१ कोरिन्‌थि 5:10 - आठपहरिया

¹⁰ आङा माप्‍मा कोलुङ्‌नाम्‍बाक् ना नाराङिगा इम्‍मेप्‍माजामा टोॽवा काचोक्‌चि, लोभिचि, कासुप्‍बाचि हिट्‌नुङ् आरु साम्‍माङ्‌ङि बिस्‍वास काचोक्‌चिलोक् वानेनिन् युङ्‌नेनिन् नुङ् माट्‌टुङ्‌ना माखाक्॥ उन्‌चिलाम्‍मा खानि आयुङेट्‌टिन् भोने, खानि नारालाम्‍मा डोक् होम्‍माउङ् खाप्‍मा कोन्‌युक्॥

१ कोरिन्‌थि 5:10 ပူးပေါင်းရင်းမြစ်များ

लुका 18:11

हिट्‌ना फारिसि याप्‌मि आल्‍लाका येबाउङ् नाड्‌डे पिक्‍सा बिन्‌टि चोक्‍मा ठालाँ चोगुए, ‘आमाङ्‌हाङ्, आङा कानिङ् चोन्‍डुङ्‌टुङ्, पोङ्‌भोने आङा आरु याप्‌मिचि गाड्‌डे लोभि, याप्‌मिचि चिम्‍मा काफुट्, इम्‍मेप्‍माजामा टोॽवा काचोक्‍बा हिट्‌नुङ् ना तिरो काफोग्‍बा याप्‌मि गाड्‌डेना माखाक्॥

युहान्‍ना 15:19

खानि ना नाराङिगा याप्‌मिचि आलिसानाँ बे हिट्‌नागाँ खानि आन्‍याँ याप्‌मि नुङ् मामिट्‌टियुङ् माया माचोगिए बे॥ टरो खानि ना नाराङिगा माखाक्, हिट्‌नुङ् खानि नारालाम्‍मा आङा सेग्‍नाने, हिट्‌डेउङ् नाराङिगा याप्‌मिचिङा खानि चिम्‍मा माफुट्‌टिटि॥

युहान्‍ना 17:6

“ना नारालाम्‍मा आङा खान्‍ङा याङ्आपिडाना याप्‌मिचि खान्‍ङाना कानिङ् मिसेन् निमेट्‌टुएसुङ्‌चिङे॥ हिट्‌नागा खान्‍ङागा ओडागा, हिट्‌नुङ् खान्‍ङा हिट्‌नागा आङा याङ्‌आपिडाङे, हिट्‌नुङ् हिट्‌नागाँ खान्‍ङाना कारिङ् पालान् ओचोगुएसुए॥

युहान्‍ना 17:9

“आङा हिट्‌नागा लोङ्‌सा बिन्‌टि चोगुङ्‌टुङ्, नाराङिगा सोब्‍बे याप्‌मिचि लाउङ्‌सा माखाक्, टरो खान्‍ङा आङा याङ्‌आपिडाङ्‌ना याप्‌मिचि लोङ्‌सा आङा बिन्‌टि चोगुङ्‌बिडुङ्‌चिङ्‌चिङ्, पोङ्‌भोने हिट्‌नागा खान्‍ङागा कायाप्‌मिचि ए॥

युहान्‍ना 8:23

हिट्‌नुङ् येसुङा हिट्‌नागा लोडुचे, “खानिम्‍टे नाहि यो नाराङिगा, आङाम्‍बाक् टोनालोग्‌ङिना॥ खानि ना नाराङिगा, टरो आङाम्‍बाक् ना नाराङिना माखाक्॥

१ कोरिन्‌थि 1:20

खोलो, ठोना उलिसागा याप्‌मि खोनि ओवाहेट्‌गा? खोलो धारमाबिधि काहिसिक्‍बाचि? ना जुगङि ओचाप्‍पाङ्‌लोक् ओचेक्‍गा याप्‌मिचि खोलो टे? माङ्‌हाङ्‌ङा नाराङिगा ठोना खेडोक् लिसा गाड्‌डे डोक् चोगुए॥

१ कोरिन्‌थि 10:27

कोइ बिस्‍वास चोगुन्‍गेट्‌टुना याप्‌मिङा खानिलोङ्‌सा उपाङ्‌ङि चामा चासिङा माछेम्‌डिनाँ खाप्‍माना निङ्‌ग्‍वा लिसे भोने खाडानि, हिट्‌नुङ् खानि टोकानाङि जे युङ्‌ग्‍वा हिट्‌ना खोनिलाम्‍मा टाप्‍बालाक्, चामा लियुक्‌नि लिनिना इ नुङ् मिसिलाप्‍मे चायानुम्॥

१ कोरिन्‌थि 5:11

टरो आङाम्‍टे आप्‍पेलाउङ्‌सा बिस्‍वास काचोक्‍बा झान्‍झा ए नुङ् पिक्‍सा इम्‍मेप्‍माजामा टोॽवा काचोक्‍बा, लोभि लिना, आरु साम्‍माङ्‌ङि बिस्‍वास काचोक्, चिम्‍मा काफुट्, टेडुबा हिट्‌नुङ् कासुप्‍बालोक् वानेनिन् युङ्‌नेनिन् नुङ् गोलो माट्‌टुङ्‌ना॥ नाड्‌डेना याप्‌मिलोक् उम्‍टे पालोवालो चासिङा चा युङ्‌नेनिन्॥

१ कोरिन्‌थि 5:9

आङा पाइले छेप्‍टुङ्‌ना चिट्‌ठिङि खानिलोङ्‌सा इम्‍मेप्‍माजामा टोॽवा काचोक् याप्‌मिचिलोक् टोङ्‌नेनिन् नुङ् छेप्‍टुएसुङ्‌ना डाना॥

२ कोरिन्‌थि 4:4

ना नाराङिना साम्‍माङ् ओलोडुना सैतानङा आबिस्‍वासिचिगा निङ्‌ग्‍वा डोम्-डोम् चोगुबिडुएसुचे॥ हिट्‌डेउङ् हिट्‌नागाँ खिरिस्‍टङाना बारेङि नुना खाबोर लोक् उन्‍ङाना माहिमा बुजा चोक्‍मा उहिडुन्‍ना॥ खिरिस्‍टउम् माङ्‌हाङ् गाड्‌डेना डोक्॥

एफिसि 2:2

हिट्‌ना बेला खानि चा भेन्‍ना टोॽवा ओचोग्‍गा नाराङिगा आरु याप्‌मिचि गाड्‌डे डोक् चोक्‍सा आयुङिगा डागा, हिट्‌नुङ् टाङ्‌साङ्‌ङि सासान् काचोक् हाङ्‌साङाना सासाक् मानाँ आचोगुम्‍ना डाना॥ हाट्‌ले हिट्‌ना हाङ्‌सा डोक् माङ्‌हाङ् इन्‍कार काचोक्‍बा याप्‌मिचि सोरि टोॽवा चोगुएट्‌टु॥

फिलिप्‌पि 2:15

हिट्‌नाड्‌डेउङ् खानि खोनाङा चा पाक्‍चा लोमा माहिडिन्‍गा॥ खानि ओमाक्‍पा निङ्‌ग्‍वा हिट्‌नुङ् ओचाफेन्‍लोक् चाट्‌ला उलिसागा याप्‌मिचि माझाङि आयुङिना माङ्‌हाङ्‌ङाना फाकाट्‌ना छाचि गाड्‌डे फाट्‌टुर मालेना हिट्‌नुङ् चोखो लिसानिउङ् युङानि॥ डुम्‍बारिक् डुम्‍ना टाङ्‌साङ्‌ङि चोक्‌चिङ्‌गेट् ओम्‌सि गाड्‌डे डोक् खानि चा हिट्‌नागा माझाङि ओम्‍मा कोन्‌युक्॥

१ युहान्‍ना 4:5

हिट्‌नागा नाराङिगा उलिसानाँ नाराङिगा डोक् रिङ् ओचेक्‌युक्, हिट्‌नुङ् हिट्‌नागाँ ओमाट्‌टुगा रिङ् नाराङिगा याप्‌मिचिङा डोक् ओखेम्‍सुटु॥

१ युहान्‍ना 4:7

मायालु आसाइबाचि, आनि ठिबाङ्‌ङा आरको माया चोग्‍गा चोग् चोगि, पोङ्‌भोने माया चोक्‍माना निङ्‌ग्‍वाम्‍बाक् माङ्‌हाङ्‌लाम्‍मा टायुक्॥ जुन्‍ङा आरु याप्‌मिचि माया चोगुचिचि, हिट्‌ना माङ्‌हाङ् उइछा हिट्‌नुङ् हिट्‌नाङा माङ्‌हाङ् मिसेन् निसुटु॥

१ युहान्‍ना 5:19

ख्‍वाप्‍पा नारा सैतानङाना उमुक्‍ठुङ्‌ङि युङ्‌सु चा आनिम्‌बाक् माङ्‌हाङ् ओछालेट्‌चि नुङ् आनिलाउङ्‌सा ठाहा युङ्‌ग्‍वा॥

पारकास 12:9

हिट्‌ना ठेना ओप्‍पु आच्‍छो बेलाना ओप्‍पु ए, हिट्‌ना दियाबालास हिट्‌नुङ् सैतान चा ओलोडुए, हिट्‌नाँ डोक् सोब्‍बे नाराङिगा याप्‌मिचि बान्‍डुचिगा॥ हिट्‌ना उदुतचिलोक् एक्‍केउ नाराङि ओलेप्‍टुए॥