२ कोरिन्‌थि 1:3 - आठपहरिया

³ आनि टाङ्‌बा येसु खिरिस्‍टङाना माङ्‌हाङ् पाबाङाना उनिङ् टो-टो चोन्‍डुम्॥ माङ्‌हाङ् आनि दाया काचोक् पाबा ए, हिट्‌नुङ् उन्‍ङा सोरोक् आनि आँट् आपियुक्॥

२ कोरिन्‌थि 1:3 ပူးပေါင်းရင်းမြစ်များ

युहान्‍ना 10:30

माङ्‌हाङ् पाबा लोक् आङा ठिक् एना॥”

युहान्‍ना 20:17

येसुङा हिट्‌ना लोडुए, “आङा याङ्‌खोट्‌नेन्, पोङ्‌भोने ना बेला सोम्‍मा आङा माङ्‌हाङ् पाबा सोरि खाट्‌निङ्‌गेट्‌निङ्‌ना॥ टरो भुम्‍भु-झान्‍झाचिङि खाडाउङ् हिट्‌नागा लोडुचि, ‘आप्‍पा लोक् खानि पाबा, आङाना माङ्‌हाङ् हिट्‌नुङ् खानि माङ्‌हाङ्‌ङि आङा खाट्‌नागेट्‌नाँ॥’”

२ कोरिन्‌थि 11:31

टाङ्‌बा येसु खिरिस्‍टङाना पाबा माङ्‌हाङ्‌लाउङ्‌सा आङा छेम्‍बाना रिङ् माट्‌टुङ्‌टुङ्, माङ्‌जो चेक्‌निङ्‌ना नुङ् ठाहा युङ्‌ग्‍वा॥ हिट्‌नुङ् उन्‍ङाना सोरोक् पोए-पोए उलियाक्॥

२ कोरिन्‌थि 7:6

टरो निङ्‌ग्‍वाङि याङ्‌छामा उलिसागालाउङ्‌सा आँट् कापिबा माङ्‌हाङ्‌ङा तितास आन्‍याँङि याप्‌मि पाङ्‌साबिडाउङ् आँट् याप्‌मिपिडे॥

एफिसि 1:17

आनि टाङ्‌बा येसु खिरिस्‍टङाना माहिमित माङ्‌हाङ् पाबाङा खानि उन्‍ङाना हाङ्‌सालाम्‍मा ठोना लिना माचोगिटि, हिट्‌नुङ् उन् आप्‍पे खानिङि पारकाट् चोगुटु, हिट्‌डेउङ् खानिङा उन् आझा नुलोक् मिसेन् आनिसुम्‍टुम्॥

एफिसि 1:3

आनि टाङ्‌बा येसु खिरिस्‍टङाना माङ्‌हाङ् पाबालाउङ्‌सा पोए-पोए उलियाक्॥ उन्‍ङा येसु खिरिस्‍टलाम्‍मा आनिलाउङ्‌सा टोनालोक्‌ङिना ख्‍वाप्‍पा आत्‌मिक् आसिक् आपिडेसे॥

फिलिप्‌पि 2:11

हिट्‌नुङ् ख्‍वाप्‍पा लेक्‍फाङा माङ्‌हाङ् पाबाङाना माहिमाङाना लोङ्‌सा येसु खिरिस्‍ट डोक् टाङ्‌बा नुङ् लाड्‌मा कोन्‌युक्॥

कालास्‌सि 1:3

आन्‍याँ खानिलोङ्‌सा बिन्‌टि चोगिङानाँ आनि टाङ्‌बा येसु खिरिस्‍टङाना पाबा माङ्‌हाङ्‌लाउङ्‌सा सोरोक् पोए-पोए ठाङ्‌सुम्‍टुम्‍मा॥

१ पाटरुस 1:3

आनि टाङ्‌बा येसु खिरिस्‍टङाना माङ्‌हाङ् पाबाङाना उनिङ् टो-टो चोन्‍डुम्॥ माङ्‌हाङ्‌ङा आनि आड्‌डिक् लुक्‍मा आटुक्‍टानाँ ओछोङ्‌ग्‍वाट् चोला आपिडे, पोङ्‌भोने उन्‍ङा येसु खिरिस्‍ट सियानालाम्‍मा उहिङ्‌ग्‍वाट् चोगुए॥ हिड्‌नाड्‌डेउङ् आनि ठेना आसा चोगुमुङ् हिङिटि,

२ युहान्‍ना 1:4

काइछाचि माड्‌डे आम्‍टेप्‍मा जाना माङ्‌हाङ् पाबाङा आनि आलोडाना गाड्‌डे सात्‍तेताङि ओवासागा खेम्‍सुङुङ् आङा आड्‌डिक् हारका लिसाइसाङे॥

२ युहान्‍ना 1:9

खिरिस्‍टङाना हिसिक्‍माङि निङ्‌ग्‍वा टिसुन्‍ना टरो आरु रिङ्‌ङि निङ्‌ग्‍वा टिसुना याप्‌मिलोक् माङ्‌हाङ् लिनिना॥ टरो जुन् याप्‌मिङा खिरिस्‍टङाना हिसिक्‍माङि उनिङ्‌ग्‍वा टिसुटु हिट्‌नालोक् माङ्‌हाङ् पाबा हिट्‌नुङ् छा इप्‍पाङ् डोक् लिचिचि॥