१ थेसालोनिकि 3:13 - आठपहरिया

¹³ नाड्‌डेउङ् उन्‍ङा खानि बिस्‍वासङि बोल्‍लेउ लिमा घुवार माफाडिटि, हिट्‌नुङ् आनि टाङ्‌बा येसु उन्‍ङाना ख्‍वाप्‍पा सेङ्‌सेङ्‌गा ओयाप्‌मिचिलोक् उङ्‌ना बेला आनि माङ्‌हाङ् पाबाङाना ओटोकानाङि खानि सेङ्‌सेङ् हिट्‌नुङ् फाट्‌टुर माले आलिसिटि॥

१ थेसालोनिकि 3:13 ပူးပေါင်းရင်းမြစ်များ

मात्‌ति 25:31

“याप्‌मि छा ख्‍वाप्‍पा माङ्‌हाङ् रिङ् काउग्‍बाचिलोक् उन्‍ङाना माहिमाङि उङ्‌युक्, हिट्‌नुङ् उन् हाङ्‌बा युङ्‌ना सिङासान्‌ङि युङ्‌युक्॥

मारकुस 8:38

हिट्‌नुङ् इम्‍मेप्‍माजामा टोॽवा काचोक्‍बाचि लोक् पापि टालाङिगा याप्‌मिचि आङालोक् हिट्‌नुङ् आङाना रिङ्‌लोक् मोन्‌युसियुक् भोने, याप्‌मि छा चा उन्‍ङाना माङ्‌हाङ् पाबाङाना माहिमा हिट्‌नुङ् सेङ्‌सेङ्‌ना माङ्‌हाङ् रिङ् काउग्‍बाचिलोक् उङ्‌ना बेला हिट्‌नालोक् मोन्‌युसियुक्॥”

लुका 1:6

जाकारिया हिट्‌नुङ् एलिसिबा इप्‍पाङ् डोक् माङ्‌हाङ् ओटोकानाङि आड्‌डिक् धारमोति डाचिगा, हिट्‌नुङ् माङ्‌हाङ्‌ङाना ख्‍वाप्‍पा आग्‍याँचि हिट्‌नुङ् धारमाबिधिङिगा रिङ् मिमुन्‍ने खेम्‍सा उन्‍ङा लोडुचि गाड्‌डे डोक् नुलोक् वासाचे॥

रोमि 14:4

आरुङाना चाकारलाउङ्‌सा फाट्‌टुर कालाब् खान् साइना? हिट्‌नाङा नुना टोॽवा चोगुएट्‌टुनि, ओचाफेन्‍ना टोॽवा चोगुएट्‌टुनि ओडाङ्‌बाङा डोक् फैसाला चोगुटु॥ हिट्‌नुङ् हिट्‌नाङा ओडाङ्‌बा ओचेट्‌नुलोक् सेवा चोगुटु, पोङ्‌भोने टाङ्‌बाङा डोक् हिट्‌डे चोक्‍मा हिट्‌ना घुवार फाडुटु॥

रोमि 16:25

आनि सोब्‍बेङा माङ्‌हाङ् उनिङ् चोन्‍डुम्॥ माङ्‌हाङ्‌ङा खानि बिस्‍वास बोल्‍लेउ चोक्‍मा हिडुटु॥ जुन् आङा पारचार चोगुएट्‌टुङ्‌ना येसु खिरिस्‍ट बारेङाना नुना खाबोरङा हिड्‌डे डोक् माट्‌टुटु॥ हिट्‌नुङ् ना नुना खाबोर माङ्‌हाङ्‌ङा याप्‍मा बारखालाम्‍मा ठोबुएसुना॥

१ कोरिन्‌थि 15:23

टरो आनि सोब्‍बेङा आ-आप्‍पे पालो हाङ्‌मा कोन्‌युक्॥ खिरिस्‍टम्‍बाक् उसियागा याप्‌मिचिङि पाइले उहिङ्‌ग्‍वाट् लिसे, हिट्‌नुङ् खिरिस्‍ट नोक्‌युउङ्‌नाँ ओयाप्‌मिचि चा उहिङ्‌ग्‍वाट् उलियुक्॥

गालाति 1:4

हाट्‌ले आनि माङ्‌हाङ् पाबाङाना उनिङ्‌ग्‍वा गाड्‌डे येसुङा ना भेन्‍ना जुगलाम्‍मा छुट्‌कारा पिमाउङ्‌सा आनि पापङाना ओसाट्‌टोङि आप्‍पे ओचोला भोक् पिडुए॥

एफिसि 5:27

हिट्‌नुङ् उन्‍ङा माङ्‌पाङ्‌ङिगाम्‍बाक् उन्‍ङाना आप्‍पेना चोक्‍मा फाट्‌टुर मालेना हिट्‌नुङ् इछुट् लिसाना माखाक् आथाबा खोना पारिक्‌ङाना खोट् चा मालेना ओचेट्‌नुना हिट्‌नुङ् चोखो चोक्‍मा नाड्‌डे चोगुए॥

फिलिप्‌पि 1:10

हिट्‌डेउङ् एडोक् खानिङा सोब्‍बे नुङ्‌ना ओचेट्‌नुना रिङ् साम्‍मा आहिडुम्‍टुम्, हिट्‌नुङ् येसु खिरिस्‍ट उङ्‌ना बेला खानि सुद्‌दो हिट्‌नुङ् फाट्‌टुर मालेगा याप्‌मिचि आलिसिटि॥

कालास्‌सि 1:22

टरो हाट्‌ले माङ्‌हाङ्‌ङा आप्‍पे उइछा याप्‌मि चोगुए, हिट्‌नुङ् उन् सियाउङ् खानि फेरि उन्‍ङाना माचोगिए, हिट्‌नाड्‌डेउङ् जब खानि माङ्‌हाङ्‌ङाना ओटोकानाङि आयेबिटि, उन्‍ङा खानि सेङ्‌सेङ्, चोखो हिट्‌नुङ् फाट्‌टुर मालेना माचोगिटि॥

१ थेसालोनिकि 2:19

पोङ्‌भोने आनि टाङ्‌बा येसु उङ्‌ना बेला उन् सोरि आन्‍याँ ठेलोक् चोग्‍माना मुकुट्, आन्‍याँ आसा, हिट्‌नुङ् आनान्‍दा खानि डोक्, पाक् खानि डोक् माखाइ टे?

१ थेसालोनिकि 3:11

हाट्‌ले आनि माङ्‌हाङ् हिट्‌नुङ् पाबा आप्‍पेङा डोक् हिट्‌नुङ् आनि टाङ्‌बा येसुङा खानि सोरि आप्‍मा लोङ्‌सा आन्‍याँ लाम्‍बो टेयार याप्‌मि आचोक्‌युबियाक्॥

१ थेसालोनिकि 3:2

हिट्‌नुङ् आनि झान्‍झा तिमोथिम्‍बाक् आनिलोक् एक्‍केउ टोॽवा चोक्‍ना खिरिस्‍टङाना नुना खाबोर पारचार काचोक्‍बा माङ्‌हाङ्‌ङाना सेवाक ए॥ खानि बिस्‍वासङि दोरो चोक्‍मा हिट्‌नुङ् बिस्‍वासङि आँट् पिमालाउङ्‌सा खानिङि उन् डोक् पाङ्‌सुम्‍मे॥

१ थेसालोनिकि 4:15

टाङ्‌बाङा आप्‍पे माट्‌टुना उरिङ्‌लाम्‍मा आन्‍याँ खानि लोनाँनि, टाङ्‌बा उङ्‌ना लेम्‍बा सोम्‍मा आनि काहिङ्‌बाचिङा हिट्‌नागा उसियाडागालोङ्‌सा खोनाङा चा काक्‍मा हिनिम्‌चिम्‍गा॥

१ थेसालोनिकि 4:17

हिट्‌नुङ्‌ना आनि हिङेसिगा हिट्‌नुङ् नाडिढाइसिगाम्‍बाक् टाङ्‌साङ्‌ङि टाङ्‌बा टुब्‌सिङा माङ्‌हाङ्‌ङा एक्‍के खेप् हिट्‌नागालोक् आछुम्‌युङ् खिमेमाङि आफोक्‌युङ् आखाट्‌युक्, हिट्‌नुङ् आनि सोरोक् डोक् टाङ्‌बालोक् वासिटि॥

१ थेसालोनिकि 5:23

सान्‌ति कापिबा माङ्‌हाङ् आप्‍पेङा खानि सोब्‍बे पारिक्‌ङि चोखो माचोग्‌याक्, हिट्‌नुङ् आनि टाङ्‌बा येसु खिरिस्‍ट मिउङ्‌ङे सोम्‍मा खानि हाङ्‌सा, सोक्‍मा हिट्‌नुङ् येम् फाट्‌टुर मालेना उलियाक्॥

२ थेसालोनिकि 1:10

जब उन् उङ्‌युक्, हिट्‌ना लेम्‍बा उन्‍ङाना सेङ्‌सेङ्‌ना ओयाप्‌मिचिलाम्‍मा उन्‍ङा माहिमा टोगुटु, हिट्‌नुङ् उन्‌ङि बिस्‍वास काचोक्‌चि सोब्‍बे आड्‌डिक् डोङ् ओठोङ्‌युक्॥ हिट्‌नागालोक् खानि चा आलिसिटि, पोङ्‌भोने आन्‍याँ उन्‍ङाना बारेङि लोनानिनाँ खानिङा बिस्‍वास आचोगुम्‍मे॥

२ थेसालोनिकि 1:7

हिट्‌नुङ् खानि याङ्‌छामा आटोगुम्‍गालाउङ्‌सा उन्‍ङा छुट्‌कारा मापिडिटि, हिट्‌नुङ् उन्‍ङा आन्‍याँ चा छुट्‌कारा याप्‌मिपियुक्॥ नागा सोब्‍बे रिङ् टाङ्‌बा येसु उन्‍ङाना माङ्‌बोल्‍लेउ माङ्‌हाङ् रिङ् काउग्‍बाचिलोक् मिङाना ओलाप्‍कोङि टोनालोग्‌लाम्‍मा उङ्‌ना बेला उन्‍ङा चोगुटु॥

२ थेसालोनिकि 2:1

भुम्‍बु-झान्‍झाचि हिट्‌नुङ् आनो-आन्‍झोचि, आनि टाङ्‌बा येसु खिरिस्‍ट फेरि उङ्‌ना बारेङि हिट्‌नुङ् येसु टुब्‍मा माङ्‌हाङ्‌ङा आनि एक्‍के ठोङ् आछुम्‍ना बारेङि आन्‍याँ खानिलाउङ्‌सा बिन्‌टि चोगुम्‍टुम्‍मा॥

याकुब 5:8

खानि चा नाड्‌डेडोक् हाङ्‌सा युङानि॥ खानि आसा सेट्‌नेनुम्, पोङ्‌भोने टाङ्‌बा टामाना लेम्‍बा नेहेट्‌टाङ् युङ्‌ग्‍वा॥

१ पाटरुस 5:10

हिट्‌नुङ् जोम् मायादाया लिसाना माङ्‌हाङ्‌ङा खिरिस्‍टङि उन्‍ङाना लाट्‌निना माहिमा लाउङ्‌सा खानि माछेम्‌डिइसे॥ हिट्‌डेउङ् खानिङा होप्‍मो बेला सोम्‍मा याङ्‌छामा आआङ्‌डुमुङ् उन्‍ङा डोक् खानि फेरि ओछोङ्‌ग्‍वाट् माचोगिटि हिट्‌नुङ् घुवार माफाडिउङ् बोल्‍लेउ माचोगिटि॥

याहुदा 1:14

हिट्‌नुङ् आदामलाम्‍मा ङेडुम्‍नाँ ङा पुङ्‌लाङिना हानोक याप्‌मिङा चा नागा याप्‌मिचि बारेङि नाड्‌डेना रिङ् माट्‌टुएसुना, “खेम्‍सानुम्, याप्‍मा-याप्‍मा उन्‍ङाना सेङ्‌सेङ्‌गा खाबोर कालोचिलोक् टाङ्‌बा उङ्‌युगेट्॥

याहुदा 1:24

माङ्‌हाङ्‌ङा पापङि ठामालाम्‍मा खानि जोगाँ चोक्‍मा माहिडिटि हिट्‌नुङ् उन्‍ङा खानि फाट्‌टुर माले हिट्‌नुङ् हारकालोक् उन्‍ङाना डोक् माहिमा सोरि खाप्‍मा माहिडिटिटि॥