१ कोरिन्थि 4:5 - आठपहरिया5 हिट्डेउङ् बेला मिलिए पाइले डोक् न्याए चोक्नेनुम्, टाङ्बा उङ्लोक् सोम्मा हाङ्सानुम्॥ टाङ्बाङा डोक् डुम्बारिक् डुम्ङि ठोबागा रिङ् व्हाङ्ङि पारकाट् चोगुटु, हिट्नुङ् याप्मिचिगा निङ्ग्वाङिगा रिङ् पारचिन्दा चोगुटु॥ हिट्ना बेला सोब्बे याप्मिचिङा ओचोगुना टोॽवालाम्मा टोक्माना जाए-जाए माङ्हाङ्लाम्मा ओटोगुटु॥ အခန်းကိုကြည့်ပါ။ |
१ कोरिन्थि 4:5
48 ပူးပေါင်းရင်းမြစ်များ
टरो छेम्बाना याहुदिम्बाक् उनिङ्ग्वालाम्मा लिमा कोन्युक्, हिट्नुङ् छेम्बाना खाताना चोक्माम्बाक् धारमाबिधि गाड्डे भारा येम्ङि चोक्माना रिङ् एडोक् माखाक्, टरो नाउम्बाक् सेङ्सेङ्ना हाङ्सालाम्मा निङ्ग्वाङि चोक्माना रिङ् ए॥ नाड्डेना याप्मिङाना निङ् चोन्डुना माङ्हाङ्ङा उनिङ्ग्वा टासुटु, याप्मिचिङा माखाक्॥
टरो न्याए लिना लेम्बा हिट्नागाँ खोड्डे पारागा पाङ् ओजाग्ङि चोक्मागा थोक्चि ओठेन्डुएना येसु खिरिस्ट उङ्युङ् ओठेट्युक्, उन्ङा ख्वाप्पा थोक् पारचिन्दा चोगुटु॥ हिट्ना बेला मिङा सोब्बेङा ओचोगुना टोॽवा पारकाट् चोगुटु, हिट्नुङ् ख्वाप्पाङा उन्चिङा ओचोगुना टोॽवा खोड्डेना नुङ् मिङि ठेन्युङ् जाँच चोक्युक्॥
हिट्ना ओसाट्टोङि आन्याँउम्टे याप्मिचिङा ठोब्सा ओचोगुगा मोन्डिसिइना टोॽवा चोक्मा नाडेएसुम्मे॥ आन्याँ माङ्जो चा माट्निम्मागा, हिट्नुङ् माङ्हाङ् रिङ् चा फेराँ चोक्निम्मागा॥ टरो आन्याँ भोरोसायोगे नुङ् सोब्बे याप्मिचिङा बिस्वास याप्मिओचोक्याक् नुङ् आन्याँ छेम्बाना रिङ् पारचिन्दा माट्टुम्टुम्मा, हिट्नुङ् नाङाना साँचिम्बाक् माङ्हाङ् वाहेट्॥
भुम्बु-झान्झाचि हिट्नुङ् नाना-झान्झाचि, ठिबाङ्ङा आरकोङाना बिरुद्दाङि ओचाफेम्मा रिङ् माट्नेनुम्॥ आप्पे बिस्वासि भुम्भु-झान्झाङाना बिरुद्दाङि ओचाफेम्मा रिङ् चेक्ना याप्मि आथाबा आप्पे बिस्वासि भुम्भु-झान्झा न्याए काचोक् याप्मिङा धारमाबिधिङाना बिरुद्दाङि चेक्युक् हिट्नुङ् धारमाबिधि न्याए चोगुटु॥ खान्ङा धारमाबिधि न्याए आचोगुटु भोने, खान् ना रिङ् काटेन्बा माखाक् टरो ना रिङ्ङाना न्याए काचोक्बा आलियुक्॥
खानि बिस्वास छेम्बाना नुङ् नागा याङ्छामाङा आनिमेट्युक्॥ याप्मिचिङा जाखाम् लिना साम्मेङ्उम् मिङि उटुनुङ् आसालि ओचोगुटु भोने, खानि बिस्वास हिट्ना नुङ्ना चा आड्डिक् माहाङ्गो ए॥ जब पारिक् पारिक्गा याङ्छामाङि खानि बिस्वास दोरो लियुक्, टब येसु खिरिस्ट नाराङि ठेट्ना बेला खानिङा मान्, माहिमा हिट्नुङ् निङ् चोम्मा आटोगुम्टुम्॥
हिट्नुङ् आङा ओठेयागा हिट्नुङ् उचिजिक्गा सोब्बे उसियागा याप्मिचि सिङासान् सोरि ओएबेसागा निसुङ्चें, हिट्नुङ् छाप्लाचि ओङ्से हिट्नुङ् हिट्नि आरको ठिक् जिबानङाना छाप्ला चा ओङ्से॥ हिट्नुङ् माङ्हाङ्ङा उसियागा याप्मिचि हिट्नागाँ ओचोगुना टोॽवाङाना बारेङि छाप्लाचिङि छेप्टि गाड्डे डोक् हिट्नागा न्याए चोगुचे॥
ကြော်ငြာတွေ