२ कोरिन्‌थि 1:5 - आठपहरिया

⁵ पोङ्‌भोने खिरिस्‍टङा याङ्‌छामा आङ्‌डु गाड्‌डे आनि चा जोम् याङ्‌छामा आङ्‌डेट्‌टुम्, हिट्‌डेउङ् खिरिस्‍टलाम्‍मा जोम् आँट् टोगुम्‍टुम्॥

२ कोरिन्‌थि 1:5 ပူးပေါင်းရင်းမြစ်များ

लुका 2:25

हिट्‌ना बेला सिमियोन ओलोडुना याप्‌मि यरुसलेमङि युङाना॥ उन् माङ्‌हाङ्‌ङाना रिङ् टेन्‍ना याप्‌मि डाना हिट्‌नुङ् माङ्‌हाङ्‌ङाना सेवा चोगाना॥ उन्‍ङा इस्‍राएलि छोङ्‌चिगा काहिङ्‌मेप्‍बा डाङ्‌बाङाना लाम्‍बो पुयेट्‌टुना हिट्‌नुङ् माङ्‌हाङ्‌ङाना सेङ्‌सेङ्‌ना हाङ्‌सा उन्‌लोक् युङासाना॥

मुलिचेला टोॽवा 9:4

हिट्‌नुङ् उन् खाम्‌ङि भुट्‌लुक्‍क् कोसे हिट्‌नुङ् नाड्‌डे मुक्‍टाना ठिक् सोरा खेम्‍सुए, “हाउ सावाल, सावाल, पोङ् खान्‍ङा आङा याङ्‌छामा आचाट्‌नाँना?”

रोमि 8:17

पोङ्‌भोने आनि माङ्‌हाङ् ओछालेट्‌चि ए, हिट्‌नुङ् ओछालेट्‌चि लाउङ्‌सा उन्‍ङा पिमा युङ्‌सुना आसिक् चा आनि टोगुम्‍टुम्, हिट्‌नुङ् हिट्‌ना आसिक् खिरिस्‍टलोक् एक्‍केउ आनि चा टोगुम्‍टुम्॥ टरो खिरिस्‍टङा मान् टोगु गाड्‌डे डोक् आनि चा मान् टोगुम्‍टुम् भोने, खिरिस्‍टङा याङ्‌छामा आङ्‌डु गाड्‌डे डोक् आनि चा याङ्‌छामा आङ्‌मा कोन्‌युक्॥

फिलिप्‌पि 1:20

आङा खोना बेला चा मोम्‍मासिमा उलिनिङ् चा नुङ् आङाना आड्‌डिक् आनिङ्‌ग्‍वा हिट्‌नुङ् आसा युङ्‌ग्‍वा, टरो आङा पाइले चोगुङ् गाड्‌डे डोक् मिकेट्‌ङे खिरिस्‍टङाना बारेङि चेक्‍मा कोन्‍ङा॥ हिट्‌नुङ् आङा सिङा चा, हिङ्‌ङा चा आचोलालाम्‍मा खिरिस्‍टङाना मान् चोगुङ्‌टुङ् नुङ् आङा भोरोसा युङ्‌सुङ्‌टुङ्॥

फिलिप्‌पि 2:1

पाक् खानि खिरिस्‍टङि आलिसिनाँ आँट् टोग्‍माना रिङ् युङ्‌ग्‍वा नि? पाक् उन्‍ङाना मायालाम्‍मा सान्‍तोना टोक्‍माना रिङ् युङ्‌ग्‍वा नि? पाक् खानिङा सेङ्‌सेङ्‌ना हाङ्‌सालोक् साङ्‌गाति आचोगुएट्‌टुम् नि? पाक् खानिलोक् ठिबाङ्‌ङा आरको माया हिट्‌नुङ् दाया चोक्‍माना निङ्‌ग्‍वा युङ्‌ग्‍वा नि?

फिलिप्‌पि 3:10

आङाना उदेसेम्‍बाक् खिरिस्‍ट मिसेन् निमा हिट्‌नुङ् माङ्‌हाङ्‌ङा येसु सियानालाम्‍मा उहिङ्‌ग्‍वाट् चोगुना बोल् ठाहा टोग्‍मा ए॥ हिट्‌नुङ् उन्‍ङा आङ्‌डुना याङ्‌छामा आङा चा आङ्‌डुङ्‌टुङ् हिट्‌नुङ् उसिमा सोम्‍मा उन् गाड्‌डे डोक् लिमा उहिङा नुङ् मिट्‌टुङ्‌टुङ्॥

कालास्‌सि 1:24

ना बेला आङा खानि ओचेट्‌नुना लाउङ्‌सा याङ्‌छामा आङ्‌मा हारका लिसाइसाङे॥ हिट्‌नुङ् खिरिस्‍टङा याङ्‌छामा आङ्‌डु गाड्‌डे डोक् खिरिस्‍टङाना ओयेम् लाउङ्‌सा उन्‍ङा आङ्‌मा बाँकि उलिसागा याङ्‌छामा आयेम्‌ङि आङ्‌डुङ्‌टुङ्, हिट्‌नाम्‍बाक् माङ्‌पाङ् ए॥

२ तिमोथि 3:11

हिट्‌नुङ् एन्‌टिओखियाङि, आइकोनियानङि हिट्‌नुङ् लुस्‍टराङि खाड्‌डे पारिक् याङ्‌छामा हिट्‌नुङ् आरुलाम्‍मा याङ्‌छामा आङ्‌डुङेना हिट्‌ना रिङ् खान्‍ङा नुलोक् बुझा आचोगुएसुए॥ टरोचा टाङ्‌बाङा हिट्‌नागा सोब्‍बे याङ्‌छामालाम्‍मा याङ्‌हिङ्‌मेट्‌टे॥

१ पाटरुस 4:13

टरो खिरिस्‍टङाना याङ्‌छामाङि खानि चा साहाभागि आलिसिना रिङ्‌ङि हारका लिसानि, हिट्‌डेउङ् उन्‍ङाना ठेना माहिमा पारकाट् लिनाँ खानि चा आड्‌डिक् आनान्‌दित आलिसिटि॥