१ कोरिन्‌थि 9:7 - आठपहरिया

⁷ पाक् टिलिङ्‌गा आप्‍पे ओखारचाङा डोक् टिलिङ्‌गाङाना टोॽवा चोगुटुनि टे? पाक् आङ्‌गुर बारिङि टोॽवा काचोक्‍बाङा आङ्‌गुरङाना उसा चामा टोगुन्‍नै टे? पाक् गोठालेङा पिट् मेरबा ओम्‍डुचिउङ् नुनु ठुङ्‌मा टोगुन्‍नै टे?

१ कोरिन्‌थि 9:7 ပူးပေါင်းရင်းမြစ်များ

मुलिचेला टोॽवा 20:28

हाट्‌ले खानि आप्‍पेलोङ्‌सा हिट्‌नुङ् सेङ्‌सेङ्‌ना हाङ्‌साङा खानि ओठेडोङ् माचोगिउङ् खानि मुक्‌ङि मापिडिगा बिस्‍वासिचि नुलोक् पुयानुम्‌चिम्॥ हिट्‌नुङ् माङ्‌हाङ्‌ङा आप्‍पे उइछा ओहेलिक्‌ङा इनुचिगा माङ्‌पाङ्‌ङि चा खानिङा नुलोक् पुयानुम्‌चिम्॥

१ तिमोथि 1:18

आइछा गाड्‌डेना तिमोथि, आङा खान् ना आग्‍याँ पिनाँ, खान्‍ङाना बारेङि पाइला डोक् माङ्‌हाङ् रिङ्‌लाम्‍मा माट्‌टि गाड्‌डे, हिट्‌नागा रिङ्‌लाम्‍मा आँट् टोगुङ् नुना खाबोर लोङ्‌सा नुलोक् टोॽवा चोगु॥

१ तिमोथि 6:12

खान्‍ङा बिस्‍वास आचोगुना रिङ्‌ङि ओचेट्‌नुलोक् पिन्‍डा, हिट्‌नुङ् खोना बेला चा लाट्‌निना चोला लाबुयाक्‍टु, माङ्‌हाङ्‌ङा ना लोङ्‌सा डोक् खान् माछेम्‍डाना॥ खान्‍ङा जोम् याप्‌मिचि माझाङि काबिस्‍वासङाना नुना साँचि आपिडुएसुचिगा डागा॥

२ तिमोथि 4:7

पिम्‍माना टोॽवाङि आङा नुलोक् पिन्‍डेसाङे॥ आङा पिम्‍माना टोॽवा हिडुएसुङे, हिट्‌नुङ् आङा बिस्‍वास जोगाँ चोगुएसुङे॥

१ पाटरुस 5:2

माङ्‌हाङ्‌ङा खानि जिम्‍माङि मापिडिगा ठुँबाचि निङ्‌ग्‍वा मिटाए मिटाए माखाक्, टरो खानि निङ्‌ग्‍वालाम्‍मा डोक् ओचेट्‌नुलोक् पुयानुम्‌चिम्॥ ओफाबा टोक्‍माउङ्‌सा माखाक्, टरो माङ्‌हाङ्‌ङाना उनिङ्‌ग्‍वा गाड्‌डे सेवा चोक्‍माना निङ्‌ग्‍वाङा ना टोॽवा चोगानुम्॥