१ कोरिन्‌थि 3:9 - आठपहरिया

⁹ पोङ्‌भोने आनि सोब्‍बेम्‍बाक् माङ्‌हाङ्‌ङाना टोॽवा काचोक्‌चि ए, हिट्‌नुङ् माङ्‌हाङ्‌ङाना ओबेङ्‌सिम्‍बाक् खानि ए॥ हिट्‌नुङ् खानिम्‍बाक् माङ्‌हाङ्‌ङा चोगुना पाङ् ए॥

१ कोरिन्‌थि 3:9 ပူးပေါင်းရင်းမြစ်များ

मात्‌ति 15:13

टरो उन्‍ङा लोडुचे, “टोनालोग्‌ङि युङ्‌ना आङाना पाबाङा लेट्‌टुन्‍गेट्‌टुन्‍गा ख्‍वाप्‍पा सिङ् उभुङ्‌मा ओजारालाम्‍मा डोक् आङ्‌सुढिसुटु॥

मात्‌ति 16:18

हिट्‌नुङ् खान् पाटरुस, खान् लिङ्‌गेॽवा ए नुङ् आङा लोनाँ, हिट्‌नुङ् आङा आङाना माङ्‌पाङ् ना लुङ्‌गेॽवाङाना ओजाग्‌ङि चोगुङ्‌टुङ्, हिट्‌नुङ् सैतानङाना ओबोल्‍ङा ना मेट्‌मा हिडुन्‍ना॥

मात्‌ति 9:37

हिट्‌नुङ् येसुङा ओचेलाचि लोडुचे, “चासोङ् जोम् सोङ्‌ग्‍मैडे टरो चासोङ् काहेग्‍बाचिम्‍बाक् खाट्‌टिप्‍मा एडोक् ओवाहेट्॥

मारकुस 16:20

हिट्‌नुङ् हिट्‌नागा चेलाचि सोब्‍बेलेङ् ओखाडाउङ् नुना खाबोर पारचार ओचोगुए॥ हिट्‌नुङ् टाङ्‌बाङा हिट्‌नागा घुवार फाडुचे, हिट्‌नुङ् हिट्‌नागाँ पारचार ओचोगुना नुना खाबोर छेम्‍बाना नुङ् डोङ् ठोङ्‌डिना टोॽवाचि चोगुङ् उन्‍ङा पारमान् चोगुए॥]

मुलिचेला टोॽवा 4:11

उन्‍ङाना बारेङि धारमाछाप्‍लाङि नाड्‌डे छेप्‍टेसे– ‘लुङ् काछेट्‌बाचिङा ओलेप्‍टुना लिङ्‌गेॽवा डोक् पाङ् ओजाग्‌ङि छेट्‌माना उसुरङिना मुलि लिङ्‌गेॽवा लिसे॥’

१ कोरिन्‌थि 3:16

पाक् खानि आप्‍पे माङ्‌हाङ् पाङ् हिट्‌नुङ् माङ्‌हाङ् ओहाङ्‌सा खानिङि युङ्‌युक् नुङ् खानिङा ठाहा आटोक्‌निम्‍नै?

१ कोरिन्‌थि 3:6

हिट्‌नुङ् आङा लालिक् लेट्‌टुङे, हिट्‌नुङ् आपोल्‍लोसङा लालिक्‌ङि चुवा ठेन्‍डुए, टरो लालिक् पोना टोॽवाम्‍बाक् माङ्‌हाङ्‌ङा डोक् चोगुए॥

१ कोरिन्‌थि 6:19

पाक् खानि येम् सेङ्‌सेङ्‌ना हाङ्‌सा युङ्‌ना माङ्‌ठाना नुङ् खानिलोङ्‌सा ठाहा वाइना इ? माङ्‌हाङ् आप्‍पेङा खानि लाउङ्‌सा सेङ्‌सेङ्‌ना हाङ्‌सा मापिडिटि हिट्‌नुङ् खानिङि उन् युङ्‌युक्॥ हिड्‌नाड्‌डेउङ् खानि उन्‍ङाना ए, खानि आप्‍पेम्‍बाक् आप्‍पेङाना माखाक् ए॥

२ कोरिन्‌थि 6:1

पोङ्‌भोने आन्‍याँ माङ्‌हाङ्‌लोक् एक्‍केउ टोॽवा काचोक्‍बा लिसिङानाँ खानिङा आटोगुम्‍ना माङ्‌हाङ्‌ङाना मायादायाङाना बारदान खेरोक् लिमा पिनेनुम् नुङ् बिन्‌टि चोक्‍नानि॥

२ कोरिन्‌थि 6:16

हिट्‌नुङ् माङ्‌हाङ्‌ङाना माङ्‌ठाना लोक् साम्‍माङ्‌ङाना मुरति खोड्‌डेउङ् टोङ्‌चिचिगा? पोङ्‌भोने आनिउम्‍टे उहिङ्‌ग्‍वाट् माङ्‌हाङ्‌ङाना माङ्‌ठाना ए॥ माङ्‌हाङ् आप्‍पेङा माट्‌टुए, “आङा आयाप्‌मिचिलोक् युङ्‌ङा हिट्‌नुङ् हिट्‌नागालोक् लाम्‌टिङा॥ आङा हिट्‌नागाँगा माङ्‌हाङ् लिङा हिट्‌नुङ् हिट्‌नागा आयाप्‌मिचि उलियुक्॥”

एफिसि 2:10

माङ्‌हाङ्‌ङा आनि आचोगाना ए॥ खिरिस्‍ट येसुलोक् आनिना साम्‍बान्‍धा लिसानाँ, आनि चोलाङि नुना टोॽवा चोक्‍मा लाउङ्‌सा ओछोङ्‌ग्‍वाट् चोला आनि टोगुएसुम्‍मे॥ आनि हिट्‌नागा नुगा टोॽवा चोगुम् नुङ् माङ्‌हाङ्‌ङा पाइले डोक् टेयार चोगुएसुना॥

कालास्‌सि 2:7

सिङ् उभुङ्‌माङा खाम्‌ङि ओजारा ठेन्‍डु गाड्‌डे डोक् खानि चा बिस्‍वासङि बोल्‍लेउ लिसानिउङ् पोसा खाडानि॥ खानि माहिसिक्‌टिगा गाड्‌डे बिस्‍वासङि बोल्‍लेउ लिसानि, हिट्‌नुङ् माङ्‌हाङ् सोरोक् पोए-पोए ठाङ्‌सानुम्॥

१ तिमोथि 3:15

नाड्‌डेउङ् चा आङा खान्‌ङि आप्‍मा आबेला लिसाङे भोने, माङ्‌हाङ्‌ङाना ओयाप्‌मिचिङि आनि चाल चालान् खोड्‌डे पारिक् लिमा कोन्‌युक्‍ना हिट्‌ना खान्‍ङा ठाहा टोक्‍मा कोन्‌युक्॥ माङ्‌हाङ्‌ङाना ओयाप्‌मिचिउम्‍बाक् उहिङ्‌गुवाट् माङ्‌हाङ्‌ङाना माङ्‌पाङ् हिट्‌नुङ् ना छेम्‍बाना रिङ्‌ङाना ठोक्‍ला हिट्‌नुङ् ओजाग् ए॥

हिब्‍रु 3:6

टरो खिरिस्‍टउम्‍बाक् माङ्‌हाङ् उपाङ्‌ङिगा ख्‍वाप्‍पा ओयाप्‌मिचिङा हाक् टोगुना उइछा गाड्‌डे डोक् बिस्‍वासिलो ए॥ हिट्‌नुङ् आनि खिरिस्‍टङि सोरोक् बिस्‍वास चोगुमुङ् आनि आसा युङ्‌सुम् याक्‍टुम्‍टुम्‍मे भोने, आनि चा माङ्‌हाङ् ओपाङ्‌ङिगा ओयाप्‌मिचि ए॥

१ पाटरुस 2:5

खानि चा उहिङ्‌ग्‍वाट् लुङ्‌गेॽवा लिसानिउङ् आबानि हिट्‌नुङ् आत्‌मिक् माङ्‌ठाना चोक्‍मा आप्‍पेलोङ्‌सा पिडानुम्॥ हिट्‌नि खानि येसु खिरिस्‍टङाना नाताङा चोगुनाँ माङ्‌हाङ्‌ङाना उनिङ्‌ग्‍वा टासुना आत्‌मिक् भोक् काठाङ्‌बा सेङ्‌सेङ्‌ना पुजारिङाना टोॽवा आचोगुम्‍टुम्॥

३ युहान्‍ना 1:8

आनि बिस्‍वासिचिङा नाड्‌डेगा याप्‌मिचि घुवार फामाचि कोन्‌युक्, नाड्‌डेउङ् आनि छेम्‍बाना रिङ् लाउङ्‌सा हिट्‌नागाँगा टोॽवाङि घुवार फाडुम्‌चिमुङ् उन्‌चिलोक् एक्‍केउ टोॽवा काचोक् लिसिटि॥