१ युहान्‍ना 3:21 - आठपहरिया

²¹ मायालु आसाइबाचि, आनि निङ्‌ग्‍वाङा आनि आप्‍पेलाउङ्‌सा फाट्‌टुर आलाब्‍नेएट्‌नि भोने आनि माङ्‌हाङ् ओटोकानाइ खाप्‍मा आँट् टोगुम्‍टुम्॥

१ युहान्‍ना 3:21 ပူးပေါင်းရင်းမြစ်များ

रोमि 14:22

हिड्‌डेउङ् नागा चामा-ठुङ्‌मा बारेङि खान्‍ङा जे बिस्‍वास आचोगुटु, हिट्‌ना रिङ् खान् लोक् माङ्‌हाङ्‌ङि एडोक् युङ्‌सु॥ याप्‌मिङा जुन् रिङ् ओचेट्‌नु लियुक् नुङ् मिट्‌टुना रिङ्‌ङि साङ्‌का चोगुन्‍ना भोने, माङ्‌हाङ्‌ङा हिट्‌ना आसिक् पिडुटु॥

१ कोरिन्‌थि 4:4

आङा आप्‍पे ओचाफेम्‍मा टोॽवा चोगुङे नुङ् आङा लाउङ्‌सा ठाहा वाइना, टरो आङा छेम्‍बा डोक् फाट्‌टुर मालेना टोॽवा चोगुङे नुङ् ना रिङ्‌ङा पारमान् पिडुन्‍ना॥ आङा चोगुङ्‌ना टोॽवाङाना न्‍याए काचोक्‍बा टाङ्‌बा डोक् वाहेट्॥

२ कोरिन्‌थि 1:12

ना नाराङि एडोक् माखाक्, खानि ओटोक्‍माङ्‌ङि चा माङ्‌हाङ् उनिङ्‌ग्‍वा गाड्‌डे आन्‍याँ चाट्‌ला चोखो हिट्‌नुङ् सोजो लिसाना रिङ् आन्‍याँ निङ्‌ग्‍वालाम्‍मा निस्‌चित लिसिङाउङ् माप्‍मा हिडुम्‍टुम्‍मा॥ आन्‍याँ नाराङिना याप्‌मिङाना ओठोनाङि माखाक्, टरो माङ्‌हाङ्‌ङाना ओमायादायाङि भोरोसा युङ्‌सुम्‍टुम्‍मा॥

एफिसि 3:12

उन्‌ङि युङ्‌सुम्‍ना आनिना बिस्‍वासलाम्‍मा डोक् माङ्‌हाङ् सोरि आनि मिकिट्‌ङे हिट्‌नुङ् बिस्‍वासलोक् खाप्‍मा हिडिटि॥

१ तिमोथि 2:8

हिट्‌नुङ् साब्‍बे डेन्‌ङि येम्‍बेछाचिङा उन्‌चि रेक् उचिमुङ् हिट्‌नुङ् खेमाबुङ्‌मा मिचोक्‍ङे सेङ्‌सेङ्‌ना उन्‌चि मुक्‌चि ओफोगुङ् माङ्‌हाङ्‌ङि बिन्‌टि ओठाङ्‌सुवाक् नुङ् आनिङ्‌ग्‍वाङि युङ्‌ग्‍वा॥

हिब्‍रु 10:22

उन्‍ङा आनिना ओचाफेन्‍ना निङ्‌ग्‍वा ओहेलिक्‌ङा सेङ्‌सेङ् आचोगाबिडेसे हिट्‌नुङ् आनि येम् सेङ्‌सेङ्‌ना चुवाङा आवासिबिडेसे॥ हिट्‌नाड्‌डेउङ् छेम्‍बाना बिस्‍वास लोक् भोरोसाङि माङ्‌हाङ् सोरि आनि खाडि॥

हिब्‍रु 4:16

हिड्‌डेउङ् आनि आँटि लिसिउङ् मायादायालोक् सासान् काचोक् माङ्‌हाङ् युङ्‌ना ठोङ्‌ङि खाडि॥ हिट्‌नि आनि आभोरङि ठाइना बेला मायादाया हिट्‌नुङ् किरपा टोगुम्‍टुम्॥

१ युहान्‍ना 2:28

हिट्‌नुङ् खानि आइछाचि गाड्‌डेगा, उन्‌ङि लिसायाक्‍टानि, हिट्‌डेउङ् उन् ठेट्‌ना बेला आनि आँट् टोगुम्‍टुम्, हिट्‌नुङ् उन् उङ्‌ना लेम्‍बा उन् सोरि आनि मोम्‍मासिमा कोन्‌निना॥

१ युहान्‍ना 2:7

मायालु आसाइबाचि, आङा खानिलाउङ्‌सा आखेम्‌निम्‍गेट्‌निम्‍ना खोना चा ओछोङ्‌ग्‍वाट् आग्‍याँ माखाक्, टरो हिट्‌ना उटुम्‌लाम्‍मा डोक् खानिलोक् लिसाडायाना पुरानो आग्‍याँ डोक् छेप्‍टुएट्‌टुङ्॥ ना पुरानो आग्‍याँ खानिङा पाइले डोक् आखेम्‍सुम्‍ना रिङ् ए॥

१ युहान्‍ना 3:2

मायालु आसाइबाचि, हाट्‌लेम्‍बाक् आनि माङ्‌हाङ्‌ङाना खालाक् डोक् ए॥ हिट्‌नुङ् हान्‍डेङ् आनि पाक् गाड्‌डेना लिसिटिगा हिट्‌ना रिङ् आनि ठाहा टोग्‌निम्‍ना॥ टरो खिरिस्‍ट उङ्‌नाँ आनि चा उन् गाड्‌डे डोक् लिसिटि नुङ् ठाहा टोगुम्‍टुम्, पोङ्‌भोने उन् खोड्‌डेना वाहेट्‌ना हिड्‌नाडेना डोक् उन् निसुम्‍टुम्॥

१ युहान्‍ना 3:20

आनि निङ्‌ग्‍वाङा आप्‍पे आनिलाउङ्‌सा कायाङ्‌छाबाचि नुङ् आलोयुक् भोने, माङ्‌हाङ् टे आनि निङ्‌ग्‍वा नुङ्‌ना चा माङ्‌ठेना, हिट्‌नुङ् उन्‍ङा सोब्‍बे थोक् ठाहा टोगुटु॥

१ युहान्‍ना 4:17

आनि आरु छेम्‍बाना माया चोगुम्‌चिम्‌चिम् हिट्‌नुङ् खिरिस्‍टङा नाराङि चोगु गाड्‌डे डोक् युङिटि भोने, न्‍याएङाना लेम्‍बा आनि चिन्‌तित लिमा कोन्‌निना॥

१ युहान्‍ना 5:14

हिट्‌नुङ् माङ्‌हाङ्‌ङाना उनिङ्‌ग्‍वा गाड्‌डे जे रिङ् आनि नाक्‍टुम्‍टुम् उन्‍ङा आपियुक् नुङ् डोक् आनि ढुक्‍का लिसिटि॥