट् टोगुङ् नुना खाबोर लोङ्‌सा नुलोक् टोॽवा चोगु॥

२ तिमोथि 4:7

पिम्‍माना टोॽवाङि आङा नुलोक् पिन्‍डेसाङे॥ आङा पिम्‍माना टोॽवा हिडुएसुङे, हिट्‌नुङ् आङा बिस्‍वास जोगाँ चोगुएसुङे॥

हिब्‍रु 12:1

हिट्‌नाडेउङ् नाट्‌टेप् औधि बिस्‍वासङाना साँचि कापिबा याप्‌मिचिगा ठेना खिमेयाङ्‌मेङा आकुप्‍टा गाड्‌डे, हाट्‌ले आनि लाम्‍बोङि ओटागा बाधाचि हिट्‌नुङ् आबान्‍गा पाप लेप्‍टुम्, हिट्‌नुङ् माङ्‌हाङ्‌ङा आनि सोरि आयुङ्‌साबिडाना दौड नुलोक् पिन्‌डि॥