१ युहान्‍ना 2:6 - आठपहरिया

⁶ माङ्‌हाङ्‌ङि वाङेट्‌ना पिक्‍ना याप्‌मिङा खिरिस्‍टङाना ओचाट्‌ला गाड्‌डे वामा कोन्‌युक्॥

१ युहान्‍ना 2:6 ပူးပေါင်းရင်းမြစ်များ

मात्‌ति 11:29

आङाना जुवा खुयानुम् हिट्‌नुङ् आङालाम्‍मा सिकाँ लिसानि, पोङ्‌भोने आङा मेयोक्‍ना हिट्‌नुङ् आनिङ्‌ग्‍वा दायालु ए, हिट्‌नुङ् खानिङा आराम आटोगुम्‍टुम्॥

युहान्‍ना 13:15

आङा चोगुङ्‌ना गाड्‌डे डोक् खानिङा चा चोगानुम् नुङ् डोक् आङा खानि लोङ्‌सा ठिक् नामुना निमेट्‌नानिगा॥

युहान्‍ना 15:10

आङा लोनानिगा आग्‍याँ पालान् आचोगुमे भोने, खानि आङाना मायाङि आलिसियाक्‌टिटि, हिट्‌नाडेडोक् आङा आङाना पाबाङाना आग्‍याँ पालान् चोगुएसुङे, हिट्‌नुङ् उन्‍ङाना मायाङि युङ्‌ङा॥

१ कोरिन्‌थि 11:1

आङा खिरिस्‍टङाना योॽवा चोगुङ् गाड्‌डे डोक् खानिङा चा आङाना योॽवा चोगानुम्॥

एफिसि 5:2

खिरिस्‍टङा आनि माया आचोगे हिट्‌नुङ् उन्‍ङा आप्‍पे ओचोला भोक् चोगुङ् आनि लाउङ्‌सा आपिडे हिट्‌नुङ् बुङ्‌बुङ् नाम्‍ना ढुपा गाड्‌डे डोक् माङ्‌हाङ्‌ङि ठाङ्‌सुए॥ हिट्‌डेडोक् खानिङा सोरोक् आरु याप्‌मिचि माया चोगानुम्‌चिम्॥

१ पाटरुस 2:21

पोङ्‌भोने ना रिङ् लाउङ्‌सा डोक् माङ्‌हाङ्‌ङा खानि माछेम्‌डिगा ए॥ खिरिस्‍टङा चा खानिलोङ्‌सा याङ्‌छामा आङ्‌डुए, हिट्‌नुङ् उन् डोक् खानिना नामुना ए॥ हिड्‌नाड्‌डेउङ् खानि चा उन्‍ङा मानिमेट्‌टिगा लाम्‍बोङि लाम्‌टिमा कोन्‌युक्॥

१ युहान्‍ना 2:28

हिट्‌नुङ् खानि आइछाचि गाड्‌डेगा, उन्‌ङि लिसायाक्‍टानि, हिट्‌डेउङ् उन् ठेट्‌ना बेला आनि आँट् टोगुम्‍टुम्, हिट्‌नुङ् उन् उङ्‌ना लेम्‍बा उन् सोरि आनि मोम्‍मासिमा कोन्‌निना॥

१ युहान्‍ना 2:4

जुन्‍ङा “आङा उन् मिसेन् निसुङ्‌ना” पिक्‌युग्, टरो उन्‍ङाना आग्‍याँचि पालान् चोगुन्‍गा भोने हिट्‌ना माङ्‌जोना ए, हिट्‌नुङ् हिट्‌नाङा छेम्‍बाना रिङ् ठाहा टोगुन्‍ना॥

१ युहान्‍ना 3:24

उन्‍ङा माट्‌टुगा रिङ् पालान् काचोक् सोब्‍बे याप्‌मिचि उन्‌ङि उलियुक्, हिट्‌नुङ् उन् हिट्‌नागालोक् लियुक्॥ नाड्‌डेउङ् माङ्‌हाङ् आनि निङ्‌ग्‍वाङि युङ्‌ना रिङ् उन्‍ङा आपिडाना सेङ्‌सेङ्‌ना हाङ्‌सालाम्‍मा आनि ठाहा टोगुम्‍टुम्॥

१ युहान्‍ना 3:6

हिट्‌नाड्‌डेउङ् उन्‌ङि उलिसागा खोना याप्‌मिङा चा पाप चोगुन्‌याक्‍टुन्‍ना॥ पाप ओचोगुयाक्‍टुगा याप्‌मिङा उन् साइना नुङ् मिसेन् चा उनिसुन्‍ना, ठाहा चा ओटोगुन्‍ना॥

१ युहान्‍ना 4:17

आनि आरु छेम्‍बाना माया चोगुम्‌चिम्‌चिम् हिट्‌नुङ् खिरिस्‍टङा नाराङि चोगु गाड्‌डे डोक् युङिटि भोने, न्‍याएङाना लेम्‍बा आनि चिन्‌तित लिमा कोन्‌निना॥