२ कोरिन्‌थि 10:10 - आठपहरिया

¹⁰ कोइङा नाड्‌डे ओमाट्‌टुगा, “हिट्‌नाङाना चिट्‌ठि आड्‌डिक् लुम्‍भोक् लोना हिट्‌नुङ् साक्‌तिसालि लिना, टरो हिट्‌ना आप्‍पे खानिलोक् लिनाम्‍बाक् निम्‍छारो लिना, हिट्‌नुङ् हिट्‌नाङा चेक्‍मा पारा डोक् टाडुन्‍ना॥”

२ कोरिन्‌थि 10:10 ပူးပေါင်းရင်းမြစ်များ

१ कोरिन्‌थि 1:17

खिरिस्‍टङा आङा बाप्‌टिस्‍मा पिमा माखाक्, टरो नुना खाबोर पारचार चोक्‍ङा याङ्‌पाङ्‌साङ्‌ना॥ आङा याप्‌मिचि लेगालाप्‍माना रिङ्‌ङि नुना खाबोर पारचार चोक्‍नेयाट्‌निङ्, हिड्‌नाड्‌डे चोगुङ्‌ना बे, खाप्‍चेङि लिसाना खिरिस्‍टङाना भोक् साक्‌ति माले लिसाना खाबोर गाड्‌डे डोक् बे लिसे॥

१ कोरिन्‌थि 1:21

नाराङिगा याप्‌मिचिङा आप्‍पे उन्‌चि ठोनाङा माङ्‌हाङ् मिसेन् निमा उहिडुन्‍ना रिङ् माङ्‌हाङ्‌ङाना ओठानाङा निरनाए चोगुए, हिट्‌ना ओसाट्‌टोङि आन्‍याँ पारचार चोगुम्‍माना मुरखा रिङ्‌लाम्‍मा डोक् बिस्‍वास काचोक् याप्‌मिचि हिङ्‌माना निङ्‌ग्‍वा चोगुए॥

२ कोरिन्‌थि 10:1

आङा खानिलोक् लिङाना मेयोक् लिङाना बो, टरो लाप्‍माङ् वाङानाँम्‍बाक् आँटि लिङाना बो नुङ् खानिङि आम्‍टेप्‍माङा आमाट्‌टुम्‍गा बो॥ हाट्‌ले आङा पावाल खिरिस्‍टङाना नाम्‍रा हिट्‌नुङ् दायाङाना आधिकारलाम्‍मा खानिलाउङ्‌सा बिन्‌टि चोग्‍नाँनि,

२ कोरिन्‌थि 10:11

हिड्‌डेगा याप्‌मिचिङा आन्‍याँ चिट्‌ठिङि छेप्‍टुम्‍मा गाड्‌डे डोक् खानिलोक् एक्‍केउ वासिङानाँ चा, लाप्‍माङ् वासिङानाँ चा हिट्‌डेडोक् चोगिटिङा नुङ् हिट्‌नागाँ बुजा चोक्‍मा कोन्‌युक्॥

२ कोरिन्‌थि 10:9

आङा खानि चिट्‌ठि छेप्‍टुङुङ् किप्‍मालाप्‍मा कोन्‍नानिगा माखाक्॥

२ कोरिन्‌थि 11:21

आन्‍याँ हिट्‌नागाँ ओचोगु गाड्‌डे चोक्‍मा निम्‍छारो लिसिङागा रिङ् माप्‍मा आङा मोन्‌निसिङा॥ टरो कोइङा ठेना लिमाना रिङ् चोक्‌युक् भोने, आङा चा हिट्‌नागा रिङ्‌ङि ठेना लिमाना रिङ् चोक्‍ङा॥ आङा चेक्‍माम्‍बाक् ठोनाबा गाड्‌डे डोक् चेक्‍ङेट्‌ङा॥

२ कोरिन्‌थि 11:6

आङा चेक्‍मा नुलोक् भाँटि टाट्‌निङ् चा पाक् चेक्‍ङेट्‌ङाना नुङ् ठाहा टोगुङ्‌टुङ्॥ आन्‍याँ ना रिङ् सोब्‍बे पारिक्‍लाम्‍मा खानिङि पारचिन्‍दा चोगुएसुम्‍मे॥

२ कोरिन्‌थि 13:3

खिरिस्‍ट आङालोक् चेक्‌युक्‌नि चेक्‌निना इ नुङ् खानिङा पारमान् आटोगुम्‍टुम्॥ खिरिस्‍ट खानिलोक् काम चोक्‍नाँ उन् फेटुलो लिनिना, टरो उन् बोल्‍लेउना ए॥