१ युहान्‍ना 4:18 - आठपहरिया

¹⁸ मायाङि किट्‌मा कोन्‌निना, टरो छेम्‍बाना मायाङा किट्‌माना रिङ् सोब्‍बे रिक्‍टुडिसुटु, पोङ्‌भोने किट्‌माडुङ्‌म्‍बाक् साजाएलाम्‍मा टायुक्, हिट्‌नुङ् उन्‍ङाना माया आनिङि युनिगेट्‌निना नुङ् ना रिङ्‌ङा आनिमेट्‌युक्॥

१ युहान्‍ना 4:18 ပူးပေါင်းရင်းမြစ်များ

मात्‌ति 9:34

टरो फारिसि याप्‌मिचिङा नाड्‌डे ओमाट्‌टुए, “नाङाउम्‍टे टोन्‍डेबाचिगा हाङ्‌बाङाना बोल्‍ङा टोन्‍डेबाचि होट्‌टुचिगा॥”

रोमि 8:15

पोङ्‌भोने माङ्‌हाङ्‌ङा उन्‍ङाना सेङ्‌सेङ्‌ना हाङ्‌सा आनि आपिडैसे, हिट्‌नुङ् ठिबाङ् चाकार ओडाङ्‌बालोक् किट्‌ना गाड्‌डे आनि फेरि किट्‌मा कोन्‌निना, टरो उन्‍ङा आनि माङ्‌हाङ्‌ङा उइछाचि आचोगेसेए॥ हिड्‌डेउङ् माङ्‌हाङ्‌लाउङ्‌सा “आब्‍बा, पाबा” नुङ् लोमा हिडुम्‍टुम्॥

२ तिमोथि 1:7

पोङ्‌भोने माङ्‌हाङ्‌ङा आनिलोङ्‌सा किट्‌टिना हाङ्‌सा माखाक् टरो बोल्, माया हिट्‌नुङ् आप्‍पे लोङ्‌सा आधिन्‌ङि युङ्‌माना हाङ्‌सा आपिडैसे॥

हिब्‍रु 12:28

हिट्‌नाडेउङ् वाम्‍मा हिनिम्‍ना मुलुक् टोगुम्‍ना माङ्‌हाङ् पोए-पोए ठाङ्‌सुम्, हिट्‌नुङ् माङ्‌हाङ् आड्‌डिक् मान् हिट्‌नुङ् किट्‌सा उन्‍ङा निङ्‌ग्‍वा चोगु गाड्‌डे डोक् उन्‍ङाना माङ्‌ध्‍यान् चोगुम्॥

याकुब 2:19

पाक् माङ्‌हाङ् ठिबाङ् ए वाहेट् नुङ् खानिङा बिस्‍वास आचोगुटुम् नि? ना रिङ् ओचेट्‌नुना डोक्॥ टरो टोन्‍डेबाचिङा चा बिस्‍वास ओचोगुटु हिट्‌नुङ् हिट्‌नागा किप्‍माङा पिलिम् पिलिम् ओयोक्‌युक्॥

१ युहान्‍ना 4:12

साङा चा खोना बेला चा माङ्‌हाङ् उनिसुन्‍गेट्‌टुन्‍ना॥ टरो आनि ठिबाङ्‌ङा आरको माया चोगुम्‍टुम् भोने, माङ्‌हाङ् आनिलोक् युङ्‌युक्, हिट्‌नुङ् उन्‍ङाना माया आनिङि युडैसे॥