१ युहान्‍ना 2:29 - आठपहरिया

²⁹ खिरिस्‍ट धारमोति नुङ् खानिलाउङ्‌सा ठाहा डोक् युङ्‌ग्‍वा॥ हिट्‌नाड्‌डेउङ् माङ्‌हाङ् ओटोकानाङि पाक् नुना हिट्‌ना टोॽवा काचोक्‍बाम्‍बाक् माङ्‌हाङ् ओछालेट्‌चि नुङ् खानिङा ठाहा टोक्‍मा कोन्‌युक्॥

१ युहान्‍ना 2:29 ပူးပေါင်းရင်းမြစ်များ

युहान्‍ना 1:13

हिट्‌नागा पाबा-मामालाम्‍मा हिट्‌नुङ् याप्‌मिचिगा निङ्‌ग्‍वालाम्‍मा ओपोङ्‌सागा माखाक्, टरो माङ्‌हाङ्‌ङा डोक् हिट्‌नागा ओछालेट्‌चि चोगुचिगा॥

युहान्‍ना 7:18

जुन् आप्‍पेलाम्‍मा चेक्‌युक्, हिट्‌नाङा आप्‍पे लाउङ्‌सा मान् कोलुटु, टरो आङा कापाङ्‌बालोङ्‌सा आङा मान् चोक्‍मा निङ्‌ग्‍वा चोगुङ्‌टुङ्॥ हिट्‌डेउङ् आङा छेम्‍बाना रिङ् माट्‌टुङ्‌टुङ् हिट्‌नुङ् माङ्‌जो माट्‌निङ्‌ना॥

मुलिचेला टोॽवा 10:35

याप्‌मि जुन्‍सुके छोङ्‌बाङाना उलियाक्, माङ्‌हाङ् मान् काचोक्‍बा हिट्‌नुङ् ओचेट्‌नुना टोॽवा काचोक्‌चि उन्‍ङा लाडुचिगा रिङ् छेम्‍बा डोक् ए॥

मुलिचेला टोॽवा 22:14

“हिट्‌नुङ् उन्‍ङा याङ्‌लोडे, ‘खान्‍ङा आनि टुबाठेबाङाना माङ्‌हाङ्‌ङाना उनिङ्‌ग्‍वा ठाहा टोक्‍मा आहिडु नुङ्, हिट्‌नुङ् हिट्‌ना धारमोति याप्‌मि येसु निमा, हिट्‌नुङ् उरिङ् खेम्‍सुनुङ् खान् मासेगाइसे॥

मुलिचेला टोॽवा 3:14

खानिङा सेङ्‌सेङ्‌ना हिट्‌नुङ् धारमोति याप्‌मिङाना ओसाट्‌टो याप्‌मि कासेट् ‘आन्‍याँलोङ्‌सा याप्‌मिलेडाबिडा’ पिक्‍सा आलोडुमे॥

२ कोरिन्‌थि 5:21

पोङ्‌भोने आनिउम्‍टे खिरिस्‍टलाम्‍मा माङ्‌हाङ् ओटोकानाङि धारमोति उलिसियाक् नुङ् पाप डोक् चोगुन्‍गेट्‌टुन्‍ना खिरिस्‍ट माङ्‌हाङ्‌ङा आनि पाप लाउङ्‌सा भोक् ठाङ्‌मा मेट्‌टुए॥

हिब्‍रु 7:2

आब्‍राहामङा लडाइङि मेट्‌टुचिउङ् टाडुगा सोब्‍बे थोक्‌ङाना दासांस माल्‌किसेदेक पिडुए॥ माल्‌किसेदेक उनिङ्‌ङाना उटुप्‍बाक् “धारमोति हाङ्‌बा” हिट्‌नुङ् सालेमङिना हाङ्‌बाङाना उटुप्‍बाक् “हाङ्‌हाङ्‌ङाना हाङ्‌बा” नुङ् लियुक्॥

हिब्‍रु 7:26

येसुम्‍बाक् आनि लाउङ्‌सा चाहाब् लिना सानिङ्‌डाङ्‌बा ए॥ उन् सेङ्‌सेङ्‌ना, फाट्‌टुर मालेना, चोखो ए, हिट्‌नुङ् उन्‍ङा पाप चोग्‍वाट्‌टुन्॥ माङ्‌हाङ्‌ङा उन् सोब्‍बे नुङ्‌ना टो टोनालोग्‌ङि युङ्‌सुए॥

याकुब 1:18

उन्‍ङा सिरिस्‌टि चोगुचिगा थोक्‌चि माड्‌डे आनि सोब्‍बे नुङ्‌ना चाहाब् लिसिगा लिमा उहिडियाक् नुङ् छेम्‍बाना रिङ्‌लाम्‍मा उन्‍ङाना उनिङ्‌ग्‍वाङा डोक् आनि ओछालेट् चोक्‍माना निङ्‌ग्‍वा चोगुए॥

१ पाटरुस 1:23

माङ्‌हाङ्‌ङाना उहिङ्‌ग्‍वाट् हिट्‌नुङ् सोरोक् लियुयाक्‍ना रिङ्‌लाम्‍मा खानि फेरि आपोङ्‌सिएसिए॥ खानि जाखाम् लिना पाबाङा ओछालेट्‌चि माखाक्, टरो जाखाम् लिनिना पाबाङाना ओछालेट्‌चि ए॥

१ पाटरुस 1:3

आनि टाङ्‌बा येसु खिरिस्‍टङाना माङ्‌हाङ् पाबाङाना उनिङ् टो-टो चोन्‍डुम्॥ माङ्‌हाङ्‌ङा आनि आड्‌डिक् लुक्‍मा आटुक्‍टानाँ ओछोङ्‌ग्‍वाट् चोला आपिडे, पोङ्‌भोने उन्‍ङा येसु खिरिस्‍ट सियानालाम्‍मा उहिङ्‌ग्‍वाट् चोगुए॥ हिड्‌नाड्‌डेउङ् आनि ठेना आसा चोगुमुङ् हिङिटि,

१ पाटरुस 3:18

पोङ्‌भोने खिरिस्‍ट आनि पाप लोङ्‌सा एक्‍के खेप् सिए॥ ठिबाङ् नुना याप्‌मि कायाङ्‌छाबा याप्‌मिचि लाउङ्‌सा सिए॥ खिरिस्‍टङा आनि माङ्‌हाङ् सोरि खाप्‍माउङ्‌सा हिड्‌डे चोगुए॥ उन् याप्‌मिचिगा गाड्‌डे येम्‌ङि लिसानाँ सिए, टरो माङ्‌हाङ्‌ङाना ओहाङ्‌साङा उन् फेरि उहिङ्‌ग्‍वाट् चोगुए॥

२ पाटरुस 1:4

हिट्‌नुङ् उन्‍ङाना माहिमा लोक् भोलाइलाम्‍मा उन्‍ङा चामारसिङा चोगुना ठेना हिट्‌नुङ् बाहुमुल्‍ले थोक् आनि आपिडाइसे॥ खानि ना नाराङि लिसागा जाखाम् काचोक् ओचाफेन्‍ना निङ्‌ग्‍वालाम्‍मा आहोन्‌डिउङ् माङ्‌हाङ्‌ङाना ओचाट्‌लाङि साहाभागि लिसानि नुङ् उन्‍ङा नागा चामारसिङा चोगुए॥

१ युहान्‍ना 2:1

खानि आइछाचि गाड्‌डेगा, खानिङा पाप चोग्‍नेनुम् नुङ् आङा नागा रिङ् खानिलाउङ्‌सा छेप्‍टुएट्‌टुङ्॥ टरो कोइङा पाप चोगुए भोने चा माङ्‌हाङ् पाबालोक् आनि लोङ्‌सा बिन्‌टि काचोक् ठिबाङ् धारमोति येसु खिरिस्‍ट वाहेट्॥

१ युहान्‍ना 3:5

हिट्‌नुङ् याप्‌मिचिगा पाप टुग्‍मा लाउङ्‌सा खिरिस्‍ट पारकाट् लिसाना नुङ् खानिङा ठाहा आटोगुम्‍टुम्॥ हिट्‌नुङ् उन्‌ङि पाप डोक् वाइना॥

१ युहान्‍ना 3:7

खानि आइछाचि गाड्‌डेगा, खोना याप्‌मिङा चा खानि माबान्‌डिन्‍चा॥ जुन् याप्‌मिङा माहामाना टोॽवा चोगुटु, हिट्‌नाम्‍बाक् धारमि याप्‌मि ए, हिट्‌नाडेडोक् खिरिस्‍ट धारमोति ए॥

१ युहान्‍ना 4:7

मायालु आसाइबाचि, आनि ठिबाङ्‌ङा आरको माया चोग्‍गा चोग् चोगि, पोङ्‌भोने माया चोक्‍माना निङ्‌ग्‍वाम्‍बाक् माङ्‌हाङ्‌लाम्‍मा टायुक्॥ जुन्‍ङा आरु याप्‌मिचि माया चोगुचिचि, हिट्‌ना माङ्‌हाङ् उइछा हिट्‌नुङ् हिट्‌नाङा माङ्‌हाङ् मिसेन् निसुटु॥

१ युहान्‍ना 5:1

येसु डोक् खिरिस्‍ट नुङ् बिस्‍वास काचोक्‍बाचि सोब्‍बे माङ्‌हाङ् ओछालेट्‌चि ए॥ हिट्‌नुङ् जुन्‍ङा माङ्‌हाङ् पाबा माया चोगुटु हिट्‌नाङा उइछा चा माया चोगुटु॥

१ युहान्‍ना 5:18

माङ्‌हाङ् ओछालेट्‌चि खोनाङा चा पाप ओचोगुन्‌याक्‍टुन्‍ना नुङ् आनि ठाहा टोगुम्‍टुम्, पोङ्‌भोने माङ्‌हाङ् छाङा उन् जोगाँ चोगुटु हिट्‌नुङ् सैतानङा उन् पाक्‍चा चोक्‍मा हिडुन्‍ना॥

१ युहान्‍ना 5:4

पोङ्‌भोने माङ्‌हाङ् ओछालेट्‌चि ख्‍वाप्‍पाङा नाराङिगा ओभेन्‍गा थोक्‌चि मेप्‍मा उहिडुटु॥ नाड्‌डेउङ् नाराङिगा ओभेन्‍गा रिङ्‌चि आनि बिस्‍वासलाम्‍मा डोक् मेप्‍मा हिडुम्‍टुम्॥

३ युहान्‍ना 1:11

मायालु आसाइबा, नाड्‌डेगा ओभेन्‍गा टोॽवा काचोक् याप्‌मिचिगा चाट्‌ला योॽवा चोगुन्, टरो नुना रिङ् एरोक् सिकाँ लिसा॥ जुन् याप्‌मिङा ओचेट्‌नु चोगुटु हिट्‌ना माङ्‌हाङ्‌ङाना ओयाप्‌मि ए॥ जुन्‍ङा ओचाफेम्‍मा टोॽवा चोगुटु, हिट्‌नाँ माङ्‌हाङ् मिसेन् डोक् निसुन्‍गेट्‌टुन्‍ना॥