१ कोरिन्थि 5:11 - आठपहरिया11 टरो आङाम्टे आप्पेलाउङ्सा बिस्वास काचोक्बा झान्झा ए नुङ् पिक्सा इम्मेप्माजामा टोॽवा काचोक्बा, लोभि लिना, आरु साम्माङ्ङि बिस्वास काचोक्, चिम्मा काफुट्, टेडुबा हिट्नुङ् कासुप्बालोक् वानेनिन् युङ्नेनिन् नुङ् गोलो माट्टुङ्ना॥ नाड्डेना याप्मिलोक् उम्टे पालोवालो चासिङा चा युङ्नेनिन्॥ အခန်းကိုကြည့်ပါ။ |
१ कोरिन्थि 5:11
47 ပူးပေါင်းရင်းမြစ်များ
हिट्नुङ् हानानिया खाडाउङ् सावाल युङाना पाङ् भिट्रा लिगे, हिट्नुङ् सावाल उठुङ्ङि उमुक्चि युङ्सुङ् नाड्डे लोडुए, “हाउ आन्झा सावाल, खान् नेहि आबागेट्टाना बेला लाम्बोङि येसु डाङ्बा खान्लोक् ठेट्टे, उन्ङा डोक् खान्ङा फेरि निमा आहिडु हिट्नुङ् सेङ्सेङ्ना हाङ्साङा माइप्याक् नुङ् आङा याङ्पाङ्साइसे॥”
आनि लेम्बा व्हाङ्ङि वासि गाड्डे डोक् सोब्बे लाउङ्सा ओचेट्नुना चोलाङि वामा कोन्युक्॥ आनि बेस्सारि मोज्मोज्जा चोक्माना पाटिङि साहाभागि लिसिन्चा हिट्नुङ् इमालिङ् ठुङुमुङ् टेडुबा लिमा लिनिना, आनि खोना खाले चा इम्मेप्माजामा टोॽवा चोक्मा लिनिना, आनि खेमाबुङ्मा चोक्मा लिनिना, हिट्नुङ् मिक् टुक्ना रिङ् चोक्मा लिनिना॥
आम्भु-आन्झाचि हिट्नुङ् आनो-आन्झाचि, हाट्ले आङा खानि एक्खेप् बिन्टि चोक्नाँनि॥ खानिङा पाइले सिकाँ आलिसिगा छेम्बाना रिङ् बिरुद्दाङि उलिसागा याप्मिचिलाम्मा ओछेक्छेक् चोगानि॥ नागा याप्मिचिङा खानिङि साम्माना रिङ् ओटाडुटु हिट्नुङ् इम्टेप्मा याप्मिचिगा बिस्वास डोक् आरकोलेङ् ओलेङ्सुटु॥ हिट्डेउङ् हिट्नागा याप्मिचिलोक् या युङानि॥
ओभेन्गा याप्मिचिङा माङ्हाङ् उमुलुक्ङि लिक्माना हाक् ओटोगुन्ना नुङ् पाक् खानिलाउङ्सा ठाहा वाइना इ? आप्पेलाउङ्सा ढाँट् फोक्नेनुम्॥ नाड्डेगा वालाफेडुबा टोॽवा काचोक्चि, मुर्ति साम्माङ् काचोक्चि, इम्मेप्माजामा टोॽवा काचोक्चि, वालाफेडुबा येम्बेछाचि, येम्बेछा-येम्बेछा हिट्नुङ् मेच्छेमा-मेच्छेमा इम्मेप्माजामा टोॽवा काचोक्चि,
हिड्नाड्डेउङ् खानिगा पापलोक्ना निङ्ग्वालाम्मा ओहोन्गा ओभेन्गा रिङ्चि चोक्मा नाडानुम्॥ हिट्नागाम्बाक् इम्मेप्माजामा टोॽवा, आसुद्दो टोॽवा चोक्मा, निङ्ग्वाङि छोम्बोक् छोम्बोक् लिमा, भेन्ना निङ्ग्वा चोक्मा, हिट्नुङ् लोभि लिमा ए॥ याप्मा लोभि लिमाम्बाक् मुरति साम्माङ् चोक्मा गाड्डे डोक् ए॥
टरो खानि बिरुद्दाङि लोमाना इम्टेप्मा रिङ् आङालोक् युङ्ग्वा, खानिलोक् उलिसागा इम्टेप्मा बालामङाना हिसिक्मा काखेम्बा याप्मिचि ओवाहेट्॥ हिट्ना दुस्टा बालामङा इस्राएलि याप्मिचिङा पाप ओचोगुवाक् नुङ् साम्माङ् ठानाङि ठाङ्बालाक् थोक् चामा हिट्नुङ् इम्मेप्माजामा टोॽवा चोक्मा लियुक् नुङ् बालाक हाङ्बा हिसिक्टुए॥
टरो आङालोक् खानि बिरुद्दाङि माट्माना ठिक् रिङ् युङ्ग्वा, खानिङा हिट्ना इजेबेल ओलोडुना मेच्छेमा उन्ङा निङ्ग्वा चोगुना रिङ् चोक्मा आपिडुम्मे॥ हिट्ना मेच्छेमाङा आप्पेलाउङ्सा माङ्काटा नुङ् माट्टुना, टरो हिट्नाङा आङाना सेवा काचोक्चि इम्मेट्माजामा टोॽवा चोक्मा हिट्नुङ् साम्माङ् ठानाङि ठाङ्बालाक् थोक् चामा हिसिक्टुचिउङ् ढाँट फोक्टुएसुचे॥
टरो डारछेरुवा याप्मिचि, धोका कापि याप्मिचि, चिम्मा फुट्टुम्ना टोॽवा काचोक्चि, याप्मि कासेट्, हिट्नुङ् इम्मेट्माजामा टोॽवा काचोक्चि, चाटाके याप्मिचि, मुरति साम्माङ् काचोक् याप्मिचि हिट्नुङ् माङ्जो रिङ् ओचेग्गा याप्मिचि मि लोक् गान्धाक् हाट्ना भाट्टिङि ओठायुक्॥ हिट्नाम्बाक् दोस्रो खेप् सिमा ए॥”
ကြော်ငြာတွေ