१ युहान्ना 5:6 - आठपहरिया6 येसु खिरिस्ट चुवाङाना बाप्टिस्मा हिट्नुङ् खाप्चेङि हेलिक् वेडुङ् टाए, उन् चुवालाम्मा एरोक् माखाक्, टरो उन् चुवा हिट्नुङ् हेलिक्लोक् चा टाए॥ हिट्नुङ् ना छेम्बाना ए नुङ् सेङ्सेङ्ना हाङ्साङा डोक् साँचि पिडुटु, पोङ्भोने सेङ्सेङ्ना हाङ्सा डोक् छेम्बाना ए॥ အခန်းကိုကြည့်ပါ။ |
१ युहान्ना 5:6
39 ပူးပေါင်းရင်းမြစ်များ
उन् सेङ्सेङ्ना हाङ्सा ए, उन्ङा ख्वाप्पा छेम्बाना रिङ्ङि लाम्टिमा आमेट्युक्, टरो उन् नाराङिगा याप्मिचिङा लाड्मा उहिडुन्ना, पोङ्भोने नाराङिगा याप्मिचिङा उन् पुमा चा उपुयुन्ना हिट्नुङ् मिसेन् चा उनिसुन्ना॥ खानिङा उन् मिसेन् आनिसुम्टुम्, पोङ्भोने उन् खानिङि बास हेन्युक्, हिट्नुङ् उन् खानिङि युङ्युक्॥
माङ्हाङ्ङा खिरिस्ट येसु आनि पाप लाउङ्सा भोक् लिमा पाङ्सुए, हिट्नुङ् उन्ङि बिस्वास काचोक् याप्मिचिगा पाप ओहेलिक् वेडुङ् टुगुबिडुएसुचे॥ माङ्हाङ्ङा ना टोॽवा चोगुङ् उन् धारमोति नुङ् आप्पेलाउङ्सा पारकाट् चोगुए, पोङ्भोने पाइले माङ्हाङ् आड्डिक् धैइरे चोगे, हिट्नुङ् याप्मिचिङा ओचोगुना पापङाना साजाए पिडुवाट्टुन्चिन्॥
आन्याँ साङ्का मिचोक्ङे ना राहास्ये आड्डिक् माङ्ठेना नुङ् बिस्वास चोगुम्टुम्मा– खिरिस्ट आप्पे याप्मिङाना येम्ङि ठेट्टे, हिट्नुङ् सेङ्सेङ्ना हाङ्साङा उन् धारमोति याप्मि नुङ् पारमान् चोगुए॥ माङ्हाङ् रिङ् काउग्बाचिङा उनिसुए, हिट्नुङ् ओचेलाचिङा छोङ्बा छोङ्बाचिङि पारचार ओचोगुए॥ नाराङिगा याप्मिचिङा उन् बिस्वास ओचोगुए, हिट्नुङ् माङ्हाङ्ङा उन् माहिमाङि टोनालोग्लेङ् फोगुवाट्टुए॥
हाट्ले सान्ति आपिना माङ्हाङ्ङा खानि चाहाब् आलिसिगा सोरोक् ओचेट्नुगा थोक् खानि मापिडिटि नुङ् आङा बिन्टि चोगुङ्टुङ्, हिट्नुङ् उन्ङा निङ्ग्वा चोगुना रिङ् खानिङा चोक्मा आहिडुम्टुम्॥ ठुँबाचिगा ठेना गोठाले आनि डाङ्बा येसुलाउङ्सा माङ्हाङ्ङा सियानालाम्मा उहिङ्ग्वाट् फोगुए॥ येसुङाना ओहेलिक्लाम्मा माङ्हाङ्ङा उन् हिट्नुङ् ओयाप्मिचि माझाङि सोरोक् लियुयाक्ना माङ्हुप् उटुम् चोगुए॥ माङ्हाङ् पाक् रिङ्ङा खुसि चोगुटुना हिट्ना रिङ् आनिङि येसु खिरिस्टलाम्मा उन्ङा चोगुटु नुङ् आङा बिन्टि ठाङ्सुङ्टुङ्, हिट्नुङ् खिरिस्टङाना माहिमा जुग-जुग उलियाक्॥ आमेन्॥
हाट्ले खिरिस्टङाना ओहेलिक्ङि हिट्ना नुङ्ना चा आड्डिक् बोल्लेउ ए हिट्नुङ् नाङा आनि निङ्ग्वा आनिना ओचाफेन्ना टोॽवालाम्मा सुद्दो चोक्मा हिडुटु, हिट्डेउङ् आनि उहिङ्ग्वाट् माङ्हाङ्ङाना सेवा चोक्मा हिडुम्टुम्॥ पोङ्भोने उन्ङा लाट्निना हाङ्साङाना बोल्लाम्मा आप्पेलाउङ्सा फाट्टुर मालेना भोक् लिसाउङ् माङ्हाङ्ङि ठाङ्सुए॥
पाइले डोक् माङ्हाङ् पाबाङा खानि आप्पे ओयाप्मिचि चोक्माउङ्सा मासेगिए, हिट्नुङ् सेङ्सेङ्ना हाङ्साङा खानि सेङ्सेङ् माचोगिए॥ हिट्डेउङ् खानिङा येसु खिरिस्टङाना रिङ् आखेम्सुम्टुम्, हिट्नुङ् उन्ङाना ओहेलिक्ङा खानि चोख्याँ आलिसिएसिए॥ माङ्हाङ्ङा खानि जोम् जोम् मायादाया लोक् हाङ्हाङ् मापिडियाक्॥
हिट्नागाँ नाड्डे पिक्सा ठिक् ओछोङ्ग्वाट् छाम्लो ओठाक्टुए, “ना छाप्लाङाना मुठा खान्ङा एडोक् काप्मा आहिडुटु हिट्नुङ् हिट्नागा छाप्चि ओङ्मा योग्ए खान् एडोक् ए, पोङ्भोने याप्मिचिङा खान् मासेडे, हिट्नुङ् खान्ङा काहेलिक् आवेडुङ् ख्वाप्पा छोङ्बाचि, खाले-खाले रिङ् काचेक्, सोब्बे याप्मिचि हिट्नुङ् ख्वाप्पा देसङिगा माङ्हाङ् लाउङ्सा छुट्कारा आपिडुचे॥
ကြော်ငြာတွေ