१ युहान्‍ना 4:21 - आठपहरिया

²¹ हिट्‌नुङ् उन्‍ङा आनि ना आग्‍याँ आपिडाइसे, जुन्‍ङा माङ्‌हाङ् माया चोगुटु, हिट्‌नाङा बिस्‍वासि भुम्‍भु-झान्‍झाचि आथाबा नाना-झान्‍झाचि चा माया चोक्‍माचि कोन्‌युक्॥

१ युहान्‍ना 4:21 ပူးပေါင်းရင်းမြစ်များ

मात्‌ति 5:43

“खानिङा नाड्‌डे चा माप्‍बालाक् आखेम्‍सुएसुम्‍मे, ‘काटाक्‍लुङ्‌चि माया चोगुचि’ हिट्‌नुङ् कासाट्‌टुर चिम्‍मा फुट्‌टु॥

लुका 10:37

हिट्‌ना याहुदिचिगा धारमाबिधि काहिसिक्‍बाङा येसु लोडुए, “ना लुक्‍मा काटुक् याप्‌मिम्‍बाक् सिमा हिङ्‌मा लिसाना याप्‌मिङाना ओटाक्‍लुङ् लिसे नुङ् माट्‌टुए॥” येसुङा धारमाबिधि काहिसिक्‍बा लोडुए, “हिट्‌नाडे भोने, खान् चा हिट्‌ना याप्‌मि गाड्‌डे डोक् चोगा॥”

युहान्‍ना 15:12

“आङा लोनानिगा आग्‍याँम्‍बाक् ना डोक् ए– आङा खानि माया चोक्‍नानि गाड्‌डे डोक् खानिङा चा ठिबाङ्‌ङा आरकोलोङ्‌सा माया चोग्‍गा चोग् चोगानि॥

गालाति 5:14

पोङ्‌भोने खानिङा ठिक् आग्‍याँ पालान् आचोगुम्‍टुम् भोने, ख्‍वाप्‍पा धारमाबिधि पुरो आचोगुम्‍टुम्, हिट्‌ना आग्‍याँम्‍बाक्, “खान्‍ङा आप्‍पे गाड्‌डे डोक् काटाक्‍लुङ्‌चि चा माया चोगुचि॥”

गालाति 5:6

पोङ्‌भोने खिरिस्‍ट येसुङि बिस्‍वास काचोक्‌चि आनि लाउङ्‌सा खाताना चोगुम्‍चा चोक्‌निम्‍चा पाक्‍चा फाराक् वाइना॥ टरो मुलि रिङ्उम्‍बाक् खिरिस्‍टङि आनि बिस्‍वास चोगुम्‍नाँ आनि आरु याप्‌मिचि माया चोगुम्‌चिम्‌चिम्॥

१ थेसालोनिकि 4:9

हाट्‌ले बिस्‍वासि भुम्‍भु-झान्‍झाचि हिट्‌नुङ् नाना-झान्‍झाचिङि माया चोक्‍माना बारेङि टे खानिलोङ्‌सा छेप्‍मा कोन्‍ना खोना रिङ् चा वाइना, पोङ्‌भोने माङ्‌हाङ्‌ङा खानि आप्‍पे आप्‍पेङि खोड्‌डे पारिक् माया चोक्‍मा कोन्‌युक्‍ना नुङ् माहिसिक्‍टेसे॥

१ पाटरुस 3:8

आखेरिङि लोनाँनि, खानि ख्‍वाप्‍पाङाना निङ्‌ग्‍वा ठिक्‍ए लिमा कोन्‌युक्॥ ठिबाङ्‌ङा आरकोङाना निङ्‌ग्‍वाङिना रिङ् बुजा चोक्‍मा कोन्‌युक्॥ भुम्‍भु-झान्‍झाचि हिट्‌नुङ् नाना-झान्‍झाचि गाड्‌डे ठिबाङ्‌ङा आरको माया चोग्‍गा चोक् चोगानि॥ हिट्‌नुङ् लुक्‍मा काटुक् लोक् मेयोक् लिसानि॥

१ पाटरुस 4:8

सोब्‍बे नुङ्‌ना ठेना रिङ्उम्‍बाक् खानि खानिङि आड्‌डिक् गाइरो माया चोगानि, पोङ्‌भोने मायाङा डोक् जोम् पाप टेप्‍टुटु॥

१ युहान्‍ना 2:7

मायालु आसाइबाचि, आङा खानिलाउङ्‌सा आखेम्‌निम्‍गेट्‌निम्‍ना खोना चा ओछोङ्‌ग्‍वाट् आग्‍याँ माखाक्, टरो हिट्‌ना उटुम्‌लाम्‍मा डोक् खानिलोक् लिसाडायाना पुरानो आग्‍याँ डोक् छेप्‍टुएट्‌टुङ्॥ ना पुरानो आग्‍याँ खानिङा पाइले डोक् आखेम्‍सुम्‍ना रिङ् ए॥

१ युहान्‍ना 3:11

ठिबाङ्‌ङा आरको माया चोक्‍मा कोन्‌युक् नुङ् खान्‍याँ पाइलेलाम्‍मा डोक् आखेम्‍सुम्‍ना खाबोर ए॥

१ युहान्‍ना 3:14

आनिउम्‍टे जाइले टाइले सियाना याप्‌मि गाड्‌डे लिसिन्‍गा हिट्‌नुङ् हाट्‌ले चोला आनि टोगुएसुम्‍मे नुङ् आनिलाउङ्‌सा ठाहा युङ्‌ग्‍वा, पोङ्‌भोने आनिउम्‍टे आनि बिस्‍वासि भुम्‍भु-झान्‍झाचि आथाबा नाना-झान्‍झाचि माया चोगुम्‌चिम्‍गा॥ माया चोक्‌निना याप्‌मिम्‍बाक् हाट्‌ले चा सियाना याप्‌मि गाड्‌डे डोक् लियुक्॥

१ युहान्‍ना 3:18

खानि आइछाचि गाड्‌डेगा, आनि यासि लोक् रिङ्‌ङा एडोक् माया चोगि पिगिन्‍चा, टरो आनिना मायाम्‍बाक् छेम्‍बाना लिमा कोन्‌युक् हिट्‌नुङ् नाड्‌डेना माया टोॽवालाम्‍मा डोक् ठेट्‌युक्॥

१ युहान्‍ना 3:23

उन्‍ङा आनि आग्‍याँ आचोगाना रिङ्उम्‍बाक् ना डोक् ए, आनि उन्‍ङाना छा येसु खिरिस्‍ट उनिङ्‌ङि बिस्‍वास चोग्‍मा कोन्‌युक्, हिट्‌नुङ् उन्‍ङा आनि आहिसिक्‍टा गाड्‌डे डोक् ठिबाङ्‌ङा आरकोलाउङ्‌सा माया चोक्‍मा कोन्‌युक्॥

१ युहान्‍ना 4:11

मायालु आसाइबाचि, माङ्‌हाङ्‌ङा आनि ना पारा माया आचोगाना भोने, आनि चा ठिबाङ्‌ङा आरकोलाउङ्‌सा माया चोक्‍माचि कोन्‌युक्॥