16 सोरोक् हारका लिसानि॥
हिट्नुङ् हिट्नापाका खानि हारका लोक् आनान्दा चोगानि, पोङ्भोने टोनालोग्ङि खानिलोङ्सा ठेना इनाम् युङ्ग्वा॥ हिट्नुङ् मिट्टानुम्, हिट्नाड्डे डोक् याप्मिचिङा खानि नुङ्ना पाइलेगा माङ्काटाचि ओचाफेन्लोक् चाट्ला ओमेट्टुचे॥
टरो खानिङा ओचाफेम्मा रिमेट्चि होप्मा हिडुम्चिम्मे नुङ् खानि चाप् उटानि चा, टरो टोनालोग्ङि खानि निङ् छेप्टेसे नुङ् खानि चाप् उटायाक्॥”
हिट्नागाँ उन् ओलोडुए, “काहिसिक्बा, हिट्ना चालेप्पा आन्याँ सोरोक् याप्मिपिडा॥”
खानिलोक् लिसाना आसाङि हारका लिसानि, हिट्नुङ् याङ्छामा लिना बेला आङ्डानुम् हिट्नुङ् सोरोक् बिन्टि चोगायाक्टानि॥
आन्याँ निङ्ग्वा टुक्चा, सोरोक् हारका लिसिटिङा॥ आन्याँ पाक्चा वानिगा याप्मि लिसिङा चा आरुलाउङ्सा जोम् आसिक् टाप्मा हिडुम्टुम्मा॥ आन्याँ पाक्चा मालेगा गाड्डेगा ठेट्टिङा चा आन्याँलोक् सोब्बे थोक् युङ्ग्वा॥
टाङ्बालोक् खानिना साम्बान्धा लिसानाँ सोरोक् आनान्दा चोगानि॥ आङा फेरि चा खानि लोनाँनि, आनान्दा चोगानि॥
