१ युहान्‍ना 4:16 - आठपहरिया

¹⁶ नाड्‌डेउङ् आनि आप्‍पेङा चा माङ्‌हाङ्‌ङा आनि माया आचोगाना ठाहा टोगुम्‍टुम् हिट्‌नुङ् हिट्‌ना माया आन्‍याँ बिस्‍वास चोगुम्‍टुम्॥ माङ्‌हाङ्‌ङा याप्‌मिचि सोरोक् माया चोगुचिचि॥ हिट्‌नुङ् जुन् याप्‌मि माङ्‌हाङ्‌ङाना ओमायाङि लियुयाक्‌युक् भोने हिट्‌ना माङ्‌हाङ्‌ङि लियुक्, हिट्‌नुङ् माङ्‌हाङ् उन्‌ङि लियुक्॥

१ युहान्‍ना 4:16 ပူးပေါင်းရင်းမြစ်များ

युहान्‍ना 6:69

हिट्‌नुङ् खान् माङ्‌हाङ्‌ङा मापाङ्‌साना सेङ्‌सेङ्‌ना याप्‌मि नुङ् ठाहा टोगुमुङ् बिस्‍वास चोगुएसुम्‍मे॥”

युहान्‍ना 9:3

येसुङा लोडुचे, “नाङा आप्‍पे पाप चोगुङ् चा माखाक्, उप्‍पा-उमाङाना पापङा चा माखाक्, टरो माङ्‌हाङ्‌ङाना ओटोॽवा ना याप्‌मि ओचोलाङि ओठेट्‌याक् नुङ् डोक् उन् याङ्‌कानिनिबा लिसाना ए॥

१ कोरिन्‌थि 2:9

टरो धारमाछाप्‍लाङि नाड्‌डे छेप्‍टेसे, “याप्‌मिङा खोना बेला चा निसुन्‍गेट्‌टुन्‍ना, खेम्‍सुन्‍गेट्‌टुन्‍ना, हिट्‌नुङ् मिट्‌टुन्‍गेट्‌टुन्‍ना रिङ् डोक् माङ्‌हाङ्‌ङा माया चोगुचिगा लाउङ्‌सा टेयार चोगुएसुए॥”

१ युहान्‍ना 3:1

खेम्‍सानुम्, आनिलोङ्‌सा पाबाङा आम्‍टेप्‍मा जोम् माया आचोगाइसे, उन्‍ङा आचोगाना मायाङा आनि उन्‍ङाना छालेट्‌चि आलोडाइसे, हिट्‌नुङ् छेम्‍बा डोक् आनि माङ्‌हाङ्‌ङाना छालेट्‌चि डोक् ए॥ टरो ना नाराङिगा याप्‌मिचिङा आनि मिसेन् आनिनिगा, पोङ्‌भोने हिट्‌नागाँ उन् मिसेन् उनिसुन्‍ना॥

१ युहान्‍ना 3:16

हाट्‌ले येसु खिरिस्‍टङा आनि लोङ्‌सा ओसोक्‍मा लेडुङ् छेम्‍बाना माया खोड्‌डेना नुङ् आन्‍याँ बुजा चोगुएसुम्‍मे॥ आनि चा आप्‍पे आनि बिस्‍वासि भुम्‍भु-झान्‍झाचि आथाबा नाना-झान्‍झाचि लोङ्‌सा आनि सोक्‍मा पिमा कोन्‌युक्॥

१ युहान्‍ना 3:24

उन्‍ङा माट्‌टुगा रिङ् पालान् काचोक् सोब्‍बे याप्‌मिचि उन्‌ङि उलियुक्, हिट्‌नुङ् उन् हिट्‌नागालोक् लियुक्॥ नाड्‌डेउङ् माङ्‌हाङ् आनि निङ्‌ग्‍वाङि युङ्‌ना रिङ् उन्‍ङा आपिडाना सेङ्‌सेङ्‌ना हाङ्‌सालाम्‍मा आनि ठाहा टोगुम्‍टुम्॥

१ युहान्‍ना 4:7

मायालु आसाइबाचि, आनि ठिबाङ्‌ङा आरको माया चोग्‍गा चोग् चोगि, पोङ्‌भोने माया चोक्‍माना निङ्‌ग्‍वाम्‍बाक् माङ्‌हाङ्‌लाम्‍मा टायुक्॥ जुन्‍ङा आरु याप्‌मिचि माया चोगुचिचि, हिट्‌ना माङ्‌हाङ् उइछा हिट्‌नुङ् हिट्‌नाङा माङ्‌हाङ् मिसेन् निसुटु॥