१ युहान्‍ना 5:14 - आठपहरिया

¹⁴ हिट्‌नुङ् माङ्‌हाङ्‌ङाना उनिङ्‌ग्‍वा गाड्‌डे जे रिङ् आनि नाक्‍टुम्‍टुम् उन्‍ङा आपियुक् नुङ् डोक् आनि ढुक्‍का लिसिटि॥

१ युहान्‍ना 5:14 ပူးပေါင်းရင်းမြစ်များ

मात्‌ति 21:22

खानिङा बिस्‍वासलोक् बिन्‌टि आचोगुमुङ् जेसुकै आनाक्‌टि चा खानिङा हिट्‌ना आटोगुम्‍टुम्॥”

युहान्‍ना 11:42

खान्‍ङा आरिङ् सोरोक् आखेम्‍सुगा नुङ् आङा ठाहा टोगुङ्‌टुङ्, टरो खान्‍ङा आङा याङ्आपाङ्‌साङ्‌ना नुङ् नाहि ओयेबागा जोम् याप्‌मिचिङा बिस्‍वास ओचोगु नुङ् आङा खान् लोनाना॥”

युहान्‍ना 14:13

हिट्‌नुङ् खानिङा आनिङ्‌ङि जे सुके आनाक्‌टि चा छालाम्‍मा पाबाङाना माहिमा उलियाक् नुङ् आङा हिट्‌ना चोगुङ्‌टुङ्॥

युहान्‍ना 15:7

खानि आङि आलिसिए भोने, हिट्‌नुङ् आङा लोनानिगा रिङ् खानिङि लिसे भोने, खानि निङ्‌ग्‍वाङि पाक् नाक्‍मा आमिट्‌टिटिगा हिट्‌ना नाक्‍टानि, हिट्‌ना खानिङा आटोगुम्‍टुम्॥

युहान्‍ना 16:24

ना बेला सोम्‍मा खानिङा आनिङ्‌ङि पाक्‍चा आनाक्‌टिन्‍गेट्‌टिन्‍गा॥ नाक्‍टानि, हिट्‌नुङ् खानिङा आटोगुम्‍टुम्, हिट्‌नुङ् खानि आड्‌डिक् हारका आलिसिटि॥

युहान्‍ना 9:31

माङ्‌हाङ्‌ङा कायाङ्‌छाबा याप्‌मिचिगा रिङ् खेम्‍सुन्‍गा नुङ् आनि सोब्‍बेलाउङ्‌सा ठाहा युङ्‌ग्‍वा, टरो माङ्‌हाङ्‌ङाना माङ्‌ध्‍यान् काचोक्‍बा हिट्‌नुङ् उनिङ्‌ग्‍वा गाड्‌डे टोॽवा काचोक्‍बाङाना उरिङ् उन्‍ङा खेम्‍सुटु॥

एफिसि 3:12

उन्‌ङि युङ्‌सुम्‍ना आनिना बिस्‍वासलाम्‍मा डोक् माङ्‌हाङ् सोरि आनि मिकिट्‌ङे हिट्‌नुङ् बिस्‍वासलोक् खाप्‍मा हिडिटि॥

हिब्‍रु 10:35

हिट्‌नाड्‌डेउङ् खानिङा माङ्‌हाङ्‌ङि आचोगुम्‍ना बिस्‍वास नानेनुम्॥ पोङ्‌भोने हिट्‌ना रिङ्‌ङा खानिङा माङ्‌ठेना इनाम् आटोगुम्‍टुम्॥

हिब्‍रु 3:14

नाड्‌डेउङ् पाइले आनि उन्‌ङि बिस्‍वास चोगुम् गाड्‌डे आखेरि सोम्‍मा आनि चोलाङि बिस्‍वास जोगाँ चोगुम्‌याक्‍टुम्‍टुम् भोने, आनि खिरिस्‍टलोक् एक्‍केउ हाक्‍दार लिसिटि॥

हिब्‍रु 3:6

टरो खिरिस्‍टउम्‍बाक् माङ्‌हाङ् उपाङ्‌ङिगा ख्‍वाप्‍पा ओयाप्‌मिचिङा हाक् टोगुना उइछा गाड्‌डे डोक् बिस्‍वासिलो ए॥ हिट्‌नुङ् आनि खिरिस्‍टङि सोरोक् बिस्‍वास चोगुमुङ् आनि आसा युङ्‌सुम् याक्‍टुम्‍टुम्‍मे भोने, आनि चा माङ्‌हाङ् ओपाङ्‌ङिगा ओयाप्‌मिचि ए॥

याकुब 4:3

खानिङा माङ्‌हाङ् आनाक्‍टुम्‍टुम् टरो आटोक्‌निम्‍ना, पोङ्‌भोने खानिगा नाक्‍माना पारा डोक् ओचाफेन्‍ना, हिट्‌नुङ् खानिङा खालि खानि निङ्‌ग्‍वाङिगा रिङ् युमा एरोक् माङ्‌हाङ् आनाक्‍टुम्‍ना॥

याकुब 5:16

नाड्‌डेउङ् ठिबाङ्‌ङा आरको सोरि खानि पाप काएल्-काबु चोगानुम्, हिट्‌नुङ् खानि नुमानिङ् लिमाउङ्‌सा ठिबाङ्‌ङा आरकोलोङ्‌सा बिन्‌टि ठाङ्‌सानुम्॥ धारमोति याप्‌मिङा चोगुना बिन्‌टि साक्‌तिसालि लियुक् हिट्‌नुङ् नाङा ठेना टोॽवा चोक्‍मा हिडुटु॥

१ युहान्‍ना 2:28

हिट्‌नुङ् खानि आइछाचि गाड्‌डेगा, उन्‌ङि लिसायाक्‍टानि, हिट्‌डेउङ् उन् ठेट्‌ना बेला आनि आँट् टोगुम्‍टुम्, हिट्‌नुङ् उन् उङ्‌ना लेम्‍बा उन् सोरि आनि मोम्‍मासिमा कोन्‌निना॥