१ पाटरुस 4:19 - आठपहरिया

¹⁹ नाड्‌डेउङ् माङ्‌हाङ् उनिङ्‌ग्‍वा गाड्‌डे याङ्‌छामा ओआङ्‌डुगाँ नुना टोॽवा ओचोगुवाक् हिट्‌नुङ् हिट्‌नागाँ सिरिस्‌टि काचोक्‍बा माङ्‌हाङ्‌ङि भारोसा उयुङ्‌सुवाक्॥ उन्‍ङा उन्‍ङाना माङ्‌हुप् सोरोक् पुरो चोगुटु॥

१ पाटरुस 4:19 ပူးပေါင်းရင်းမြစ်များ

लुका 23:46

येसुङा आड्‌डिक् ठेना ओसोरा चोगुङ् राट्‌टाउङ् पिगे, “हाउ आप्‍पो माङ्‌हाङ्, आसोक्‍मा कामुक्‌ङि पिनाँ॥” हिट्‌नुङ् हिड्‌डे माट्‌टुङ् येसुङाना ओसोक्‍मा खाडे॥

मुलिचेला टोॽवा 7:59

हिट्‌नागाँ लुङ्‌गेॽवाङा ओलेप्‍टुगेट्‌टुना बेला इस्‌तिफानासङा नाड्‌डे पिक्‍सा बिन्‌टि चोगुए, “हाउ येसु डाङ्‌बा, आहाङ्‌सा खान्‍ङा डोक् लाडु॥”

रोमि 2:7

जुन् याप्‌मिचिङा ओचेट्‌नुना टोॽवा ओचोगुयाक्‍टुटु, माङ्‌हाङ्‌ङाना माहिमा, मान् चोक्‍मा, हिट्‌नुङ् सिनिना चोला लाउङ्‌सा उहिङ्‌युक् हिट्‌नागा माङ्‌हाङ्‌ङा लाट्‌निना चोला पिडुचिचि॥

२ तिमोथि 1:12

हिड्‌डेउङ् आङा याङ्‌छामा आङ्‌डुएट्‌टुङ्॥ टरो आङा मोन्‌निङ्‌सिनिङ्‌ना पोङ्‌भोने आङा साक्‌ङि बिस्‍वास चोगुएसुङेना हिट्‌ना ठाहा टोगुएसुङे॥ हिट्‌नुङ् उन्‍ङा आङा जिम्‍मा याङ्‌पिडाना रिङ् उन्‍ङा डोक् हिट्‌ना बेला सोम्‍मा लोङ्‌सा जागेडा चोगुङ् युङ्‌सुटु नुङ् आङा ढुक्‍का वाङेट्‌ङा॥

१ पाटरुस 2:15

मुरखा याप्‌मिचिङा बुजा डोक् मिचोक्‍ङे ओमाट्‌टुगा रिङ् खानिगा नुना टोॽवाङा स्‍वाक् चोगुम् नुङ् माङ्‌हाङ्‌ङाना उनिङ्‌ग्‍वा युङ्‌ग्‍वा॥

१ पाटरुस 3:17

ओचाफेन्‍ना टोॽवा चोगुमुङ् याङ्‌छामा आङ्‌मा नुङ्‌ना ओचेट्‌नुना टोॽवा चोगुमुङ् याङ्‌छामा आङ्‌मा माङ्‌हाङ्‌ङाना उनिङ्‌ग्‍वा भोने ना नुना रिङ् ए॥

१ पाटरुस 3:20

हिट्‌नागा हाङ्‌साचिम्‍बाक् नोआङा चुवाखोङ्‌डाङ् चोगुना बेला हिट्‌नागा काएल्-काबु उलियुक्‌गि नुङ् माङ्‌हाङ्‌ङा पाङ्‌सुचिगा हाङ्‌साचि ओडागा॥ टरो हिट्‌नागाँ माङ्‌हाङ् उरिङ् ओखेम्‍स्‍वाट्‌टुन्॥ चुवाखोङ्‌डाङ् भिट्‌रा उलिसागा याङ् जाना एरोक् चुवालाम्‍मा उहिङे॥