१ युहान्‍ना 3:14 - आठपहरिया

¹⁴ आनिउम्‍टे जाइले टाइले सियाना याप्‌मि गाड्‌डे लिसिन्‍गा हिट्‌नुङ् हाट्‌ले चोला आनि टोगुएसुम्‍मे नुङ् आनिलाउङ्‌सा ठाहा युङ्‌ग्‍वा, पोङ्‌भोने आनिउम्‍टे आनि बिस्‍वासि भुम्‍भु-झान्‍झाचि आथाबा नाना-झान्‍झाचि माया चोगुम्‌चिम्‍गा॥ माया चोक्‌निना याप्‌मिम्‍बाक् हाट्‌ले चा सियाना याप्‌मि गाड्‌डे डोक् लियुक्॥

१ युहान्‍ना 3:14 ပူးပေါင်းရင်းမြစ်များ

मात्‌ति 25:40

“टब हाङ्‌बाङा हिट्‌नागा लोडुचिचि, ‘छेम्‍बा, आङा खानि लोनाँनि, खानिङा नागा भुम्‍भु-झान्‍झाचि माड्‌डेङि सोब्‍बे नुङ्‌ना ओखाट्‌टिउगालोङ्‌सा खानिङा जे जे आचोगुम्‍मे, हिट्‌ना खानिङा आङा लाउङ्‌सा डोक् आचोगुम्‍मे॥’

लुका 15:24

पोङ्‌भोने ना आइछा सियेसाना, टरो फेरि उहिङ्‌ग्‍वाट् लिसाइसे॥ ना मासेसाना, टरो टुबाइसे॥’ हिट्‌नुङ् हिट्‌नागा आनान्‍दा चोक्‍मा ठालाँ ओचोगुए॥

लुका 15:32

टरो आनि खुसि हिट्‌नुङ् आनान्‍दा चोक्‍मा डोक् कोन्‌युक्, पोङ्‌भोने ना कान्‍झा सियाइसाना, फेरि हिङैसे॥ ना मासेसाना हिट्‌नुङ् टुबाइसे॥’”

लुका 7:5

पोङ्‌भोने हिट्‌नाङा आनिगा याहुदि छोङ्‌चि लुक्‍मा टुक्‍टुचिगा, हिट्‌नुङ् उन्‍ङा डोक् आनिगा याहुदि छुम्‍मापाङ् चा चोक्‍माउङ्‌सा घुवार याप्‌मिफाडेसे॥”

युहान्‍ना 13:35

खानिङा ठिबाङ्‌ङा आरको माया चोक्‍गा चोक् आचोगिटि भोने, खानि आचेलाचि नुङ् सोब्‍बेङा ठाहा माटोगिटि॥”

युहान्‍ना 15:12

“आङा लोनानिगा आग्‍याँम्‍बाक् ना डोक् ए– आङा खानि माया चोक्‍नानि गाड्‌डे डोक् खानिङा चा ठिबाङ्‌ङा आरकोलोङ्‌सा माया चोग्‍गा चोग् चोगानि॥

युहान्‍ना 15:17

हाट्‌ले आङा खानि ना आग्‍याँ पिनाँनि, ठिबाङ्‌ङा आरकोलोङ्‌सा माया चोग्‍गा चोग् चोगानि॥

युहान्‍ना 5:24

“छेम्‍बा डोक्, आङा खानि लोनाँनि, जुन्‍ङा आरिङ् खेम्‍सुटु हिट्‌नुङ् आङा कापाङ्‌बा माङ्‌हाङ्‌ङि बिस्‍वास चोगुटु, हिट्‌नालोक् खोना बेला चा लाट्‌निना चोला लियुक्॥ हिट्‌नुङ् हिट्‌नाँ साजाए टोगुन्‍ना, टरो हिट्‌ना सिमालाम्‍मा चोलाङि पाइले डोक् लिग्‌युएट्‌युक्॥

२ कोरिन्‌थि 5:1

पोङ्‌भोने आनिलाउङ्‌सा ठाहा युङ्‌ग्‍वा, ना आनि येम् याक्‍सा गाड्‌डेना डोक्, हिट्‌ना ना नाराङि युङ्‌ग्‍वा, ठिक् लेम्‍बा ना येम् जाखाम् लियुङ् खाट्‌युक्॥ टरो माङ्‌हाङ्‌ङा टोनालोग्‌ङि आनि लाउङ्‌सा पाङ् चोगुएसुए, हिट्‌ना पाङ् याप्‌मि मुक्‍ङा चोक्‍बालाक् माखाक्, हिट्‌नुङ् ना सोरोक् लियुयाक्‌युक्॥

गालाति 5:22

टरो सेङ्‌सेङ्‌ना हाङ्‌साङा माट्‌टु गाड्‌डे काचोक्‍बा याप्‌मिङा नाड्‌डेगा टोॽवा चोगुटु, उन्‍ङा याप्‌मिचि माया चोगुचिचि, खुसि लियुक्, हाङ्‌हाङ् लियुक्, आङ्‌मा काहिबा लियुक्, याप्‌मिचि दाया चोगुचिचि, आरु नुलोक् मेट्‌टुचिचि, बिस्‍वासिलो लियुक्,

एफिसि 1:15

खानिङा टाङ्‌बा येसुङि आचोगुम्‍ना बिस्‍वास हिट्‌नुङ् माङ्‌हाङ् सोब्‍बे ओयाप्‌मिचि खानिङा माया आचोगुम्‌चिगा रिङ् खेम्‍सुङ्‌नाँ,

एफिसि 2:1

पाइले खानिङा माङ्‌हाङ् बिरुद्‌दाङि पाप आचोगुम्‍मुङ् हाङ्‌साङि सिमाना साजाए आटोगुम्‍मे॥

एफिसि 2:5

हिट्‌नाड्‌डेउङ् आनि पाप चोगुमुङ् सिएसिगा नुङ् चा उन्‍ङा खिरिस्‍ट सियानालाम्‍मा उहिङ्‌ग्‍वाट् चोगुङ् आनि चोला आपिडे॥ माङ्‌हाङ्‌ङा मायादाया माचोगिनाँ उन्‍ङा खानि माहिङेसिए॥

कालास्‌सि 1:4

पोङ्‌भोने खिरिस्‍ट येसुङि लिसाना खानि बिस्‍वास लोक् माङ्‌हाङ्‌ङाना ख्‍वाप्‍पा ओयाप्‌मिचि खानिङा माया आचोगुम्‌चिम्‍गा रिङ् आन्‍याँ खेम्‍सेसुम्‍मे॥

१ थेसालोनिकि 4:9

हाट्‌ले बिस्‍वासि भुम्‍भु-झान्‍झाचि हिट्‌नुङ् नाना-झान्‍झाचिङि माया चोक्‍माना बारेङि टे खानिलोङ्‌सा छेप्‍मा कोन्‍ना खोना रिङ् चा वाइना, पोङ्‌भोने माङ्‌हाङ्‌ङा खानि आप्‍पे आप्‍पेङि खोड्‌डे पारिक् माया चोक्‍मा कोन्‌युक्‍ना नुङ् माहिसिक्‍टेसे॥

हिब्‍रु 13:1

खानि बिस्‍वासि भुम्‍भु-झान्‍झाचि हिट्‌नुङ् नाना-झान्‍झाचि आलिसिनाँ ठिबाङ्‌ङा आरको माया चोग्‍गा चोक् चोगायाक्‍टानि॥

१ पाटरुस 1:22

हाट्‌ले खानिङा छेम्‍बाना रिङ् मानाँ आचोगुमुङ् खानि निङ्‌ग्‍वा सेङ्‌सेङ् आचोगुम्‍नाँ खानि भुम्‍भु-झान्‍झाचि हिट्‌नुङ् नाना-झान्‍झाचि छेम्‍बाना माया चोगानुम्‌चिम्, हिट्‌नुङ् निङ्‌ग्‍वालाम्‍मा डोक् ठिबाङ्‌ङा आरको माया चोग्‍गा चोग् चोगानि॥

१ पाटरुस 3:8

आखेरिङि लोनाँनि, खानि ख्‍वाप्‍पाङाना निङ्‌ग्‍वा ठिक्‍ए लिमा कोन्‌युक्॥ ठिबाङ्‌ङा आरकोङाना निङ्‌ग्‍वाङिना रिङ् बुजा चोक्‍मा कोन्‌युक्॥ भुम्‍भु-झान्‍झाचि हिट्‌नुङ् नाना-झान्‍झाचि गाड्‌डे ठिबाङ्‌ङा आरको माया चोग्‍गा चोक् चोगानि॥ हिट्‌नुङ् लुक्‍मा काटुक् लोक् मेयोक् लिसानि॥

२ पाटरुस 1:7

हिट्‌नुङ् भाक्‌टि चोक्‍सा भुम्‍बु-झान्‍झाचि दाया चोगानुम्‌चिम्, भुम्‍बु-झान्‍झाचि दाया चोक्‍सा मायाङि पोसा खाडानि॥

१ युहान्‍ना 2:3

हिट्‌नुङ् उन्‍ङाना आग्‍याँचि आनि पालान् चोगुम्‍मे भोने, छेम्‍बा उन् आनि मिसेन् निसुम्‍ना रैछो नुङ् ठाहा लियुक्॥

१ युहान्‍ना 3:23

उन्‍ङा आनि आग्‍याँ आचोगाना रिङ्उम्‍बाक् ना डोक् ए, आनि उन्‍ङाना छा येसु खिरिस्‍ट उनिङ्‌ङि बिस्‍वास चोग्‍मा कोन्‌युक्, हिट्‌नुङ् उन्‍ङा आनि आहिसिक्‍टा गाड्‌डे डोक् ठिबाङ्‌ङा आरकोलाउङ्‌सा माया चोक्‍मा कोन्‌युक्॥

१ युहान्‍ना 4:12

साङा चा खोना बेला चा माङ्‌हाङ् उनिसुन्‍गेट्‌टुन्‍ना॥ टरो आनि ठिबाङ्‌ङा आरको माया चोगुम्‍टुम् भोने, माङ्‌हाङ् आनिलोक् युङ्‌युक्, हिट्‌नुङ् उन्‍ङाना माया आनिङि युडैसे॥

१ युहान्‍ना 5:13

खानिङा लाट्‌निना चोला आटोगुम्‍मे नुङ् खानिङा ठाहा टोगानुम् नुङ् डोक् माङ्‌हाङ् छाङि बिस्‍वास काचोक् खानिलोङ्‌सा ना चिट्‌ठि छेप्‍टुङ्‌गेट्‌टुङ्॥

१ युहान्‍ना 5:2

माङ्‌हाङ् माया चोगुमुङ् हिट्‌नुङ् उन्‍ङाना आग्‍याँ टेन्‌डिउङ् डोक् ओछालेट्‌चि आनि माया चोगुम्‌चिम्‌चिम् नुङ् ठाहा लियुक्॥